قازاقستان • 10 جەلتوقسان، 2019

قۇرمانعازى وركەسترى بەيجىڭدە وتكەن دۇنيەجۇزىلىك مۋزىكا ەكسپو-سىنا قاتىستى

30 رەت كورسەتىلدى

2019 جىلدىڭ 5 جەلتوقسانىندا بەيجىڭ قالاسىندا (قحر) دۇنيەجۇزىلىك مۋزىكا ەكسپو-سى اياسىندا قازاقستان رەسپۋبليكاسى مادەنيەت جانە سپورت مينيسترلىگى « ۇلى دالا سازى» اتتى قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىنىڭ كونتسەرتىن ۇيىمداستىردى. 

2009 جىلدان باستاپ ۇيىمداستىرىلىپ كەلە جاتقان دۇنيەجۇزىلىك مۋزىكا ەكسپو-سىنىڭ باستى ماقساتى - قىتايلىق كورەرمەندى ءار ەلدىڭ ۇلتتىق مۋزىكا ونەرىمەن تانىستىرۋ.

وسى ورايدا، بيىلعى جىلعا دەيىن ءازىربايجان، بەلارۋسيا، يسپانيا جانە وزگە دە ەلدەردىڭ وركەسترلەرى ءوز ونەرلەرىن كورسەتكەن بولاتىن.

بەيجىڭ قالاسىنداعى تيانانمەن الاڭىنا جانە  حالىق جينالىستار ۇيىنە جاقىن ماڭدا ورنالاسقان سوپاق كۇمبەز نىشانىندا قۇرىلعان عيمارات - ۇلتتىق ورىنداۋشىلىق ونەر ورتالىعى «ۇلكەن ۇلتتىق تەاتر» دەپ تە اتالادى. 

قۇرمانعازى وركەسترىنىڭ كونتسەرتى 5 جەلتوقساندا ۇلتتىق ورىنداۋشىلىق ونەر ورتالىعىنىڭ (ۇلكەن ۇلتتىق تەاتر) ساحناسىندا «الەمدىك مۋزىكالىق سەريالار» جوباسى اياسىندا ءوتتى.

قازاقستاننىڭ قىتايداعى وكىلەتتى ەلشىسى عابيت قويشىباەۆ وركەستر ۇجىمىنا العىس ءبىلدىرىپ، كونتسەرتكە جوعارى باعاسىن بەردى.

ول قىتايلىق ونەر سۇيەر قاۋىمنىڭ قازاق مۋزىكاسىنا دەگەن قىزىعۋشىلىعى مەن ءىلتيپاتى ارتىپ، ءتانتى بولعانىن جەتكىزدى.

قازاق مەملەكەتتىك اكادەميالىق حالىق اسپاپتار وركەسترىنىڭ كونتسەرتتىك باعدارلاماسىندا قۇرمانعازى، تۇركەش، نۇرعيسا تىلەنديەۆ، داۋلەتكەرەي، اباي، موتسارت، برامس جانە وزگە دە قازاق جانە شەتەل كومپوزيتورلارىنىڭ شىعارمالارى ورىندالدى. 

سونداي-اق اتالعان ءىس-شاراعا اباي اتىنداعى مەملەكەتتىك اكادەميالىق وپەرا جانە بالەت تەاترى مەن جامبىل اتىنداعى قازاق مەملەكەتتىك فيلارمونياسىنىڭ ءسوليسى فارحاد كۋبيەۆ جانە استانا وپەرا مەملەكەتتىك وپەرا  جانە بالەت تەاترىنىڭ ءسوليسى ايزادا كاپونوۆا قاتىستى.

ايتا كەتەيىك، قۇرمانعازى اتىنداعى مەملەكەتتىك اكادەميالىق حالىق اسپاپتار وركەسترىنە بيىل 85 جىل تولدى.

100

سوڭعى جاڭالىقتار

سالماعى 92 گرامدىق پرينتەر

تەحنولوگيا • بۇگىن، 13:30

ۇقساس جاڭالىقتار