ەلىمىزدىڭ ەڭ ماڭىزدى مەرەكەلەرىنىڭ ءبىرى سانالاتىن تاۋەلسىزدىك كۇنىن تويلاۋ قاراشا-جەلتوقسان ايلارىندا ورتالىقتاندىرىلعان كىتاپحانالار جۇيەسىندە وتەتىن «جەلتوقسان ىزعارى...», «ازاتتىقتى اڭساعاندار» ەسكە الۋ ساباقتارىنان باستاۋ الدى.
سونداي-اق 28 قاراشا-20 جەلتوقسان ارالىعىندا قالانىڭ بارلىق مەكتەپتەرىندە «جەلتوقسان – تاۋەلسىزدىك رۋحى» اتتى دارىستەر وقىتىلۋدا.
№15 كوپشىلىك كىتاپحاناسىندا دا جەلتوقسان ايى بويى «جەلتوقساندا جانعان الاۋ» تاقىرىبىندا اقپاراتتىق ساعاتتار وتكىزىلىپ جاتىر.
ال 10 جەلتوقساندا №5 كوپشىلىك كىتاپحانا ۇجىمى «تاۋەلسىزدىك: ماڭگىلىق ەلدىڭ بەرىك تۇعىرى» تاقىرىبىندا وتەتىن اقپاراتتاندىرۋ كۇنىنە قاتىسۋعا شاقىرادى.
سول كۇننىڭ ەرتەسىنە كەشكى 19.00-دە ەلوردالىقتار نازارىنا «جاستار» سارايىندا وتەتىن «تاۋەلسىزدىك تولعاۋى» كونتسەرتتىك باعدارلاماسى ۇسىنىلادى.
12 جەلتوقسان كۇنى شىعارماشىل جاستاردىڭ «استانا-باتەرەك» مونۋمەنتىندە مەملەكەتتىك سىيلىقتىڭ لاۋرەاتى, «بايتەرەك» پوەماسىنىڭ اۆتورى, اقىن نەسىپبەك ايت ۇلىمەن كەزدەسۋگە مۇمكىندىگى بار.
سول كۇنى ساعات 10.00-دە «الجير» مۋزەي-مەموريالدى كەشەنى, «زەردە» زالىندا «جەلتوقسان – تاۋەلسىزدىك رۋحى» تاقىرىبىنداعى تاۋەلسىزدىڭ كۇنىنە ارنالعان شارا وتەدى.
ال 12-17 جەلتوقسان ارالىعىندا ساعات 10.00-18.00-دە «الجير» مۋزەي-مەموريالدى كەشەنى, «الجير» زالىندا «جەلتوقسان قاھارماندارى» كورمەسى كورەرمەندەرگە ەسىگىن ايقارا اشقالى تۇر.
سونىمەن قاتار 12 جەلتوقساندا ونەرسۇيەر قاۋىم كەشكى 18.00-دە «Nomad City Hall» تەاترىندا وتەتىن قر تاۋەلسىزدىك كۇنىنە ارنالعان پوەزيا كەشىنە قاتىسا الادى. پوەزيا كەشى ەلىمىزدىڭ مايتالمان تۇلعالارى س. سەيفۋللين, ب. مايلين, ءى. جانسۇگىروۆتى ەسكە الۋعا باعىتتالعان.
13 جەلتوقسانعا دا ءبىرتالاي مەرەكەلىك شارالار جوسپارلانعان. سونىڭ ءبىرى – ساعات 11.00-دە س.سەيفۋللين مۋزەيىندە وتەتىن «تاۋەلسىزدىك اماناتى بابامنىڭ» تاقىرىبىنداعى پوەزيا كەشى.
ال ءبىر ساعاتتان كەيىن, 12.00-دە №4 بالالار كىتاپحاناسىندا «قازاقستان-ءومىرىمنىڭ ءمانى» تاقىرىبىندا پاتريوتتىق ساعاتى وتەدى.
ينتەلەكتۋالدى سايىستى تاماشالاعىسى كەلەتىن جاندار 13 جەلتوقسان ساعات 12.30-دا №8 بالالار كىتاپحاناسىندا وتەتىن « ۇلى جەر, سۇيىكتى وتانىمىزدى قازاقستان دەپ اتايمىز!» شاراسىنا قاتىسا الادى.
سول كۇنى ساعات 15.00-دە №59 مەكتەپ-لتسەيىندە «تاۋەلسىزدىك – حالىق مۇراتى» تاريحي-تانىمدىق, ادەبي-مۋزىكالىق كەشى وتەدى. ودان بولەك, 13 جەلتوقسان كۇنى ساعات 16.00-دە تاۋەلسىزدىك سارايىندا «تاۋەلسىزدىكتىڭ بەلگىسى – نۇر-سۇلتان» كورمەسىنىڭ سالتاناتتى اشىلۋى بولادى. كورمەنى تاماشالاعىسى كەلگەن جاندار 13 جەلتوقسان-13 قاڭتار ارالىعىندا ساعات 10.00-18.00 دەيىن كەلۋىنە بولادى.
سول كۇنى ەلوردالىقتارعا №12 كوپشىلىك كىتاپحاناسىندا «بۇگىن ءبىزدىڭ ەگەمەندىگىمىز ءوز كۇنىن اتاپ وتۋدە» تاريحي قۇجاتناماسى تانىستىرىلادى.
ال №3 بالالار كىتاپحاناسىندا ء«بىز تاۋەلسىز ەلدىڭ ۇلانىمىز!» پاتريوتتىق ساباعى مەن «جەلتوقسان جاڭعىرىعى» ەسكە الۋ ساعاتى وتەدى. كەشكىسىن, 19.00-دە «جاستار» سارايىندا ب.جانداربەكوۆتىڭ «توميريس – ساق پاتشايىمى» سپەكتاكلى كورەرمەندەرگە جول تارتادى.
ەلوردالىق تسيرك تورىندە 14 جەلتوقسان ساعات 12.00-دە, 16 جەلتوقسان ساعات 16.00-دە تاۋەلسىزدىك كۇنىنە ارنالعان حالىقارالىق تسيركتىك شوۋ باعدارلاما وتەدى. استانالىق بالاقايلارعا دا جاعىمدى جاڭالىق بار. ولارعا ارنالىپ 14-15 جەلتوقسان كۇندەرى ساعات 12.00, 14.00, 16.00-دە قۋىرشاقتار تەاترىندا «الاددين» سپەكتاكلى قويىلاتىن بولادى.
سونداي-اق 14-18 جەلتوقسان ارالىعىندا ساعات 10.00-18.00-دە س.سەيفۋللين مۋزەيىندە «تاۋەلسىزدىك بابالار مۇراتى» فوتوكورمەسى وتەدى. 14 جەلتوقسان كۇنى كەشكى ساعات 18.30-دا «بارىس ارەنا» مۇز ايدىنىندا «دەنيستىڭ دوستارى» مۇزدى شوۋى ءوز كورەرمەندەرىنە تاماشا قويىلىم دايىندادى.
ماحاببات ليريكاسىن سۇيەر قاۋىمدى 15 جەلتوقسان ساعات 19.00-دە «جاستار» تەاترىنىڭ شىعارماشىلىق توبى ع.مۇسىرەپوۆتىڭ «جىبەك» ميۋزيكلىندا اسىعا كۇتەدى.
سونىمەن قاتار سول كۇنى ساعات 19.00-دە ق.قۋانىشباەۆ اتىنداعى قازاق دراما تەاترىندا «ابىلايحاننىڭ ارمانى» سپەكتاكلى كورەرمەنگە جول تارتادى. ال 16 جەلتوقسان ساعات 18.00-دە قالالىق مادەنيەت باسقارماسى كورەرمەندەردى «بارىس ارەنا» مۇز سارايىندا وتەتىن «جىل ءانى» كونتسەرتىندە اسىعا كۇتەدى.
