قازاقستان • 10 جەلتوقسان، 2019

شىمكەنت 2020 جىلعى تمد ەلدەرىنىڭ مادەني استاناسى ەستافەتاسىن قابىلداپ الدى

22 رەتكورسەتىلدى

بەلارۋس رەسپۋبليكاسىنىڭ برەست قالاسىندا «برەست – تمد ەلدەرىنىڭ 2019 جىلعى مəدەني استاناسى» ءىس-شاراسىنىڭ جابىلۋ سالتاناتى ءوتتى. سالتاناتتى ءىس-شارادا برەست قالاسى 2020 جىلعى تمد-نىڭ مادەني استاناسى ەستافەتاسىن شىمكەنتكە رەسمي تۇردە تابىستادى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.

دوستىق پەن ءوزارا ىنتىماقتاستىقتى ورىستەتكەن جيىنعا 2020 جىلعى تمد-نىڭ مادەني استاناسى مارتەبەسىن يەلەنگەن شىمكەنت قالاسىنان ارنايى وكىلدەر قاتىستى. شىمشاھاردىڭ مەرەيىن اسىرعان مارتەبەلى ءىس-شاراعا ءۇشىنشى مەگاپوليستىڭ دەلەگاتسياسىن شىمكەنت قالاسى اكىمىنىڭ ءبىرىنشى ورىنباسارى قايرات نۇرتاي باستاپ باردى. مەرەكەلىك ءىس-شارا شەڭبەرىندە شىمكەنت قالاسى ىشكى ساياسات جانە ءدىن ىستەرى باسقارماسىنىڭ باسشىسى جانار بەكتاەۆا، سونداي-اق فوتوتىلشىلەر قالامىزدىڭ تۋريستىك جانە تاريحي-مادەني الەۋەتىن تانىستىردى.

جيىن اياسىندا تمد مەملەكەتارالىق گۋمانيتارلىق ىنتىماقتاستىق قورىنىڭ (مگىق) وتىرىسى ءوتىپ، وندا برەست قالاسىندا دوستاستىقتىڭ مادەني استاناسى رەتىندە اتقارىلعان جۇمىستارى سارالانىپ، ونىڭ قورىتىندىسى تالقىلاندى. باق وكىلدەرى ءۇشىن ارنايى ءباسپاسوز جيىندارى ۇيىمداستىرىلىپ، قوناقتار «برەست قورعانى» مەموريالدىق كەشەنىنە بارىپ، ماڭگىلىك الاۋعا گۇل شوقتارىن قويدى.

بۇدان سوڭ برەست اكادەميالىق دراما تەاترىندا «برەست – تمد ەلدەرىنىڭ 2019 جىلعى مəدەني استاناسىنىڭ» قورىتىندى جابىلۋ سالتاناتى ءوتتى. مەرەكەلىك كونتسەرتكە تمد ەلدەرىنىڭ ۇزدىك ونەرپازدارى قاتىستى.

ال حالىقارالىق «دوستاستىق دەبيۋتتەرى» پرەمياسىنىڭ لاۋرەاتتارى قوناق رەتىندە شاقىرىلدى. سالتاناتتى شارا برەست قالالىق اتقارۋشى كوميتەتى توراعاسىنىڭ دەلەگاتتاردى ارنايى قابىلداۋىمەن اياقتالدى.

سوڭعى جاڭالىقتار

ۇقساس جاڭالىقتار