ءبىرىنشى جارتىجىلدىقتا قاراعاندى وبلىسىندا ونەركاسىپ ءوندىرىسىنىڭ كولەمى 672,5 ميلليارد تەڭگەنى قۇرادى. ايماقتاعى «ارسەلور ميتتال تەمىرتاۋ» اق پەن «قازاقمىس» كورپوراتسياسى» جشس سياقتى ەكى ءىرى ءوندىرىس وشاعىنىڭ جۇمىسىنداعى قيىندىقتارعا قاراماستان, جىل باسىنان بەرى جالپىەكونوميكالىق كورسەتكىش قالىپتى دەڭگەيدە ساقتالۋى بايقالادى. التى ايدا نەگىزگى كاپيتالعا 175 ملرد. تەڭگە ينۆەستيتسيا سالىنىپ, بىلتىرعى وسى مەرزىممەن سالىستىرعاندا 1,5 ەسەگە ارتتى. سىرتقى ساۋدا اينالىمى – 5, ال ەكسپورت 8,5 پايىزعا ءوستى. سونىڭ ىشىندە شيكىزاتتىق ەمەس ەكسپورت 89-دان 95 پايىزعا دەيىن كوتەرىلدى.
ورتا جانە شاعىن بيزنەستىڭ ەكپىندى دامۋى بولشەك تاۋار اينالىمىن 7,6 پايىزعا ۇلعايتتى. 3 مىڭ جاڭا جۇمىس ورنى اشىلىپ, جۇمىسسىزدىق دەڭگەيى ءبىرشاما تومەندەدى. وبلىستىق بيۋدجەت ءتۇسىمى 112,9 ملرد. تەڭگە بولدى.
ايقىن نەسىپباي,
«ەگەمەن قازاقستان».
قاراعاندى وبلىسى.
