جالپى اۋماعى 16 گەكتار جەردى الاتىن كوپسالالى اۋرۋحانادا دياگنوستيكالىق كەڭەس كورسەتۋدەن باستاپ نەيروحيرۋرگيا, ۋرولوگيا, جاراقات, قاتەرلى ىسىك اۋرۋلارى سىندى مەديتسينالىق كومەك كورسەتەتىن بولىمدەر جۇمىس ىستەيتىن بولادى. زاماناۋي مەديتسينالىق قۇرال - جابدىقتارمەن تولىق قامتىلاتىن جوبانى 2022 جىلى اياقتاۋ كوزدەلىپ وتىر. اۋرۋحانانىڭ كاپسۋلاسىن سالۋعا تۇركىستانعا جۇمىس ساپارىمەن كەلگەن پرەمەر–مينيستر اسقار مامين, دەنساۋلىق ساقتاۋ ءمينيسترى ەلجان ءبىرتانوۆ قاتىستى.
سونداي-اق مينيستر ە.ءبىرتانوۆ كەنتاۋ قالاسىنداعى ورتالىق اۋرۋحانانىڭ جۇمىسىمەن تانىسىپ, دارىگەرلەرمەن جينالىس وتكىزدى. وبلىستىق قوعامدىق دەنساۋلىق باسقارماسىنىڭ باسشىسى مۇقان ەگىزباەۆ وڭىردەگى مەديتسينا مەكەمەلەرىنىڭ بۇگىنگى جاعدايىنان قىسقاشا مالىمەت بەردى. ال كەنتاۋداعى كوپسالالى اۋرۋحانا قازىرگى تاڭدا 170 مىڭعا جۋىق حالىققا قىزمەت كورسەتۋدە. 316 توسەك-ورىنعا ەسەپتەلگەن. مامانداندىرىلعان جانە جالپى تاجىريبەلىك دارىگەرلەر قۇرامى بار. اۋرۋحانا ۇجىمىمەن كەزدەسۋ بارىسىندا مەكەمەنىڭ 100 پايىز تسيفرلاندىرۋ جۇيەسىمەن قامتاماسىز ەتىلگەنى اتاپ كورسەتىلدى. بيىلدان باستاپ ينسۋلت بولىمشەسى تولىققاندى جۇمىس ىستەۋدە. كومپيۋتەرلىك توموگرافيامەن قامتىلعان. جاقىن ورنالاسقان سوزاق جانە وتىرار اۋداندارىنىڭ تۇرعىندارى دا وسى بولىمنەن مەديتسينالىق كومەك الۋدا. لابوراتوريالىق دياگنوستيكا تولىق اۆتوماتتى جۇيەگە كوشكەن. مينيستر جيىن سوڭىندا اۋرۋحانا قىزمەتىنە وڭ باعاسىن بەردى.
