ايماقتار • 06 جەلتوقسان، 2019

ورالدا جاستار باستامالارىن قولداۋ جاقسى

37 رەتكورسەتىلدى

بيىل جىل باسىنان بەرى ورال قالاسىندا 360 ادام «جاس كاسىپكەر» جوباسى بويىنشا «كاسىپكەرلىك نەگىزدەرى» كۋرسىن ءتامامداپ، 120 جاس تەگىن مەملەكەتتىك گرانت جەڭىپ الدى. بۇل جونىندە ورال قالاسى اكىمدىگى جانىنداعى جاستار ءىسى جونىندەگى كەڭەستىڭ كەڭەيتىلگەن وتىرىسىندا حابارلاندى.

ورال قالالىق جاستار رەسۋرستىق ورتالىعىنىڭ باسشىسى بولاتبەك ساحيەۆتىڭ ايتۋىنشا، قالا تۇرعىندارىنىڭ 60 806-سى – 14 پەن 29 ارالىعىنداعى جاستار. مۇنىڭ 37 905-ءى – ورتا مەكتەپتەر مەن كوللەدج-ۋنيۆەرسيتەتتە ءبىلىم الادى. 2019 جىلعى جۇمىسسىزدىق كورسەتكىشى جاستار اراسىندا 2،1 پايىز دەڭگەيىندە بولىپتى.

- جىل باسىنان بەرى 2958 جاس جۇمىس ىزدەپ جولىقسا، سونىڭ 2291-ءى مەملەكەتتىك قولداۋعا يە بولدى. 934 جاس تۇراقتى جۇمىسقا تۇردى. «ەڭبەك» مەملەكەتتىك باعدارلاماسى اياسىندا «جاستار تاجىريبەسى» بويىنشا 551 جاس مامان ءار ءتۇرلى مەكەمەلەرگە جولداندى. ءسويتىپ ونىڭ 147-ءسى تۇراقتى جۇمىسقا قابىلداندى، - دەيدى ب.ساحيەۆ.

«جاستار جىلى» اياسىندا بيىل ورالدا كاسىپكەرلىكتى دامىتۋ باعىتىندا كوپتەگەن يگى ءىس جاسالعان. «بيزنەستىڭ جول كارتاسى-2020» مەملەكەتتىك باعدارلاماسى ارقىلى 130 ملن تەڭگە قارجى ءبولىنىپ، قايتارىمسىز 50 گرانت يەسىن تاپتى. بۇعان قوسا وسى باعدارلاما شەڭبەرىندە جاستاردى قولداۋ ماقساتىندا وبلىس بويىنشا وتەۋسىز مەملەكەتتىك گرانت ءۇشىن قوسىمشا 45 ملن تەڭگە بولىنگەن.

تىڭ يدەيالارىمەن كوزگە تۇسكەن جاستارعا ارنالعان بىرەگەي باعدارلامانىڭ ءبىرى – «Zhas Project» جوباسى. بۇكىل ەلىمىزدە كەڭ قانات جايعان وسى باعدارلاما بويىنشا ورالدىق 54 جوبا جەڭىمپاز اتانىپ، قاتىسۋشىلارعا 1 000 000 تەڭگە كولەمىندە قايتارىمسىز گرانت نەگىزىندە قارجى بەرىلگەن.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار