قاسىم-جومارت توقاەۆ گەرمانياعا رەسمي ساپارى بارىسىندا گفر-ءدىڭ ەكس-كانتسلەرى گەرحارد شريودەرمەن كەزدەستى. كەزدەسۋ بارىسىندا قازاقستان مەن گەرمانيا اراسىنداعى ىنتىماقتاستىقتىڭ اياسىن كەڭەيتۋ جانە ەكى ەلدىڭ ىسكەرلىك بايلانىستارىن نىعايتۋ مۇمكىندىكتەرى تالقىلاندى.
– گەرمانيا الەمدە ءتورتىنشى ءىرى ەكونوميكا بولىپ سانالادى. الايدا, ءبىزدىڭ ەلگە سالىنعان ينۆەستيتسيا كولەمى بويىنشا 12-ورىندا. قازاقستانعا ينۆەستور رەتىندە كەلەتىن نەمىس كاسىپكەرلەرىنە ارنايى جەڭىلدىكتەر جاساۋعا نيەتتىمىز. بىزدە ارنايى ەكونوميكالىق ايماقتار بار. سوندىقتان ولارعا ەرەكشە جاعداي جاسايمىز, – دەدى ق.توقاەۆ.
گەرحارد شريودەر قازاقستاننىڭ ينۆەستورلار تارتۋعا باعىتتالعان شارالارىنا وڭ باعا بەرىپ, ەكونوميكانىڭ ناقتى سەكتورىنداعى بىرلەسكەن بيزنەس-جوبالاردى جۇزەگە اسىرۋ جونىندە ءوز ۇسىنىسىن ايتتى. بەلگىلى ساياسي قايراتكەردىڭ پىكىرىنشە, قازاقستان نەمىستىڭ ءىرى كومپانيالارىنا عانا كوڭىل ءبولىپ قويماي, گەرمانيانىڭ شاعىن جانە ورتا بيزنەسىنىڭ الەۋەتىن دە ەسكەرۋى قاجەت.
