ايماقتار • 05 جەلتوقسان، 2019

مۇز ايدىندار، سىرعاناقتار ەرىپ كەتپەي مە؟

60 رەتكورسەتىلدى

پاۆلودار وبلىسىنىڭ جەرگىلىكتى اۋا رايىن باقىلاۋ ورتالىعى بيىل وڭىردە قىس جىلى، قار از بولادى دەپ بولجاپ وتىر.

ال وبلىس ورتالىعىندا مۇز ايدىندارى مەن سىرعاناقتار جاساۋ داستۇرگە اينالعان.

قالالىق دەنە شىنىقتىرۋ جانە سپورت ءبولىمىنىڭ مالىمەتىنشە، سولتۇستىكتىڭ اۋا رايى كۇرت وزگەرىپ، قىس جىلىنىپ كەتكەندەي.

بىراق مۇز ايدىندارى، سىرعاناقتار، قىسقى ويىن الاڭدارى دايىندالۋدا.

قاراشا ايىنىڭ سوڭعى كۇندەرى اۋا تەمپەراتۋراسى -15-20 س بولعان كەزدە وبلىس ورتالىعىندا  مۇز قاتىرۋ جۇمىستارى جۇرگىزىلدى.

بيىل 26 حوككەي كورتى جۇمىس ىستەيدى.

سونىمەن قاتار وبلىس ورتالىعىندا  باتىر Mall ساۋدا ورتالىعىنداعى «ايس» ارەناسى، «استانا» مۇز سارايى، «ەرتىس» شاڭعى بازاسى، شىعىس ىقشام اۋدانىنداعى جابىق حوككەي كورتى، گاگارين اتىنداعى ساياباق، قالالىق مادەنيەت جانە دەمالىس ساياباعىنداعى مۇز ايدىندارى مەن سىرعاناق ورىندارى اشىلادى.

جىلداعى ءداستۇر بويىنشا قالالىق مەكتەپتەر جانىنان 42 كونكيمەن سىرعاناۋ ورنى - مۇز ايدىندارى جاسالىپ جاتىر.

سونىمەن بىرگە قالا ماڭىنداعى لەنين كەنتى، كەنجەكول، جەتەكشى جانە پاۆلودار اۋىلدارىنداعى مەكتەپتەردە دە مۇز ايىندارى اشىلادى.

كونكيلەردى جالعا الۋ قۇنى ەرەسەكتەر ءۇشىن 600، بالالارعا 400 تەڭگە بولماق. ال سىرعاناۋ قۇرالدارىن قالا تۇرعىندارى وزدەرىمەن الىپ كەلەدى.

ال شاڭعى تەبۋشىلەر ءۇشىن وبلىس ورتالىعىندا «زەلەنايا روششا»، «ەرتىس» شاڭعى كەشەندەرى جۇمىس ىستەيدى. 

 

پاۆلودار

سۋرەتتى تۇسىرگەن: ۆالەري بۋگاەۆ

                  

                         

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار