ايماقتار • 05 جەلتوقسان، 2019

فورۋم «ەڭبەگى جانعان ارۋلارعا» ارنالدى 

43 رەتكورسەتىلدى

بيىل ەلىمىزدىڭ «ىسكەر ايەلدەر» قاۋىمداستىعىنىڭ قۇرىلعانىنا 25 جىل. وسى اتاۋلى شاراعا وراي وبلىس ورتالىعىندا وتكەن «ەڭبەگى جانعان ارۋلار» اتتى رەسپۋبليكالىق فورۋمعا قاۋىمداستىقتىڭ وڭىرلەردەگى فيليال وكىلدەرى قاتىستى.

قاۋىمداستىق پرەزيدەنتى راۋشان سارسەمباەۆانىڭ ايتۋىنشا، بۇعان دەيىن فورۋم وتىرىسى اقتاۋ، سولتۇستىك قازاقستان وبلىستارىندا وتكىزىلگەن.

جيىنعا پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا توراعاسىنىڭ ورىنباسارى ەلەنا تاراسەنكو قاتىسىپ، ءوزىنىڭ باستاۋىش سىنىپ مۇعالىمىنەن پارلامەنت ءماجىلىسىنىڭ دەپۋتاتى بولعانىن ايتىپ  بەردى.

جيىنعا قاتىسقان وبلىس اكىمى بولات باقاۋوۆ وڭىردەگى ءبىلىم، دەنساۋلىق ساقتاۋ، مادەنيەت، مەملەكەتتىك قىزمەت سالاسىندا قىزمەت ەتەتىن ايەلدەردىڭ ۇلەسى 70 پايىزعا جۋىق ەكەنىن اتاپ ءوتتى.

سونىمەن قاتار شاعىن جانە ورتا بيزنەس كاسىپورىندارىندا 130 مىڭنان اسا ايەل ەڭبەك ەتۋدە. جەرگىلىكتى اتقارۋشى ورىندار باسشىلارىنىڭ 37 پايىزى ايەلدەر.

جيىن بارىسىندا ەڭبەكقور، ىسكەر ايەلدەر ماراپاتتالدى.

فورۋم قاۋىمداستىق مۇشەلەرى ءۇشىن ۇيىمداستىرىلعان سەمينار-ترەنينگكە ۇلاستى.  

 

پاۆلودار

سۋرەتتى تۇسىرگەن: ۆالەري بۋگاەۆ

                  

                         

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار