قوعام • 05 جەلتوقسان، 2019

ءتىل تۇعىرى بيىكتەي بەرمەك

47 رەتكورسەتىلدى

بيىل اقتوبە قالاسىندا قر ء«تىل تۋرالى» زاڭىنىڭ قابىلدانعانىنا وتىز جىل تولۋىنا وراي ءتۇر مەن مازمۇنى ۇيلەسىم تاپقان كوپتەگەن ءىس-شارا جۇزەگە استى. وسى ورايدا ءبىر ماسەلە ايقىن دەۋگە بولادى. بۇل ەگەمەن ەلىمىزدىڭ تۇعىرى مەملەكەتتىك تىلىمەن دە بيىك بولا تۇسەتىندىگى. انا ءتىلىن ەركىن مەڭگەرۋى ارقىلى جاستاردىڭ بويىندا تۋعان جەرى مەن ەلىن شەكسىز سۇيە ءبىلۋ داعدىلارى قالىپتاسادى. ونىڭ تەرەك يىرىمدەرىنە بويلاي ءبىلۋ – سانالى ازامات بولىپ قالىپتاسۋدى قالايتىن جاستار مەن ستۋدەنتتەردىڭ باستى پارىزى بولماق. مارەگە تايالىپ كەلە جاتقان بيىلعى جاستار جىلىندا مۇنداي ۇستانىمنىڭ تيگىزەر پايداسى از بولماسا كەرەك.

وسى ماقساتتا حالىقارالىق «قازاق ءتىلى» قوعامى اقتوبە قالالىق فيليالىنىڭ توراعاسى رومان راحيەۆتىڭ ۇيىمداستىرۋىمەن وتكىزىلىپ جۇرگەن بايقاۋلار تۋعان ءتىلدىڭ تۇعىرىن ودان ءارى اسقاقتاتا تۇسكەندەي اسەر قالدىردى. مەملەكەتتىك مەكەمەلەردە قىزمەت ىستەيتىن جاستار مەن جاس مۇعالىمدەر، وقۋ ورىندارىنىڭ ستۋدەنتتەرى جانە وزگە دە ماماندىق يەلەرى قاتىسقان باسقوسۋلار – ولاردىڭ تۋعان تىلگەن دەگەن قۇرمەتى شەكسىز ەكەنىن كورسەتتى.

باسقوسۋدا ولار جاڭاشا ويلاۋ مەن تۇلەۋدىڭ جانە جاڭاشا جاڭعىرۋدىڭ جارقىن ۇلگىلەرىن تانىتتى. ءمادي بابامىز «جاستىق شاق، وتكىر قىلىش ءجۇزى ەمەس پە، قايراپساپ قالىڭ جاۋعا سەرمەگەندەي» دەپ جىرلاعانى ءمالىم. اقتوبەلىك جاستاردىڭ تۋعان تىلگە دەگەن ۇمتىلىسى – ولاردىڭ تۇلا بويىنداعى قاينار كۇش-قۋاتپەن تامىرلاسىپ تۇرعانى دا بايقاۋلار كەزىندە ايقىن بايقالدى. انا ءتىلىنىڭ مارتەبەسىن كوتەرۋدىڭ جولدارى مەن ادىستەرى سان-تاراۋ. سونىڭ ءبىرى وزگە ءتىلدى ەتنوس وكىلدەرىنىڭ مەملەكەتتىك تىلگە دەگەن قۇرمەتىن قالىپتاستىرۋ ەكەنى بەلگىلى. ءارى وسى ارقىلى ۇلتارالىق تاتۋلىق پەن بىرلىكتى ودان ءارى تەرەڭدەتە تۇسۋگە جول اشىلماق. اقتوبە قالاسىندا ءدال وسىلاي بولىپ تا جۇرگەنى كوڭىلگە رياسىز جىلى نۇر قۇيادى. بيىل قۇرىلعانىنا 150 جىل تولعان ەلىمىزدىڭ باتىس وڭىرىندەگى ءىرى شاھاردا «قازاق ەلى - قۇتتى مەكەن» تاقىرىبىندا وتكىزىلگەن بايقاۋلار مەن كونكۋرستاردىڭ دا اۋقىمى وتە كەڭ بولعانى قانداي عانيبەت. ەڭ باستىسى، بۇل بايقاۋلاردا ءوڭىردى مەكەندەيتىن وزگە ەتنوس وكىلدەرى جاستارى مەملەكەتتىك ءتىلدى ءتاپ-ءتاۋىر مەڭگەرگەندەرىن كورسەتە ءبىلدى. اتالعان بايقاۋلاردا جۇلدەگەر بولعانداردىڭ سانىنا ون ساۋساق جەتپەيدى. جۇلدە الماسا دا جارقىن جۇزدەرىمەن جانە قازاق ءتىلىن بىلۋگە دەگەن قۇشتارلىعىن كورسەتە الۋىمەن كورەرمەندەر كوڭىلىندە قالعاندارى قانشاما؟ ولاردىڭ ءبارىنىڭ اتى-ءجونىن اتاي كەتۋ مۇمكىن بولماي تۇرعانىنا، ءبارى جينالىپ قوس بىردەي پاراقتى تۇتاستاي تولتىراتىنىنا دا ريزاشىلىعىمىز مول.

- ولار انا ءتىلىمىزدىڭ قۇدىرەتىن پاش ەتىپ، ەلدىك پەن بىرلىكتىڭ جارقىن ونەگەسىن تانىتتى. سونىمەن بىرگە «قازاق ەلى – قۇتتى مەكەنىم» تاقىرىبىندا وتكىزىلگەن بايقاۋ قوناقتارى مەن قاتىسۋشىلارىنا ۇلكەن سەرپىلىس پەن قۋانىش سىيلادى. ونىڭ وتە قىزعىلىقتى، تارتىمدى سونىمەن ءبىر ساتتە تارتىمدى وتكەنى سونشالىق جۇلدەگەرلەردى انىقتاۋ ادىلقازىلار القاسىنا دا وڭاي تيگەن جوق. تاۋەلسىزدىك مەرەكەسى قارساڭىندا وتكىزىلگەن مەملەكەتتىك ءمانى بار وسىنداي ايرىقشا ءىس-شاراعا وزگە ءتىلدى ۇلت وكىلدەرى شىنايى جاناشىرلىق نيەت ءبىلدىرىپ بەلسەنە قاتىسقانى ءبارىمىزدى قۋانتتى، - دەيدى حالىقارالىق «قازاق ءتىلى قوعامى» اقتوبە قالالىق فيليالىنىڭ توراعاسى رومان راحيەۆ.

ءبىر سوزبەن ايتقاندا، اقتوبەدە مەملەكەتتىك ءتىلدى ەركىن مەڭگەرگەن ءارى ونى ءوز ءومىرى مەن قىزمەتىنىڭ ءبىر بولشەگى دەپ سانايتىن جاستار قاتارى كوبەيىپ كەلەدى. جوعارىدا ايتىلىپ وتكەندەي، ولاردىڭ اراسىندا وزگە ەتنوس وكىلدەرى دە مول.

تاۋەلسىزدىك تالاپتارىنىڭ ءبىرى دە وسىنداي پاراساتتى قادامداردان تۋىنداماق.

 

اقتوبە

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار