* قازاقستاننىڭ استىق قابىلداۋ كاسىپورىندارىندا 3 ملن. 568 مىڭ توننا استىق بار. ونىڭ 2 ملن. 784,5 مىڭ تونناسى نەمەسە 25 پايىزى ءۇش نەگىزگى استىق ءوسىرۋشى اقمولا, قوستاناي جانە سولتۇستىك قازاقستان وبلىستارىنا تيەسىلى بولىپ وتىر.
بيىلعى ەگىن وراعىنا جەڭىلدەتىلگەن باعامەن 410 مىڭ توننا وتىن بولىنەدى. وسىعان وراي اۋىل شارۋاشىلىعى مينيسترلىگى مەن مۇناي جانە گاز مينيسترلىگى جاعارمايمەن قامتاماسىز ەتۋدىڭ كەستەسىن بەكىتتى. ال ونىڭ باعاسى كوكتەمگى ەگىس كەزىندەگى دەڭگەيدە, ياعني ورتاشا نارىقتىڭ قۇنىنان شامامەن 10 پايىزعا ارزان بولادى.
استانادا جىلدىڭ ءبىرىنشى جارتىسىندا 946 پاتەر پايدالانۋعا بەرىلدى. بيىل «قولجەتىمدى باسپانا-2020» باعدارلاماسى بويىنشا بارلىق قارجىلاندىرۋ كوزدەرى ەسەبىنەن جالپى كولەمى 6,6 ملن. شارشى مەتر تۇرعىن ءۇي پايدالانۋعا بەرىلۋى ءتيىس.
*«اق بۇلاق» باعدارلاماسى اياسىندا جىل سوڭىنا دەيىن 300 جوبا ىسكە اسادى. ولاردىڭ قۇنى 78,1 ملرد. تەڭگە تۇرادى. بۇل رەتتە قاراجاتتىڭ ەڭ تومەن يگەرىلۋى ماڭعىستاۋ (15,3%), اقمولا (53,9%) جانە قوستاناي (56,8%) وبلىستارىنا ءتان بولعان.
جامبىلوبلىسى 2012 جىلعىەلايماقتارىاراسىندادامۋقارقىنىبويىنشاكوشباستادى.وبلىستىڭ ايماقتىق جالپى ءونىمى 2012 جىلى 778,2 ملرد. تەڭگەنى قۇرادى, ول 2011 جىلعى دەڭگەيدەن 143,9 ملرد. تەڭگەگە ارتىق.
*سەمەيدە اسكەري اۋە كۇشتەرىنىڭ جاڭا اۆياتسيالىق بازاسى اشىلدى. «جاڭا سەمەي» اۋەجايىندا قۇرىلعان اسكەري ءبولىمدى جاساقتاۋ ءۇشىن «ءۇشارال» اۋەجايىنداعى اۆياتسيالىق بازا كوشىرىلدى.
*وڭتۇستىك قازاقستاندا 16 مىڭنان استام ادام «جۇمىسپەن قامتۋ-2020» باعدارلاماسى بويىنشا جۇمىسقا تۇردى. ال 2015 جىلعا قاراي مۇندا بۇل سالادا جىلىنا 24-26 مىڭ ادامعا دەيىن قامتۋعا قول جەتكىزىلەدى دەپ كۇتىلىپ وتىر.
قىزىلوردا وبلىسىنىڭ پروكۋرورلارى ايتارلىقتاي قوماقتى سومانىڭ مەملەكەتكە قايتارىلۋىن قامتاماسىز ەتتى. مۇنى ولار جالاعاش اۋدانى سالىق باسقارماسىنىڭ جۇمىسىندا جىبەرىلگەن كەمشىلىكتەردى ورنىنا كەلتىرۋ نەگىزىندە «اگرو-حولدينگ بايقوڭىر» سەرىكتەستىگىنىڭ بيۋدجەتكە 21 390 673 تەڭگە, جيناقتاۋشى زەينەتاقىعا قورىنا 1 541 812 تەڭگە اۋدارۋى ارقىلى جۇزەگە اسىردى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
