ايماقتار • 05 جەلتوقسان، 2019

تەكەلىدەگى «Green House» جىلىجايى 452 مىڭ توننا قيار ءوسىردى

26 رەتكورسەتىلدى

كەزىندەگى وڭتايلاندىرۋدان كەيىن توقىراۋعا ۇشىراعان تەكەلى قالاسى بۇگىندە جاڭا تۇرپاتتاعى دامۋ جولىنا ءتۇستى. قازىر شاعىن شاھار ەجەلگى «كەنشىلەر قالاسى» دەگەن اتاۋىنا لايىق وركەندەپ كەلەدى.

تەكەلىدە ەلىمىزدەگى ساپاسى جوعارى شويىن وندىرىلەتىنىنەن جۇرت حاباردار. 2016 جىلدان بەرى قايتا جاندانعان بۇل ءوندىرىس جىل سايىن قوسىمشا قورىتۋ تسەحتارىن اشىپ، ىرگە كەڭەيتۋدە. بيىل شويىن بالقىتۋ وندىرىسىندە جۇمىس ىستەيتىن ەڭبەكشى كەنشىلەر سانى 1000 ادامعا جەتكەن ەكەن. كورىگى قىزعان دومنا پەشتەرىندە جەرگىلىكتى مەتالل بالقىپ، قالىپقا قۇيىلعان ءونىم ىشكى جانە سىرتقى نارىققا شىعارىلۋدا. تەكەلى كەنشىلەرى بيىل 7200 توننا شويىن ءوندىرىپتى. الداعى جىلى وندىرىستە ەكىنشى دومنا پەشى ىسكە قوسىلىپ، جۇمىس ىرعاعى ارتا تۇسەدى دەپ كۇتىلۋدە. جۇمىسشىلار سانى دا كوبەيىپ، مەتالۋرگتەر قاتارى 1500 ادامعا دەيىن تولىقپاقشى.

وندىرىسكە جان بىتكەن جەردە تۇرعىن - ءۇي كوممۋنالدىق شارۋاشىلىق سالاسى دا دامتىنى بەلگىلى. ادامدارعا جايلى ءۇي، جاعىمدى ورتا قاجەت. ينفورقۇرلىم دا زامانعا ساي بولۋى ءتيىس. بۇل باعىتتا شاعىن قلادا ءبىراز شارۋا ىستەلىپتى.

- «وڭىرلەردى دامىتۋ» باعدارلاماسى شەڭبەرىندە قالاداعى «مەتاللۋرگ» شاعىن اۋدانىنىڭ كارىز جەلىلەرى مەن ماگيسترالدى جىلۋ جەلىلەرى قايتا جاڭعىرتىلدى. ناتيجەسىندە، بارلىعى 23،3 شاقىرىم كارىز جەلىسى مەن 5،02 شاقىرىم ماگيسترالدى جىلۋ جەلىلەرى تولىقتاي جاڭاردى. قالادا باسپانا ماسەلەسى دە وڭ شەشىمىن تابۋدا. «نۇرلى جەر» باعدارلاماسى اياسىندا 40 پاتەرلى تۇرعىن ءۇي قۇرىلىسى جۇمىستارى جۇرگىزىلۋدە، جاقىندا پايدالانۋعا بەرەمىز. تاعى ەكى 40 پاتەرلى تۇرعىن ءۇيدىڭ قۇرىلىسىن قولعا الدىق، - دەيدى تەكەلى قالاسىنىڭ اكىمى باقتيار ونەرباەۆ.

شاعىن قالادا شارۋاشىلىق تا وركەن جايىپ وتىر. تەكەلىنىڭ شارۋالارى ەت، ءسۇت، كوكونىس وندىرۋدەن الدىڭعى ورىندا. سالاسىنىڭ ناتيجەسىدە كوڭىل قۋانتادى. وتكەن 10 ايدا ولار وندىرگەن ءونىم 6،5 ملرد تەڭگەنى قۇراپتى. وسى تەكەلىدە ايماقتى تابيعي ءارى بالعان كوكونىسپەن قامتىپ وتىرعان «Green House» جىلىجاي كەشەنى بار. وسى جىلى كەشەننىڭ ونىمىنە سۇرانىس كوبەيىپ، ءبىر عانا قياردىڭ 452 مىڭ تونناسى نارىققا شىعارىلىپتى. سۇرانىستىڭ ارتۋى كاسىپكەرلىكتىڭ دە ارتۋىنا ىقپال جاسايدى. ياعني، قالاداعى شاعىن جانە ورتا بيزنەس سالاسىنداعى نىساندار سانى 311 بىرلىككە ارتىپ، 2800 ادام ەڭبەكپەن قامتىلعان. ونىڭ ىشىندە بەس بىردەي ساۋدا جانە قىزمەت كورسەتۋ نىسانى جاڭادا ناشىلىپ، 14 ادام تۇراقتى جۇمىس تاۋىپتى.

ەكونوميكانىڭ وزەگى – ءوندىرىس قوي. تەكەلىنىڭ جاندانعان ونەركاسىبى وتكەن 10 ايدا 17،2 ملرد تەڭگەنى قۇرايتىن ءونىم وندىرگەن ەكەن. ءوسۋ كورسەتكىشى 104،4 پروتسەنتتى قۇراپ وتىر. الداعى جىلى دامۋ قادامى قارىشتاي بەرمەك. ول ءۇشىن بىرنەشە ينۆەستيتسيالىق جوبا جاسالعان. بۇيىرسا، ىشكى نارىقتىڭ قاجەتىن وتەيتىن بولات ءپىشىندى قۇيمالار شىعاراتىن «ەلەكترومارگانەتس» زاۋىتى ىسكە قوسىلماق. جوبانىڭ قۇنى 433،0 ملن تەڭگە شاماسىندا، 20 ادامعا تۇراقتى جۇمىس ورنى اشىلادى. اك دايىندايتىن «اkAltunProducts» سەرىكتەستىگى دە تەكەلىدەن ءوندىرىس ورىنىن اشپاقشى، بۇعان ينۆەستورلار 135،0 ملن تەڭگە قارجى سالۋعا دايىن. 30 ادامدى جۇمىسپەن قامتىماق. تاعى ءبىر 5 ملن تەڭگەنىڭ ينۆەستيتسياسىن «Tasun» جشس ميكروكالتسيت ءوندىرىسىن كەڭەيتۋگە سالىپ وتىر ەكەن، مۇندا دا 20 جۇمىسشىعا سۇرانىس بار.

جالپى، بۇگىنگە دەيىن تەكەلى ەكونوميكاسىن دامىتۋعا 4،7 ملرد تەڭگە ينۆەستيتسيا تارتىلىپتى. ناقتى كولەم يندەكسى 96،1 پروتسەنتتى قۇرادى. ونىڭ ىشىندە بيۋدجەت قارجىسىنان بولەك، جەكە كوزدەردەن قۇيىلعان قارجىنىڭ ۇلەسى ۇلەسى 77،9 پروتسەنت ەكەن، اقشاعا شاققاندا 3،7 ملرد تەڭگە شاماسىندا. ال كەلەر جىلى يگەرىلەتىن ينۆەستيتسيا كولەمى 6،2 ملرد تەڭگە كولەمىندە بولجانعان.

ارينە، الەۋمەتتىك سالادا قوردالانعان ماسەلە بار. جۇمىسسىزدىق دەڭگەيىن تومەندەتۋدىڭ ءتۇرلى جولدارى قاراستىرىلعان. ول ءۇشىن الداعى جىلى 470 جاڭا جۇمىس ورنى قۇرىلماق. بۇل قالاداعى جۇمىسسىزدىقتى دەڭگەيىن 4،7 پروتسەنتكە دەيىن ازايتپاق.

- تەكەلىدە 415 كوپ بالالى وتباسى تۇرادى. ولاردىڭ دەنى باسپانا ماسەلەسىن شەشۋدى وتىنەدى. بيىل الەۋمەتتىك جاعىنان قورعالماعان وتباسىلاردى تۇرعىن ۇيمەن قامتاماسىز ەتۋ ءۇشىن 25 پاتەر ساتىپ الىندى. دەمەۋشىلەر ەسەبىنەن 5 كوپ بالالى وتباسى باسپانالى بولدى. 7 وتباسى «باقىتتى وتباسى» باعدارلاماسى اياسىندا قونىس تويىن تويلادى، - دەيدى تەكەلى قالاسىنىڭ اكىمى باقتيار ونەرباەۆ.

 

 

الماتى وبلىسى

 

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ينۆەستيتسيالار يگىلىگى

ەكونوميكا • كەشە

ماقتاارالدا ديقانشىلىق باستالدى

ايماقتار • 16 قاڭتار، 2020

ۇقساس جاڭالىقتار