«بۇگىنگى كۇنى جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزى بار اۆتوموبيل جولدارىنىڭ ۇلەسى 2018 جىلعى 66 پايىزدان بيىل 69 پايىزعا دەيىن ءوستى» دەدى. جالپى وبلىس وڭىرىندە 9,3 مىڭ شاقىرىم جول بار, ونىڭ 85 پايىزى جەرگىلىكتى ماڭىزى بار جولدار.
وبلىستا اعىمداعى جىلى كولىك ينفراقۇرىلىمىن دامىتۋعا 37,3 ملرد تەڭگە ءبولىندى, ءوسىمى 12 پايىزدى قۇراعان. بۇل 550 شاقىرىمنان استام اۆتوجولدى قايتا جاڭارتۋعا جانە جوندەۋگە مۇمكىندىك بەردى. تەك وبلىس ورتالىعىندا عانا جولداردى سالۋعا, قالپىنا كەلتىرۋگە جانە جوندەۋگە 7,7 ملرد تەڭگە جۇمسالدى. ارحيمەد بەگەجان ۇلى وسى ورايدا «قوستاناي» اۋەجايىنىڭ قايتا جاڭارتىلعان ۇشۋ-قونۋ جولاعى تۋرالى دا اقپارات بەرە كەتتى. جاساندى ۇشۋ-قونۋ جولاعىنىڭ ۇزىندىعى 300 مەترگە (2 814 م) جانە ەنى 15 مەترگە (60 م) كەڭەيتىلدى. بۇل اەرودرومدا جالپى سالماعى 200 تونناعا دەيىنگى ۇشاقتاردىڭ بارلىق تۇرلەرىن قابىلداۋعا جانە پايدالانۋعا مۇمكىندىك بەرەدى. اۋدانى 16,3 مىڭ شارشى مەتر اەروۆوكزال عيماراتىنىڭ الدىندا اۋە كەمەلەرى تۇراتىن پەررون سالىندى.
قوستاناي
