ايماقتار • 05 جەلتوقسان، 2019

جەتىسۋ اگرارشىلارى 780 ملرد تەڭگەنىڭ ءونىمىن ءوندىردى

44 رەتكورسەتىلدى

الماتى وبلىسىنىڭ ەل ەكونوميكاسىنداعى ۇلەسى اگرارالىق سالاداعى تابىستى كورسەتكىشتەرىمەن ايقىندالادى. ونىڭ ءبىر دالەلىن جەتىسۋ اگرارشىلارى بيىل وندىرگەن ءونىمنىڭ جالپى قۇنى 780 ملرد تەڭگەگە جەتۋىنەن اڭعارۋعا بولادى.

ياعني، اگروونەركاسىپ كەشەنىندەگى ەڭبەك ونىمدىلىگىن جانە اۋىل شارۋاشىلىعى ءونىمىنىڭ ەكسپورتىن 2،5 ەسەگە ارتتىرۋدى قامتاماسىز ەتۋ ماقساتى ورىندالىپ كەلەدى. تاراتىپ ايتقاندا، ايماقتا مال سانى مەن اگروونەركاسىپ ونىمدەرىن ءوندىرۋ ارتىپ كەلەدى. ياعني، وتكەن جىلمەن سالىستىرعاندا سالانىڭ ونىمدىلىگى ورتاشا 4،5 پروتسەنتكە وسكەن. بۇل ناتيجەگە وبلىستا 102 مال بورداقىلاۋ الاڭى، ونىڭ ىشىندە اسىل تۇقىمدى مال بورداقىلاۋ الاڭدارىنىڭ كوپتەپ اشىلۋى ارقاسىندا قول جەتتى. اشىلۋى وسىنداي ناتيجەگە جەتكىزدى.

ال وسىمدىك شارۋاشىلىعىندا ءداندى داقىلدار القابى 7 مىڭ گەكتارعا ۇلعايتىلىپ، جالپى كولەمى 961 مىڭ گەكتاردى قۇرادى. بۇل سالادا 1،4 ملن. توننا ءونىم جينالىپ، داقىل شىعىمى ورتا ەسەپپەن ءار گەكتاردان 31 تسەنتنەرگە جەتتىپ وتىر. اسىرەسە، جۇگەرىنىڭ شىعىمى جىلداعىدان جوعارى. ءتۇسىم گەكتارىنان 67 تسەنتنەردەن اينالىپ، بارلىعى 550 مىڭ توننا ءونىم جينالعان.

- الماتى وبلىسىنىڭ اۋىل شارۋاشىلىعى سالاسىنداعى جەتىستەرى ءبىزدى ۇنەمى قىزىقتىرۋدا. الايدا، مۇنىڭ ەش قۇپياسى جوق. جەتىسۋ جەرىنىڭ قولايلى كليماتتىق جاعدايىنا قوسا، وبلىس شارۋالارى ءوز جۇمىستارىن عىلىمعا نەگىزدەپ ۇيىمداستىرىپ وتىر، - دەيدى قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتىنىڭ پروفەسسورى، قازاقستان عىلىم اكادەمياسىنىڭ اكادەميگى عاليوللا مەيىرمان.

اكادەميكتىڭ ايتۋىنشا، وبلىس اگرارشىلارى وتاندىق عالىمدارمەن ءتىزى قوسىپ جۇمىس ىستەۋدە. ناتيجەسندە، ەگىن، مال شارۋشىلىعى سالاسى بويىنشا ونىمدىلىك جوعارى بولىپ وتىر ەكەن.

- بۇگىندە جاڭا تەحنولوگيانى قولدانۋ ەڭبەك ونىمدىلىگىن ارتتىرىپ قانا قويماي، اۋىل شارۋاشىلىعى ءونىمىنىڭ ساپاسىن دا ارتتىردى. ماسەلەن، «بايسەركە اگرو» سەرىكتەستىگى اۋىل شارۋاشىلىعى عالىمدارى مەن وندىرۋشىلەردىڭ باسىن بىرىكتىرىپ، ءبىر-بىرىمەن تىعىز بايلانىستا جۇمىس ىستەۋىنە مۇرىندىق بولىپ وتىر. سول سياقتى وتاندىق، تمد اۋماعىنداعى جانە شەتەلدىك عالىمدارمەن بەلسەندى جۇمىس ىستەيدى. اگروحولدينگ نەگىزىنەن مال شارۋاشىلىعىنا، وسىمدىك شارۋاشىلىعىنا، الىنعان ءونىمدى تەرەڭنەن وڭدەۋگە، جىلىجاي شارۋاشىلىعىنا، ومارتاشىلىققا ماماندانعان. ماسەلەن، شارۋاشىلىقتاعى ءسۇت ءوندىرىسىنىڭ جىلدىق ءونىمى 3،8 - 4 مىڭ توننا، ال بيىلعى جىلى وسىمدىك شارۋاشىلىعى بويىنشا رەكتوردتىق كورسەتكىشكە قول جەتكىزدى. اتاپ ايتقاندا، سويا ءوسىرۋ 79 تسەنتنەرگە، تامشىلاتىپ سۋارۋ ارقىلى وسىرىلگەن جۇگەرىنىڭ شىعىمى - 185 تسەتنەرگە دەيىن كوبەيدى، - دەيدى اكادەميك عاليوللا مەيىرمان.

ايتپاقشى، وبلىستا ۇزدىك ناتيجە كورسەتكەن ديقان مەن شارۋانى قۇرمەتتەۋ ءىسى داستۇرگە اينالعان. بيىل دا ايماقتىڭ اۋىل شارۋاشلىعى قىزمەتكەرلەرى وبلىس ورتالىعىندا وتكەن جيىنعا كەلىپ، ەسەپتى جىلدى قورتىلادى. تابىس تاسىعانداردار وبلىس اكىمىنىڭ ماراپاتىن الىپ، ۇزدىكتەرگە سۋ جاڭا تراكتوردىڭ كىلتى تاپسىرىلدى. بارلىعى جەتپىستەن استام ەڭبەككەرگە «ەڭبەك ارداگەرى» مەدالى، «اۋىل شارۋاشىلىعى سالاسىنىڭ ۇزدىگى» توسبەلگىسى جانە اۋىل شارۋاشىلىعى مينيسترلىگىنىڭ، وبلىس اكىمىنىڭ قۇرمەت گراموتالارى مەن العىس حاتتارى تابىستالدى.

ال ىلە اۋدانىنداعى «وڭالباەۆ» شارۋا قوجالىعى مەن تالعار اۋدانىنداعى «بايسەركە-اگرو» سەرىكتەستىگىنڭجەتەكشىلەرىنە «متز-82.1» جاڭا تراكتورلارى سىيعا بەرىلدى. سونداي-اق، قاراساي اۋدانىنداعى «وڭتۇستىك» اگروپاركى مەن كەگەن اۋدانىنداعى ء«مادي» شارۋا قوجالىعى 600 جانە 500 مىڭ تەڭگەنىڭ سەرتيفيكاتىنا يە بولدى. وسىنداي ماراپاتقا كوكسۋلىق «بالپىق» جانە رايىمبەك اۋدانىنداعى «وركەن» شارۋا قوجالىقتارى دا لايىق بولىپ، 500 جانە 400 مىڭ تەڭگەنىڭ سەرتيفيكاتتارىن الدى.

 

الماتى وبلىسى

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ۇقساس جاڭالىقتار