جاقىندا وڭتۇستىك كورەيانىڭ چەدجۋ قالاسىندا حالىقارالىق اۋەسقوي بوكس قاۋىمداستىعى (ايبا) اتقارۋشى كوميتەتىنىڭ وتىرىسى ءوتتى.
وسى جيىندا 2015 جىلعى ەرەسەكتەر اراسىنداعى الەم چەمپيوناتىن كاتاردا وتكىزۋ تۋرالى شەشىم قابىلداندى. تايلاند ەلى دە بۇل بىرىنشىلىكتى وتكىزۋگە كانديداتۋراسىن ۇسىنعان بولاتىن. ناتيجەسىندە اتقارۋشى كوميتەتتىڭ شەشىمىمەن كاتار بارلىق جاعىنان لايىق دەپ تانىلدى.
ودان كەيىن وسى جەردە حالىقارالىق اۋەسقوي بوكس قاۋىمداستىعىنىڭ كاسىپقوي بوكس جۇيەسى (ارۆ) اتقارۋشى بيۋروسىنىڭ وتىرىسى ءوتىپ, وندا ارۆ جارىستارىنا قاتىسقىسى كەلەتىن بوكسشىلاردىڭ ماسەلەسى قارالدى. جيىنعا قاتىسۋشىلار قازىر جەكپە-جەكتەرگە الەمنىڭ ۇزدىك 54 بوكسشىسى تىركەلگەنىن, الداعى كەزدە ولاردىڭ سانى كوبەيمەسە, ازايمايتىنىن ايتتى. سونىمەن بىرگە, بيىل كۇزدە ارۆ-ءدىڭ العاشقى ماتچتارى وتەتىنى حابارلاندى. ولار اۋەلى قىركۇيەك ايىندا ۋكراينا, برازيليا, گەرمانيا, مەكسيكادا وتسە, سودان كەيىن قازاندا الماتىدا وتەدى دەپ شەشىلدى. وتىرىستا 2016 جىلى برازيليادا وتەتىن وليمپياداعا بەرىلەتىن ليتسەنزيا ماسەلەسى دە تالقىلاندى. ايبا مۇشەلەرى ارۆ جارىستارىنا وليمپياداعا بەرىلەتىن 70 جولدامانى ءبولىپ بەردى.
