القالى جيىننىڭ قازاقستاننىڭ تۇڭعىش پرەزيدەنتى, ەلباسى نۇرسۇلتان ءابىش ۇلى نازارباەۆتىڭ حالىقتار اراسىنداعى بەيبىتشىلىك پەن كەلىسىمدى دامىتۋداعى ەڭبەگىنە ارنالىپ وتىرعانىن جاريالاعان قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى قايرات نۇرپەيىسوۆ, بۇدان بىرنەشە كۇن بۇرىن, 27 قاراشادا پرەزيدەنت قاسىم-جومارت توقاەۆتىڭ قىرعىزستانعا كەلگەن ءبىرىنشى مەملەكەتتىك ساپارىنداعى قىرعىز رەسپۋبليكاسىن پرەزيدەنتى سوورونباي جەەنبەكوۆپەن جولىعۋىنىڭ اياسىندا قول قويىلعان ەكى ەلدىڭ ىنتىماقتاستىعىن ارتتىرۋعا دەم بەرەتىن قۇجاتتار تۇڭعىش پرەزيدەنت نۇرسۇلتان نازارباەۆتىڭ باستامالارىنىڭ زاڭدى جالعاسى ەكەنىن اتاپ ءوتتى. جوعارعى مەملەكەتتەر ارالىق كەڭەستىڭ كەلىسسوزدەرىنىڭ جيىنتىعىندا ەكى ەلدىڭ ىنتىماقتاستىعىنىڭ 2020-2022 جىلداردى قامتىعان كەشەندى باعدارلاماسى بەكىتىلگەن.
قازاق-قىرعىز ىقپالداستىعىنىڭ تاۋەلسىزدىك جىلدارىنداعى دامۋ بارىسىنا توقتالعان ەلشى, وسى كەزەڭدە ەكى ەلدىڭ ورتاسىندا كوپ سالالى ىنتىماقتاستىق بويىنشا 180 قۇجاتقا قول قويىلعانى بىرەگەي كورىنىس – دەپ, پرەزيدەنت قاسىم-جومارت توقاەۆتىڭ قىرعىز جەرىندەگى ساپارىندا قازاقستان مەن قىرعىزستان اراسىنداعى قاتىناستاردىڭ دامۋىنا ەلباسى ن.نازارباەۆتىڭ زور ۇلەسىنىڭ بار ەكەنىن ايرىقشا اتاپ وتكەنىن ايتتى.
– 1 جەلتوقسان – تۇڭعىش پرەزيدەنتتىڭ كۇنى قازاقستان ءۇشىن ەرەكشە مەرەكە. بۇل ەلباسىنىڭ ۇزاق جىلدىق ەسەلى ەڭبەگىنە ەلدىڭ بەرگەن باعاسى. ەكونوميكالىق ماسەلەلەردى شەشە وتىرىپ ءبىزدىڭ تۇڭعىش پرەزيدەنتىمىز – ۇلت ليدەرى ن.نازارباەۆ كوپ ۇلتتى رەسپۋبليكامىزدا تىنىشتىق پەن ىنتىماقتىڭ بولۋىنا كوڭىل ءبولدى, سوندىقتان تۇڭعىش پرەزيدەنت كۇنىن بارلىق قازاقستاندىقتاردىڭ بىرلىگىنىڭ جانە تولەرانتتىلىقتىڭ كۇنى دەپ ايتساق تا جاراسادى, دەدى ق.نۇرپەيىسوۆ.
ەلدەگى تىنىشتىق, ىنتىماق جانە قوعامداعى تۇراقتىلىق قازاقستاننىڭ تۇڭعىش پرەزيدەنتىنىڭ الەۋمەتتىك ساياساتتاعى وتە ماڭىزدى جەتىستىگى ەكەنىنە, بۇل حالىقارالىق كەڭىستىكتە ءوز باعاسىن الىپ وتىرعانىنا, مۇنداي يگىلىككە تۇڭعىش پرەزيدەنتتىڭ باستاماسىمەن قۇرىلعان جانە ءوزى جەتەكشىلىك ەتكەن قازاقستان حالىق اسسامبلەياسىنىڭ ءرولىنىڭ قوماقتىلىعىنا توقتالىپ, ەلشى كونستيتۋتسيالىق ورگان ساناتىنداعى اسسامبلەيانىڭ اتقارىپ جاتقان ىستەرىن دوڭگەلەن ۇستەلگە جينالعان كوپشىلىككە تانىستىردى. قازاقستانداعى بارلىق ۇلتتار مەن ەتنوستارعا ءوز مادەنيەتى مەن ءداستۇرىن دامىتۋعا, ءتىلىن ساقتاۋعا جاقسى شارتتار جاسالعان.
ءسوز كەزەگىن العان قىرعىزستان ەل اسسامبلەياسىنىڭ توراعاسى ابدىگانى ەركەباەۆ قازاقستاننىڭ مەملەكەت باسشىسى تاعايىنداعان قىرعىزستاندىعى قۇزىرەتتى وكىل قاتارى ەلشىنى جانە قازاقستاندىقتاردى تۇڭعىش پرەزيدەنت كۇنىمەن قۇتتىقتاپ, ءسوزىن ارىدەن باستادى. نۇرسۇلتان ءابىش ۇلى نازارباەۆتى بۇدان 33 جىل بۇرىن, 1986-جىلدىڭ قاراشا ايىندا شىڭعىس ايتماتوۆ باستاعان جازۋشىلار دەلەگاتسياسىنىڭ قۇرامىندا قىرعىزستاننىڭ قازاقستانداعى مادەنيەت كۇندەرىن وتكەرۋدىڭ اياسىندا الماتىعا بارعاندا كورگەنىن ەسكە الدى. «سول كۇندەردەگى جينالىستا قازاق كسر مينيسترلەر كەڭەسىنىڭ توراعاسى ن.نازارباەۆ ءسوز سويلەپ, قىرىق مينۋت بويى قاعازعا قاراماستان قازاقستاننىڭ ەكونوميكالىق جاعدايىن كوپتەگەن تسيفرلار ارقىلى بايانداپ بەردى. سوندا نۇرسۇلتان ءابىش ۇلىنىڭ تىڭعىلىقتى ۇكىمەت باسشى ەكەنى ءوز الدىنا, كەرەمەت فەنومەندى قۇيما قۇلاق جان ەكەنىنە تاڭ قالعانمىن(, - دەدى ا.ەركەباەۆ. كەيىن وسى كىسى مەملەكەت باسىنا كەلگەندە, باۋىرلاستارىمىز لايىقتى ادامدى تاڭداعانىنا يلاندىم».
–تۇڭعىش پرەزيدەنت قازاقستاننىڭ ساناۋلى جىلداردا الەمنىڭ الدىڭعى وتىز ەلىنىڭ قاتارىنا قوسىلۋىنا ەڭبەك ءسىڭىردى, ەندى ول باستاپ بەرگەن جولمەن قازاقستان الەمنىڭ دامىعان ەلۋ مەملەكەتىنىڭ ىشىنە كىرۋدى مەجەلەپ وتىر. جوسپار جاساۋ بار دا, ونىڭ ورىندالۋى بار. بۇل ستراتەگيالىق ماقسات تا ورىندالادى دەپ سەنەمىن, - دەپ جالعادى ءسوزىن توراعا.
–ەلباسىنىڭ ەرەن ەڭبەگىنىڭ ارقاسىندا استانا, قازىرگى نۇر-سۇلتان قالاسى سالىندى, ەندى تۇڭعىش پرەزيدەنت الماتىدان كەيىنگى ءۇشىنشى مەگاپوليس شىمكەنتپەن كىندىكتەس بايىرعى شاھار تۇركىستاننىڭ كايتا تۇلەۋىنە كوڭىلىن بۇردى. مەنىڭشە, تۇركىستان قالاسى بولاشاقتا تۇركى حالىقتارىنىڭ سىيلى استاناسى عانا ەمەس, مۇسىلمان ەلدەرىنىڭ ورتالىق قالاسى بولادى, - دەپ ول قىرعىزستان ەل اسسامبلەياسى مەن قازاقستان حالىق اسسامبلەياسىنىڭ ورتاسىندا ارىپتەستىكتىڭ جولعا قويىلعانىن, بۇل سالادا قازاقستاننان ۇيرەنەرلىك تاجريبەلەر مول ەكەندىگىن ايتىپ, ءسوزىن تۇيىندەدى.
جيىندا ءسوز سويلەگەن قىرعىزستاننىڭ مەملەكەت جانە قوعام قايراتكەرلەرى, قىرعىز رەسپۋبليكاسىنىڭ جوعارعى كەڭەشىنىڭ دەپۋتاتتارى, قىرعىزستان ەل اسسامبلەياسىنىڭ تۇتىمىنداعى ۇلتتىق ورتالىقتاردىڭ جەتەكشىلەرى, بەلگىلى ساياساتشىلار جانە ساراپشىلار تۇڭعىش پرەزيدەنت, ەلباسى نۇرسۇلتان نازارباەۆتىڭ حالىقتار اراسىنداعى بىرلىكتى نىعايتۋداعى وراسان زور ۇلەسىن,قازاقستاندا تۇڭعىش پرەزيدەنت كۇنىنىڭ جىل سايىن سالتاناتتى تۇردە اتالىپ كەلە جاتقانى ەلباسىنىڭ ەڭبەگىنە كورسەتىلگەن قۇرمەت ەكەنىن بەلگىلەستى.
ايتالى, ايگىلى وقىمىستى, ۇستاز, ساياساتتانۋ عىلىمىنىڭ دوكتورى, پروفەسسور جولبورس جوروبەكوۆ استاناعا تۇڭعىش پرەزيدەنتتىڭ ەسىمى ۇيعارىلىپ, نۇر-سۇلتان اتالعانىن تۋرا بولعانىن ءبىلدىردى. «نەگە امەريكالىقتار ۆاشينگتون دەپ ءبىرىنشى پرەزيدەنتىن دارىپتەپ وتىر, رەسەيلىكتەر نەگە سانكت-پەتەربۋرگ دەپ پەتر ءبىرىنشىنىڭ اتىن قايتا جاڭعىرتتى؟ ەندەشە, قازاقستاننىڭ قارىشتاپ العا باسۋىنا, تۇعىرلى مەملەكەت بولۋىنا شوڭ سالىمىن قوسقان, رەسپۋبليكانىڭ استاناسىن الەمدەگى ءىرى قالالاردىڭ بىرىنە اينالدىرعان نازارباەۆتىڭ اتىمەن شاھاردىڭ نۇر-سۇلتان دەپ اتالۋى زاڭدى قۇبىلىس» - دەپ ەسەپتەيمىن دەدى ج.جوروبەكوۆ. وڭىرلىك ساراپشىلاردىڭ «پىكىر» كلۋبىنىڭ تەڭ توراعاسى, مەملەكەتتىك باسقارۋ ماسەلەلەرى بويىنشا ساراپشى شەرادىل باقتىعۇلوۆ قازاقستاندىق ۇلتارالىق جانە كونفەسسياارالىق قاتىناستار مودەلى شەتەلدەرگە, ونىڭ ىشىندە قىرعىزستانعا دا ۇلگى بولىپ وتىرعانىن ءوز بايانىندا باسا بەلگىلەدى.
وڭىرلىك ساراپشىلاردىڭ «پىكىر» كلۋبىنىڭ تەڭ توراعاسى, ساياساتتانۋشى يگور شەستاكوۆ جۇرگىزگەن دوڭگەلەك ۇستەل تۇڭعىش پرەزيدەنت, ەلباسى تۋرالى دەرەكتى ءفيلمنىڭ كورسەتىلۋىمەن اياعىنا شىقتى.
نازاربەك بايجىگىتوۆ,
قىرعىز رەسپۋبليكاسىنىڭ ۇكىمەتىنىڭ
«قىرعىز تۋى» گازەتىنىڭ جاۋاپتى حاتشىسى,
ارنايى «ەگەمەن قازاقستان» ءۇشىن
قىرعىز رەسپۋبليكاسى,
بىشكەك قالاسى
