قاراعاندىدا «بولاشاق» ۋنيۆەرسيتەتى شاكىرتتەرىنە ساپالى ءبىلىم الۋمەن بىرگە, ونەر جانە سپورتپەن شۇعىلدانۋعا جاقسى جاعداي جاسالعان. سونىڭ ارقاسىندا ءوز جوعارى وقۋ ورىندارىنىڭ مەرەيىن ءوسىرۋشى تالاپتى جاستار كوپتەپ سانالادى. سولاردىڭ ءبىرى بەيىمبەت قانجانوۆ قازان ۋنيۆەرسياداسىندا سامبو كۇرەسىنەن 52 كگ. سالماق دارەجەسىندە كۇمىس جۇلدەگەر اتانىپ, زامانداستارى ورتاسىنا ولجالى ورالدى. ونى ۋنيۆەرسيتەتتىڭ رەكتورى قۇرال مەڭلىباەۆ باستاعان توپ پويىزدان قارسى الىپ, جەڭىسىمەن قۇتتىقتادى.
ەكونوميكا فاكۋلتەتىنىڭ 2-ءشى كۋرسىندا وقيتىن بەيىمبەت سپورتتىڭ بۇل تۇرىمەن بىرنەشە جىلدان بەرى شۇعىلدانىپ كەلەدى. وسى ۋاقىتتا ول بىرقاتار ءىرى حالىقارالىق جارىستاردىڭ جەڭىمپازى اتانىپ ۇلگەردى. «بولاشاق» ماقتانىشىنىڭ بۇدان دا بيىك بەلەستەرگە كوتەرىلۋگە مۇمكىندىگى بار. ول كەلە سالىسىمەن دايىندىققا كىرىسىپ كەتتى.
ايقىن نەسىپباي,
«ەگەمەن قازاقستان».
قاراعاندى.
