استانامىزدىڭ مەرەيتويىنا وراي ەلباسى نۇرسۇلتان نازارباەۆ ونەر يەلەرىنە ەندى عانا ەسىگىن اشقان «استانا وپەرا» مەملەكەتتىك وپەرا جانە بالەت تەاترىندا كوپشىلىكتى باعانالى وردا, باستى وردامىزدىڭ 15 جىلدىق مەرەكەسىمەن قۇتتىقتاپ, ەرتەسىنە ەل گازەتتەرىنە مازمۇندى ماقالاسىن جاريالاعان بولاتىن. ماقالادا تەك استانانىڭ 15 جىلدىق جەتىستىگىن ايتىپ قانا قويماي, سونىمەن بىرگە, ەلىمىزدىڭ ەگەمەندىك جولىمەن ءجۇرىپ وتكەن جىلدارىن اقىل-پاراساتىنا سالعان. مەن وسى ماقالانى وقي وتىرىپ, استانانىڭ نەبارى ون بەس جىلدا جەتكەن جەتىستىكتەرىنە سۇيىنسەم, ەلىمىز كەلشەگىنىڭ كەمەلدىگىنە دە ۇلكەن سەنىممەن وي جۇگىرتتىم.
شىن مانىسىندە, ەلىمىزدىڭ دارەجەسى ەلوردامىزدىڭ داڭقىمەن جىل سايىن اسقاقتاپ كەلەدى. اتى الەمگە ءماشھۇر ەۋرازيا مەن سولتۇستىك امەريكادان 56 مەملەكەت پەن ۇكىمەت باسشىلارىن جيناعان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ حح عاسىرداعى العاشقى ءسامميتى وسىنداي جاس قالادا ءوتۋىنىڭ ءوزى مەملەكەت ەرتەڭىنىڭ بۇدان دا جارقىن بولاتىنىنا سەنىمدى نىعايتا تۇسكەن. بۇدان كەيىن قىسقى VII ازيا ويىندارى, يسلام ىنتىماقتاستىعى ۇيىمىنىڭ جيىنى سىندى بۇكىل حالىق ءۇشىن ماڭىزدى شەشىمدەر وسى جاس قالادا قابىلداندى. مۇنىڭ ءبارى ەلوردامىزدىڭ ساياسي ءمارتەبەسىن بۇرىنعىدان دا ارتتىرا ءتۇستى.
قالانىڭ تەز ارادا ءوسىپ, ساۋلەتتى ۇيلەر ساپىنىڭ بوي تۇزەۋى, ونىڭ اسەم كەلبەتى مەن وزىنە عانا ءتان ويۋ-ورنەكتەرى قازاقستاندىقتاردى عانا ەمەس, سونىمەن بىرگە, الىس-جاقىن شەتەلدەردەن كەلگەن كوپتەگەن قوناقتاردى دا تاڭعالدىرۋدا. «استانا – ەل ەكونوميكاسىنىڭ لوكوموتيۆى بولادى» دەگەن ەلباسى قاعيداتىنىڭ اقيقات ەكەنىن دە ۋاقىت دالەلدەدى. جىل وتكەن سايىن قالا قۇرىلىسى قارقىنىن جوعالتقان جوق. ەلوردا مارتەبەسىن العانىنا كوپ ۋاقىت بولماسا دا, وسى قىسقا مەرزىم ىشىندە استانا ادام تانىماستاي بولىپ وزگەردى. وسىدان 15 جىل بۇرىن استانا اقمولاعا كوشكەن ساتتە ءاربىر قازاقستاندىقتىڭ ويىندا بۇگىنگىدەي جاس قالامەن ماقتانامىن دەگەن وي بولماعانى راس. بىراق, ەلباسىنىڭ جۇرگىزگەن سىندارلى ساياساتىنىڭ جانە حالىقتىڭ اۋىزبىرشىلىگىنىڭ ارقاسىندا بۇگىندە, مىنە, استانا تاۋەلسىزدىگىمىزدىڭ بويتۇمارى عانا ەمەس, بۇكىل قازاقستاندىقتاردىڭ ورتاق ماقتانىشىنا اينالىپ وتىر. بۇل قازاقستاننىڭ ازاماتى رەتىندە مەن ءۇشىن ۇلكەن ماقتانىش, زور ابىروي.
ءبىزدىڭ جاس كەزىمىزدە, شىنى كەرەك, شەتەلدىكتەرگە «قازاقستاننان كەلدىم دەسەك», ءمان بەرمەيتىن. ال بۇگىندە استانا قازاق ەلىنىڭ ءورىسىن, تىنىسىن اشقانىن بارشامىز كورىپ وتىرمىز. قازىرگى جاستار الەمنىڭ قاي تۇكپىرىندە جۇرسە دە جاس قالاسىنىڭ, باس قالاسىنىڭ تاماشا جەتىستىكتەرىن ايتىپ ماقتانا الادى.
استانا – قازاقستاندى الەمگە تانىتقان, دامۋدىڭ بيىكتەرىنە باستاعان, حالىقتى ىنتىماقتاستىققا بىرىكتىرگەن جاسامپاز قالا. ەركە ەسىلدىڭ جاعاسىندا ورنالاسقان اسەم قالا. استانا – ەلدىڭ جۇرەگى. سوندىقتان دا ەلوردا مەرەيى اسقاقتاعان سايىن ەلىمىزدىڭ دە بەدەلى بيىكتەپ, ەڭسەسى تىكتەلە تۇسەدى.
ەلباسى قازاق ەلى ەلورداسىن – جاسىل قالاعا, مەملەكەتىن «ماڭگىلىك ەلگە» اينالدىرۋ جوسپارىن العا قويدى. قازىردىڭ وزىندە كوز جاۋىن الاتىن گۇلزارلار, جاڭا ساياباقتار, «جاسىل بەلدەۋلەر» اۋماعى 65 مىڭ گەكتارعا جەتكەن ەكەن. ال 2020 جىلعا دەيىن قالاىشىلىك جانە قالا ماڭىنداعى دالالى اۋماقتاردىڭ 100 مىڭ گەكتارى كوگالداندىرىلاتىن بولادى. جاسىل قۇرىلىس اينالانى ادەمى ەتىپ قانا قويمايدى, سونىمەن بىرگە, ءاربىر ازاماتتى يگى ويلارعا, جاقسى ىستەرگە باستايدى. سوندىقتان وسىنداي جاسىل ايماققا كۋا بولعان ءاربىر استانالىق, ءاربىر قازاقستاندىق تۇرعىن ونىڭ وركەندەۋىنە اتسالىسسام دەپ ويلاسا كەرەك.
بارشاڭىزعا ءمالىم, ەلىمىز الداعى ۋاقىتتا ەكسپو-2017 حالىقارالىق كورمەسىن استانادا وتكىزۋدى جوسپارلاپ وتىر. بۇل كورمە تمد اۋماعىندا العاش رەت ءبىزدىڭ ەلىمىزدە ءوتۋ مارتەبەسىن يەلەندى. كورمەنىڭ ءوتۋى استانانىڭ جاسىل قالاعا اينالۋىنىڭ العىشارتى دەسەك تە بولادى. قازىردىڭ وزىندە وعان دايىندىق قىزۋ جۇرگىزىلۋدە. وسى الەمدىك كورمەنىڭ ارقاسىندا ەلىمىزگە نەبارى 3 ايدىڭ ىشىندە 3 ميلليونداي تۋريست كەلەدى دەپ جوسپارلانۋدا. جۇيەلى جوسپار ناتيجەسىندە بالامالى ەنەرگيا كوزدەرىمەن قامتاماسىز ەتىلەتىن تۇتاس ءبىر قالا ورامى تۇرعىزىلماق. مۇنىڭ ءوزى استانانىڭ جانە كۇللى قازاق جۇرتىنىڭ ابىرويىن تاعى دا اسقاقتاتا تۇسەتىنى راس.
بۇگىندە كوزدىڭ جاۋىن الار نەبىر زاماناۋي عيماراتتاردىڭ قاتارى, مەملەكەت باسشىسى ءوز ماقالاسىندا ايتىپ وتكەندەي, 2040 جىلعا دەيىن جالعاساتىن بولادى. بۇگىندە جاس قالامىز قوعامداعى بەيبىتشىلىك پەن كەلىسىمنىڭ نەگىزگى تۇعىرىنا اينالىپ وتىرسا, بولاشاقتا قازاق استاناسى بۇكىل الەم قالالارى ىشىندەگى جاسامپازدىق سيمۆولى بولاتىنىنا سەنىم زور. ەركە ەسىلدىڭ بويىنا وتاۋ تىككەن قازاقتىڭ استاناسى التى الاشتىڭ باعانالى وردا, باستى ورداسى
