حاتتاما 2017 جىلعى 9 قاراشادا چەليابينسكىدە جاسالعان بولاتىن.
سەناتور بەكمىرزا ەلامانوۆتىڭ ايتۋىنشا, حاتتاما قازاقستان مەن رەسەي ۇكىمەتتەرى اراسىنداعى «بايقوڭىر» كەشەنىن جالعا بەرۋ شارتىنىڭ №2 قوسىمشاسىنا وزگەرىس ەنگىزۋگە باعىتتالعان جانە رەسەي فەدەراتسياسىنا جالعا بەرىلگەن جالپى الاڭى 11,6 مىڭ گەكتار جەر ۋچاسكەسىن قازاقستان رەسپۋبليكاسىنا قايتارۋدى كوزدەيدى, ونىڭ ىشىندە: الاڭى 1740 گەكتار ەكى ۋچاسكە قىزىلوردا وبلىسى قارماقشى اۋدانىنىڭ تورەتام كەنتىن كەڭەيتۋ ءۇشىن; الاڭى 9950 گەكتار ەكى ۋچاسكە – «باتىس ەۋروپا – باتىس قىتاي» حالىقارالىق ترانزيتتىك ءدالىزىن سالۋ ءۇشىن, «الماتى – ماسكەۋ» تەمىر جولى جانە «بەينەۋ – شىمكەنت» گاز قۇبىرىنىڭ جەلىلىك بولىگى ءۇشىن جالعا بەرۋدەن شىعارىلاتىن بولادى.
زاڭ جوباسى پالاتانىڭ قاراۋىنا جىبەرىلدى.
