كونسۋلتاتسيالىق-دياگنوستيكالىق پويىز ماماندارى قازاقستاننىڭ ءار ايماعىنداعى پروبلەمالى وڭىرلەردى انىقتاپ جاتىر. وسىلايشا, تۇركىستان وبلىسىنىڭ تۇرعىندارى اراسىندا جۇرەك-قان تامىرلارىنىڭ سوزىلمالى اۋرۋلارى, وستەوحوندروز, جاراقاتتان كەيىنگى ەنتسەفالوپاتيالار سياقتى اۋرۋلار ءجيى كەزدەسكەن, سونداي-اق ءارتۇرلى دارەجەدەگى كورۋ قابىلەتى بۇزىلعان ەمدەلۋشىلەر كوپ بولعان.
تۇركىستان وبلىسىنداعى مەديتسينالىق زەرتتەۋلەردىڭ ستاتيستيكاسى بويىنشا, جالپى دارىگەرلەر 6980 ادامدى قابىلداعان, ونىڭ ىشىندە 942 بالا دارىگەرلىك تەكسەرۋدەن ءوتتى.
مەديتسينالىق پويىز شاعىن حيرۋرگيالىق وتا مەن سكرينينگ جاساۋعا قاجەتتى تەحنيكامەن تولىق جابدىقتالعان. وسىلايشا, تۇركىستان وبلىسىندا مەديتسينالىق پويىز دارىگەرلەرى 214 شاعىن حيرۋرگيالىق وتا, 435 ەكگ, 950 ۋدز (ۋزي), 459 فليۋوروگرافيا مەن 77 فگدس پروتسەدۋراسىن جاساپ ۇلگەرگەن.
تۇرعىندار ەڭ كوپ جۇگىنگەن دارىگەر وفتالمولوگ بولدى, ول 1267 ادامدى قابىلداعان, ودان كەيىن 939 ادامدى قابىلداعان ۋرولوگ جانە 903 پاتسيەنتتى تەكسەرىپ ۇلگەرگەن ستوماتولوگ دارىگەر.
ء«بىزدىڭ ماماندارعا جۇرەك-قان تامىر پوتولوگياسى بار, تىرەك-قيمىل اپپاراتىنىڭ پوتولوگياسى, وستەوحوندروز جانە اۋىرسىنۋ سيندرومدارى بار ادامدار كوپ جۇگىندى. كەلگەن بارلىق پاتسيەنتتەر تەكسەرىستەن ءوتتى جانە دارىگەرلەر ولارعا ەمدەۋ شارالارى مەن كەڭەستەر بەردى. دارىگەرلەر توتەنشە جاعدايلارمەن دە كەزدەستى. داربوزا بەكەتىندە پويىز ماماندارى جول-كولىك اپاتىندا زارداپ شەككەن ەكى ادامنىڭ جاعدايىن تۇراقتاندىرۋ ءۇشىن العاشقى كومەك كورسەتتى. كەيىن ولار اۋداندىق ەمحاناعا جولداما الدى», - دەپ اتاپ كەتتى تۇركىستان وبلىسى بويىنشا «دەنساۋلىق» مەديتسينالىق پويىزى دارىگەرلەر بريگاداسىنىڭ جەتەكشىسى مۇرات ايتاحۋنوۆ.
پويىز ارنايى ماماندارى بار ەمحانالارى جوق شالعاي ەلدى مەكەندەردىڭ تۇرعىندارىنا مەديتسينالىق كومەك كورسەتەدى.
«مەن مەديتسينالىق پويىز ماماندارىنان تولىق تەكسەرىستەن ءوتتىم, ونىڭ ىشىندە ۋدز جاساتىپ, كارديوگرامما ءوتتىم, ماعان دارىگەرلەر ەمدىك شارالار جازىپ, دەنساۋلىق جاعدايىمدى جاقسارتۋ بويىنشا كەڭەستەر بەردى. الىستا تۇرعاندىقتان, بىزگە وسىنداي جاقسى دارىگەرلەردىڭ كەلۋىن ءبىز باعالايمىز», - دەيدى بادام بەكەتىنىڭ تۇرعىنى ەلميرا ابدراحمانوۆا.
«جاردەم» مەديتسينالىق پويىزى «دەنساۋلىق» پويىزىمەن بىرگە بۇگىنگى كۇنگە دەيىن ەلىمىزدىڭ 62000 تۇرعىنىن تەكسەرىستەن وتكىزدى. «جاردەم» پويىزى قازىر ماڭعىستاۋ وبلىسىنىڭ شالعاي بەكەتتەرىن ارالاپ ءجۇر.
جوبا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى جانە «قتج» ۇك» اق جانىنداعى الەۋمەتتىك جوبالار قورىمەن بىرگە, سونداي-اق دەنساۋلىق ساقتاۋ مينيسترلىگىنىڭ ات سالىسۋىمەن جۇزەگە اسىپ جاتىر.
پويىز كەستەسىمەن www.medpoezd.kz جانە www.sk-trust.kz/ru رەسمي سايتتارىندا تانىسۋعا بولادى.
