قازىرگى كەزدە «Kazakh Invest»-ءتىڭ قولداۋىمەن جالپى كولەمى $55 ملرد-قا جۋىقتى قۇرايتىن 228 ينۆەستيتسيالىق جوبا اگروونەركاسىپ, ماشينا جاساۋ, تاۋ-كەن مەتاللۋرگياسى, مۇنايگاز حيمياسى, كولىك-لوگيستيكا, جاڭارتىلاتىن ەنەرگەتيكا جانە قۇرىلىس يندۋسترياسى سالالارىندا پىسىقتالىپ, ىسكە اسىرىلۋدا. توپ ينۆەستور ەلدەردىڭ قاتارىنا ەۋروپالىق وداق مەملەكەتتەرى, اقش, رەسەي, تۇركيا, سينگاپۋر مەن قىتاي كىرەدى.
بيىل 11 ايدا $454 ملن-عا 8 جوبا ىسكە اسىرىلدى, $487 ملن قۇرايتىن 10 جوبا بويىنشا پايدالانۋعا بەرۋ جوسپارلانعان, كولەمى $3,4 ملرد بولاتىن 21 جوبا بويىنشا قۇرىلىس-مونتاجداۋ جۇمىستارى باستالدى.
وتىرىستا جاڭا رەداكتسياسىنداعى شتاتتار سانى مەن ۇيىمداستىرۋ قۇرىلىمى, ىشكى اۋديت قىزمەتىنىڭ ەسەبى, ديرەكتورلار كەڭەسىنىڭ 2020 جىلعا جۇمىس جوسپارى بەكىتىلدى, سونداي-اق باسقا دا ماسەلەلەر قارالدى.
