كاسىپورىننىڭ ىسكە قوسىلۋىنا 2,9 ملرد تەڭگە ينۆەستيتسيا تارتىلعان. 80 ادامعا جۇمىس تابىلدى. جاڭا ءوندىرىس سويىلعان مال ەتىن قالدىقسىز تۇتىنادى. ياعني, ءبىر مەزەتتە 12 مىڭ ىدىستى كونسەرۆىلەيتىن جەلى مەن 14 تونناعا دەيىنگى قان سۇيىقتىعىن كادەگە جاراتاتىن قوندىرعى جۇمىس ىستەپ تۇر. مۇندا قالعان سۇيەكتى ۇنتاقتاپ, ۇن جاساپ شىعاراتىن تسەح جانە بار.
ەلىمىز بويىنشا اگروونەركاسىپ ءونىمىنىڭ 20 پروتسەنتىن ءبىزدىڭ وبلىس بەرىپ وتىر. قازىر وڭىردە 1 ميلليوننان باس ءىرى قارا جانە 4 ميلليوننان استام ۇساق مال باسى بار. سوندىقتان ەتتى تولىقتاي وڭدەۋ جانە زاماناۋي تەحنولوگيالار ارقاسىندا ەكسپورتقا دايىن ءونىم شىعارۋ نەگىزگى ماقساتىمىز بولۋى كەرەك. جامبىل اۋدانىنداعى «يمپەريا فۋد» ەت وڭدەۋ كەشەنى «Made in Qazaqstan» بەلگىسىمەن سىرتقى نارىقتى ساپالى ونىممەن قامتۋعا كىرىستى. بۇل ايماققا قۇيىلعان ينۆەستيتسيانىڭ جەمىسى, - دەيدى وبلىس اكىمى اماندىق باتالوۆ.
الماتى وبلىسى
