بۇل باعىتتاعى جۇمىس الماتى وبلىسىندا قارقىن الۋدا. ونىڭ ىشىندە, ايماقتىڭ جەر قاتىناستارى سالاسىنداعى قىزمەت تۇرلەرىنىڭ تسيفرلى جۇيەگە كوشۋى ءبىر ىزگە ءتۇستى. اتاپ ايتقاندا, 2015 جىلدان بەرى وبلىستىڭ «ەلەكتروندى جەر كارتاسى» ازىرلەنىپ, تولىقتىرىلۋدا. ەندى ءوڭىردىڭ ءار تۇرعىنى جەر تەلىمدەرى مەن باسقا دا جەرگە قاتىستى تولعاقتى ماسەلەنى وسى ەلەكتروندى كارتانى قولدانا وتىرىپ شەشە الادى. بۇل قىزمەت «وڭىرلىك گەواقپاراتتىق جۇيە» اياسىندا اشىق ءارى قولجەتىمدى بولا ءتۇستى.
- «ەلەكتروندى جەر كارتاسىندا» وبلىستىڭ ءار اۋدان, قالاسىنداعى كەز كەلگەن جەر ۋچاسكەسىنىڭ نىسانالى ماقساتى, كاتەگورياسى, اۋماق كولەمى, شەكاراسى, ينجەنەرلىك جەلىلەرىنىڭ بار-جوقتىعى, كاداسترلىق ءنومىرى, ءتىپتى قانداي قۇجاتتىڭ نەگىزىندە راسىمدەلگەنىنە دەيىنگى بارلىق مالىمەتتەر انىق جازىلىپ تۇرادى, - دەيدى وبلىستىق جەر قاتىناستارى باسقارماسىنىڭ باسشىسى قۋانىشبەك قاشقىمباەۆ.
ال «وڭىرلىك گەواقپاراتتىق جۇيە» قىزمەت كورسەتۋ سالاسىنداعى دەرەكتەر مەن كاداسترلار بازاسىن ءبىر جەرگە شوعىرلاندىرادى. سونىڭ ناتيجەسىندە جەر قاتىناستارى مەن ساۋلەت جانە قالا قۇرىلىسى سالالارىنداعى مەملەكەتتىك قىزمەتتىڭ جالپى 22 ءتۇرى ەلەكتروندى تۇرگە كوشىرىلمەك. قازىر بۇل جوبا قاپشاعاي, تالدىقورعان, تەكەلى قالالارىندا تاجىريبەدەن ءوتىپ, ناتيجەسىن بەرە باستادى. جالپى, تسيفرلى جۇيەگە كوشۋ جەر قاتىناستارى سالاسىنداعى مەملەكەتتىك قىزمەت كورسەتۋدىڭ مەرزىمىن 1 جىلدان 30 كۇنگە دەيىن,ال ساۋلەت جانە قالا قۇرىلىسى باعىتى بويىنشا 100 كۇننەن 10 كۇنگە دەيىن قىسقارىپ, كەلۋشىنىڭ ۋاقىتىن ۇنەمدەۋگە مۇمكىندىك بەرەدى.
الماتى وبلىسى
