- بايقاۋدىڭ باستى ماقساتى – ەلباسىمىزدىڭ « ۇلى دالانىڭ جەتى قىرى» جانە «بولاشاققا باعدار: رۋحاني جاڭعىرۋ» ماقالالارى اياسىندا جاس زەرتتەۋشىلەردىڭ نازارىن ءوزىنىڭ تۋعان ولكەسىنە, اۋىل مەن قالا تاريحىنا اۋدارۋ بولدى. وسىلايشا, ءوز ولكەسىن ەرەكشە سۇيەتىن, ونىڭ وتكەنىمەن ماقتاناتىن پاتريوتتاردى تاربيەلەۋ, ءبىلىم الۋشىلاردىڭ عىلىمي ويلاۋ جانە زەرتتەۋ قابىلەتتەرىن دامىتۋ دا باستى نازاردا. بايقاۋعا مەكتەپ وقۋشىلارى بەلسەنە قاتىستى. ءسويتىپ, قورىتىندى سىنعا وبلىستىڭ 9 اۋدانى جانە ورال قالاسىنىڭ ءبىلىم مەكەمەلەرىنەن 23 ۇمىتكەر قاتىستى, - دەيدى وسى بايقاۋدى ۇيىمداستىرۋشى تىلدەردى دامىتۋ باسقارماسىنىڭ جاۋاپتى قىزمەتكەرى زامزاگۇل عابباسوۆا.
ورتا بۋىن مەكتەپ وقۋشىلارىنىڭ بالاڭ جۇمىستارى بولسا دا بايقاۋعا ورال قالاسىنداعى جوعارى وقۋ ورىندارىنىڭ پروفەسسور-وقىتۋشىلارى قازىلىق ەتتى. تاريح عىلىمدارىنىڭ كانديداتتارى, تانىمال تاريحشىلار باقتىلى بورانباەۆا مەن الفيا بايبولسىنوۆا, فيلولوگيا عىلىمدارىنان PhD دوكتور ايداربەك اقبولاتوۆ جاس زەرتتەۋشىلەردىڭ انىقتامالىق ادەبيەتتەرىمەن جۇمىستانۋداعى بىلىگى مەن داعدىسىن, قورىتۋ تاجىريبەسىن, جازۋ شەبەرلىگىن, تۋعان ولكە تاريحىنىڭ اقپاراتتىق-تالداۋ ماتەريالدارى جۇيەسىن قۇرۋ جانە جۇرگىزۋدەگى ىزدەنىسىن لايىقتى باعالادى.
- وقۋشىلارعا ولاردىڭ جەتەكشىلەرى, ۇستازدارى بارىنشا كومەكتەسكەنى بايقالادى. بايقاۋعا كەلىپ تۇسكەن جۇمىستاردىڭ كوپشىلىگى ونوماستيكا تاقىرىبىنا, جەر اتاۋلارىنىڭ تاريحىنا ارنالعان ەكەن. شيپالى ءالجان سور تۋرالى, كونە قۇلپىتاستار تاريحى حاقىندا زەرتتەۋ جاساعان وقۋشىلار دا بار. ارينە, بۇل بالعىن زەرتتەۋشىلەردىڭ تىرناقالدى تۋىندىلارى عوي. ولارعا ساتتىلىك تىلەيمىز, - دەيدى ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ دوتسەنتى, تاريح عىلىمدارىنىڭ كانديداتى الفيا سابىرعاليقىزى.
سونىمەن, ءبىلىم مەن تانىم بايگەسىنىڭ باس جۇلدەسىن – قاراتوبە اۋدانى الاكول نەگىزگى مەكتەبىنىڭ 8-سىنىپ وقۋشىسى ۇلپان سۇلتانعاليەۆا جەڭىپ الدى. ءبىرىنشى ورىن – تەرەكتى اۋدانى دولين جالپى ورتا ءبىلىم بەرەتىن مەكتەبىنىڭ 8-سىنىپ وقۋشىسى سايدا كابىشەۆاعا بۇيىرسا, قوس ەكىنشى ورىندى بايتەرەك اۋدانى كامەن جالپى ورتا ءبىلىم بەرەتىن مەكتەبىنىڭ 7-سىنىپ وقۋشىسى داريا سترەبكوۆا مەن ءبورلى اۋدانى اقبۇلاق مەكتەپ-بالاباقشا كەشەنىنىڭ 7-سىنىپ وقۋشىسى داياننا توقتاسىن يەلەندى. ءۇش ءۇشىنشى جۇلدەنى اقجايىق اۋدانى عابدوللا ماحامبەتوۆ اتىنداعى ورتا جالپى ءبىلىم بەرەتىن مەكتەبىنىڭ 8-سىنىپ وقۋشىسى ديليارا سارسەنعاليەۆا, قازتالوۆ اۋدانى اقپاتەر ورتا جالپى ءبىلىم بەرەتىن مەكتەبىنىڭ 7-سىنىپ وقۋشىسى ادەمى ايتقالي جانە ورال قالاسى №35 مەكتەپ-ليتسەيىنىڭ 8-سىنىپ وقۋشىسى كسەنيا دوليا ءبولىستى. ال سىرىم اۋدانىندا ۆ.ي.شۋبين اتىنداعى ورتا مەكتەبىنىڭ 8-سىنىپ وقۋشىسى اسىلاي تۇياقوۆا مەن ورال قالاسىنداعى №42 «اقنيەت» گيمنازياسىنىڭ 8-سىنىپ وقۋشىسى شالقىما ءجۇنىس ارنايى سىيلىققا يە بولدى. بايقاۋدىڭ بارلىق جەڭىمپازى ارنايى ديپلوممەن, باعالى سىيلىقتارمەن ماراپاتتالدى.
باتىس قازاقستان
