سپورت • 03 جەلتوقسان، 2019

كونفەدەراتسيا كۋبوگىنىڭ جارتىلاي فيناليستەرى انىقتالدى

216 رەتكورسەتىلدى

ءداستۇر بويىنشا قازان ايىندا سپورتتىق جەكپە-جەك جانە كۇش قولدانىلاتىن سپورت تۇرلەرى كونتسەدەراتسياسىنىڭ كۋبوگىنىڭ ىرىكتەۋ كەزەڭدەرى ءوتتى. ءبىر ايعا سوزىلعان جارىستا قازاقستاننىڭ 14 وبلىسى مەن نۇر-سۇلتان، الماتى، شىمكەنت قالالارىنىڭ سپورتشىلارى ءوزارا باق سىناستى.

جەرەبە بويىنشا «ا» توبىنا اقتوبە، اتىراۋ، پاۆلودار، اقمولا وبلىستارى مەن الماتى قالاسى ءتۇستى. ولار 26-27 قازان كۇندەرى توپ ۇزدىكتەرىن انىقتادى. دزيۋدودان اقتوبە وبلىسى جارتىلاي فينالعا جولداما السا، گرەك-ريم، ەركىن كۇرەس، تاەكۆوندو جانە كاراتە بويىنشا الماتى وبلىسىنىڭ كومانداسى ۇزدىك دەپ تانىلدى. بوكس بويىنشا «ا» توبىندا قاراعاندى وبلىسى، قازاق كۇرەسىنەن «Qyzyljar Arlandary» سپورت كلۋبى جارتىلاي فينالعا شىقتى.

«ۆ» توبىنىڭ ىرىكتەۋ كەزەڭى 19-20 قازان كۇندەرى قوستاناي قالاسىندا ءوتتى. قوستاناي وبلىسى، سقو، شقو جانە جامبىل وبلىسىنىڭ قۇراما كوماندالارى ءوزارا مىقتىنى انىقتادى.

شقو سپورتشىلارى دزيۋدو مەن ەركىن كۇرەستەن، گرەك-ريم كۇرەسىنەن قوستاناي وبلىسى، تاەكۆوندو مەن كاراتەدەن جامبىل وبلىسى، بوكستان نۇر-سۇلتان سپورتشىلارى مەن قازاق كۇرەسىنەن «زاك كار» قازاق كۇرەسى سپورت كلۋبى جارتىلاي فينالعا جولداما الدى.

12-13 قازان كۇندەرى قاراعاندى جەرىندە «س» توبىنانان قاراعاندى، تۇركىستان وبلىستارى مەن شىمكەنت، نۇر-سۇلتان قالاسىنىڭ كوماندالارى اراسىندا جارتىلاي فيناليستەرى بەلگىلى بولدى. قاراعاندى وبلىسى دزيۋدودان ۇزدىك شىقسا، تۇركىستان وبلىسى تاەكۆوندو، نۇر-سۇلتان قالاسىنىڭ كومانداسى ەركىن كۇرەس بويىنشا مىقتى ەكەنىن دالەلدەدى. شىمكەنت قالاسىنىڭ كاراتە مەن گرەك-ريمك كۇرەسىنەن قۇراما كوماندالارى ىرىكتەۋ كەزەڭنەن ىركىلمەي ءوتتى. بوكستان تۇركىستان وبلىسى، «Qazaq kuresi»  قازاق كۇرەسى سپورت كلۋبى فينالدىق جولداما ءۇشىن كۇرەسەتىن بولادى.

5-6 قازان كۇندەرى ورالدا «D» توبىنىڭ ۇزدىكتەرى انىقتالدى. جەرەبە بويىنشا بۇل توپقا باتىس قازاقستان، قىزىلوردا، مانعىستاۋ، الماتى وبلىستارى تۇسكەن بولاتىن. دزيۋدو، تاەكۆاندو، گرەك-ريم جانە ەركىن كۇرەس سپورت تۇرلەرى بويىنشا الماتى وبلىسى، كاراتە بويىنشا ماڭعىستاۋ وبلىسىنىڭ سپورتشىلارى ءوز توپتارىندا وزىپ شىقتى. بوكستان ماڭعىستاۋ وبلىسى جارتىلاي فينالعا شىقسا، قازاق كۇرەسىنەن «ورتالىق ارميا سپورت كلۋبى»   جارتىلاي فينالدا بەلدەسەدى.

سپورتتىق جەكپە-جەك جانە كۇش قولدانىلاتىن سپورت تۇرلەرىنىڭ كونفەدەراتسياسى كۋبوگىنىڭ 2019 جىلدىڭ جارتىلاي فينال جانە فينالدىق ويىندارى 7-8 جەلتوقساندا الماتى قالاسىندا، بالۋان شولاق سپورت كەشەڭىندە وتەدى. كونفەدەراتسياسى كۋبوگىنىڭ بيىلعى جۇلدە قورى 165 ميلليون تەڭگەنى قۇرايدى.

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

قازاقتىڭ تۇڭعىش ابايتانۋشىسى

رۋحانيات • بۇگىن، 14:24

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

ۇقساس جاڭالىقتار