ۇكىمەت • 03 جەلتوقسان، 2019

قازاقستاندىق ساراپشىلار FAA-نىڭ اقش-تاعى ۇشۋ قاۋىپسىزدىگىن قاداعالاۋ تاجىريبەسىن زەرتتەۋدە

32 رەتكورسەتىلدى

قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتى مەن «قازاقستاننىڭ اۆياتسيالىق اكىمشىلىگى» اق قىزمەتكەرلەرى قۇرامىنداعى قازاقستاندىق دەلەگاتسيا حالىقارالىق كوشباسشىلاردى دايارلاۋ باعدارلاماسىنا (IVLP) قاتىسۋدا. قازاقستان ءۇشىن «ازاماتتىق اۆياتسيا قاۋىپسىزدىگى» حالىقارالىق كەلۋشىلەر باعدارلاماسى حالىقارالىق ءبىلىم ينستيتۋتىمەن اقش مەملەكەتتىك دەپارتامەنتىنىڭ تولىق قارجىلىق قولداۋىمەن جۇزەگە اسىرىلۋدا. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

اتالعان توپتىڭ قاتىسۋشىلارى ۆاشينگتون قالاسىنداعى وسى جوبانى ۇيىمداستىرۋشىلاردىڭ، قازاقستاننىڭ اۆياتسيالىق بيلىكتەرىنىڭ، سونداي-اق امەريكا قۇراما شتاتتارىنىڭ قازاقستان رەسپۋبليكاسىنداعى ەلشىلىگىنىڭ مۇقيات ىرىكتەۋىنەن ءوتتى. باعدارلاما اياسىندا اقش-تىڭ 6 شتاتىنا بارۋ جانە ازاماتتىق اۆياتسيا سۋبەكتىلەرىنىڭ قىزمەتىمەن تانىسۋ جوسپارلانعان.

كەزدەسۋلەر كەلەسى تاقىرىپتار بويىنشا وتەدى: اقش فەدەراليزم جۇيەسىنە شولۋ، ازاماتتىق اۆياتسياداعى قۇقىقتار مەن مۇددەلەردى قورعاۋ جونىندەگى شارالار، فەدەرالدى اۆياتسيا اكىمشىلىگىنىڭ (FAA) قاۋىپسىزدىكتى قامتاماسىز ەتۋدەگى ءرولى، ايماقتىق اۋەجايلارداعى قاۋىپسىزدىك ماسەلەلەر مەن وپەراتسيالار، جاستاردىڭ اۆياتسياعا قىزىعۋشىلىعىن ارتتىرۋ.

سونىمەن قاتار، قازاقستاندىق ماماندار اۋە قوزعالىسىن باسقارۋ جۇمىستارىمەن، ۇشۋ قاۋىپسىزدىگى سالاسىنداعى يننوۆاتسيالارمەن، جەرگىلىكتى پوليتسيانىڭ اۋەجايلاردا قاۋىپسىزدىكتى قامتاماسىز ەتۋدەگى جۇمىسىمەن، جاڭا جانە كەڭەيتىلىپ جاتقان اۋەجايلاردىڭ ەكونوميكالىق ماسەلەلەرىمەن تانىسادى.

بۇل جوبانىڭ ماقساتى – اقشتاعى ۇشۋ قاۋىپسىزدىگىن قاداعالاۋدى قامتاماسىز ەتۋدەگى فەدەرالدى اۆياتسيا باسقارماسىنىڭ تاجىريبەسىمەن تانىسۋ جانە زەرتتەۋ، زاماناۋي جۇيەلەردى قولدانا وتىرىپ، قاۋىپسىزدىكتى ارتتىرۋ جانە جازاتايىم وقيعالاردىڭ الدىن-الۋ شارالارىن جۇزەگە اسىرۋ، سونداي-اق ۇشقىشتاردى قابىلداۋ، ۇستاپ قالۋ جانە قايتا اتتەستاتتاۋ، قاۋىپسىزدىك ماسەلەلەرىنە قاتىستى امەريكاندىق اۋە كومپانيالاردىڭ تاجىريبەسىن زەرتتەۋ.

اتاپ ءوتۋ كەرەك، الداعى جىلدارى «قازاقستاننىڭ اۆياتسيالىق اكىمشىلىگى» 1 ساناتتى IASA FAA حالىقارالىق ۇشۋ قاۋىپسىزدىگىن باعالاۋ رەيتينگىن الۋعا ءوتىنىش بەرۋدى جوسپارلاپ وتىر. وسى باعدارلاما اياسىندا IASA FAA قۇراما شتاتتارعا ۇشۋعا ءوتىنىش بەرگەن، ۇشۋلاردى ورىندايتىن نەمەسە اقش-تىڭ سەرىكتەس اۋە كومپانيالارىمەن كودتاردى بىرلەسىپ پايدالانۋ تۋرالى كەلىسىمدەرگە قاتىساتىن اۋە تاسىمالداۋشىلارى بار بارلىق ەلدەردىڭ ازاماتتىق اۆياتسيا ورگاندارىن باعالايدى. 1 ساناتتى رەيتينگكە يە بولۋ ەلدىڭ ازاماتتىق اۆياتسيا ورگانىنىڭ ICAO ستاندارتتارىنا سايكەس كەلەتىندىگىن، ونىڭ سەرتيفيكاتتالعان اۋە تاسىمالداۋشىلارى اقشتا قىزمەت كورسەتە الاتىندىعىن، سونداي-اق امەريكاندىق سەرىكتەستەردىڭ كودىن قولدانا الاتىندىعىن بىلدىرەدى.

جۇمىس ءىسساپارىنىڭ قورىتىندىسى بويىنشا اقش قازاقستان رەسپۋبليكاسىنداعى ەلشىلىگىنىڭ وكىلدەرىمەن كەزدەسۋ ۇيىمداستىرىلادى، وندا وسى جوبانىڭ قاتىسۋشىلارى العان تاجىريبەسىنەن جانە اۆياتسيالىق قىزمەتتە ءبىلىم الماسۋدان العان اسەرلەرىمەن بولىسەدى.

سوڭعى جاڭالىقتار

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار