ۇكىمەت • 03 جەلتوقسان، 2019

«ەڭبەك» باعدارلاماسى ءوز ناتيجەسىن بەرۋدە

36 رەتكورسەتىلدى

2019 جىلعى ون ايدىڭ قورىتىندىسى بويىنشا قوستاناي وبلىسىندا 24 561 ادام 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ قاتىسۋشىسى بولدى. 16 305 ادام جۇمىسقا ورنالاستىرىلسا، ونىڭ 13 287-ءسى نەمەسە 81،5% تۇراقتى جۇمىس ورنىمەن قامتىلدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

قوستاناي وبلىسىندا ەڭبەك نارىعىندا سۇرانىسقا يە كاسىپتەر بويىنشا كاسىبي داعدىلاردى قالىپتاستىرۋ ماقساتىندا ازاماتتاردىڭ جەكەلەگەن ساناتتارى ءۇشىن قىسقا مەرزىمدى كۋرستار وتكىزۋدى كوزدەيتىن «ەڭبەك» مەملەكەتتىك باعدارلاماسىنىڭ ءبىرىنشى باعىتى اياسىندا 2 062 ادام قامتىلعان. قىسقا مەرزىمدى كاسىپتىك وقۋدى اياقتاعاننان كەيىن جۇمىسپەن قامتۋ ورتالىقتارى مەملەكەتتىك باعدارلاماعا قاتىسۋشىلارعا جۇمىسقا ورنالاسۋدا كومەك كورسەتەدى.

مەملەكەتتىك باعدارلامانىڭ ەكىنشى باعىتىنىڭ نەگىزگى مىندەتى ازاماتتاردىڭ كاسىپكەرلىك باستامالارىن دامىتۋ بولىپ تابىلادى. ونىڭ شەڭبەرىندە باستاپقى بيزنەستى ىسكە اسىراتىن جانە ىسكە اسىرۋدى جوسپارلايتىن، سونداي-اق بۇرىن باسقا مەملەكەتتىك باعدارلامالار شەڭبەرىندە قارجىلاي قولداۋ الماعان ۇمىتكەرلەرگە وتەۋسىز جانە قايتارىمسىز نەگىزدە 100 جانە 200 اەك مولشەرىندە مەملەكەتتىك گرانتتار بەرىلەدى. بۇدان باسقا، اۋىلدا جانە قالالاردا كاسىپكەرلىك الەۋەتى بار، ءىسىن جاڭادان باستاعان كاسىپكەرلەرگە، اۋىل شارۋاشىلىعى كووپەراتيۆتەرىنە جانە زەينەتكەرلىك جاسىنا جەتپەگەن ولاردىڭ مۇشەلەرىنە، شارۋا جانە فەرمەر قوجالىقتارىنا ميكروكرەديتتەر بەرىلەدى.

قوستاناي وبلىسىندا ميكروكرەديتپەن 727 ادام قامتىلدى. 100 اەك-كە دەيىنگى مەملەكەتتىك گرانتتاردى مەملەكەتتىك باعدارلامانىڭ 94 قاتىسۋشىسى، 200 اەك-كە دەيىن – 502 ادام الدى (جاستار، تابىسى از جانە كوپبالالى وتباسىلاردىڭ مۇشەلەرى، مۇگەدەكتىگى بار ادامدار).

مەملەكەتتىك باعدارلامانىڭ ءۇشىنشى باعىتى ازاماتتاردىڭ جەكەلەگەن ساناتتارىن جۇمىسپەن قامتۋ ءۇشىن مەملەكەت سۋبسيديالايتىن جۇمىس ورىندارىن قۇرۋدى قاراستىرادى. ونى جۇزەگە اسىرۋ اياسىندا قوستاناي وبلىسىندا 5 217 ادام جۇمىسقا ورنالاستىرىلدى، ونىڭ ىشىندە 1 066-سى الەۋمەتتىك جۇمىس ورىندارىنا، 870-ءى جاستار پراكتيكاسىنا جانە 3 281 ادام قوعامدىق جۇمىستارعا جىبەرىلدى.

سونداي-اق ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى مول وڭىرلەردەن قوستاناي وبلىسىنا 1 200 ادام (259 وتباسى) قونىس اۋداردى. قونىس اۋدارۋشىلار ىشىنەن 581 ادام ەڭبەككە قابىلەتتى جاستا، ونىڭ ىشىندە 547 ادام جۇمىسقا ورنالاستىرىلدى، 21 ادام كاسىپكەرلىك قىزمەتپەن اينالىسادى جانە 24 ادام جاڭا تۇرعىلىقتى جەرىندە وقۋمەن قامتىلدى.

سوڭعى جاڭالىقتار

تەرەزەدەن قاراما...

رۋحانيات • كەشە

اعا مەن ءىنى

قوعام • كەشە

ىسقاق قاجى اۋليە

رۋحانيات • كەشە

قابان، تاڭكى جانە بىدىق

رۋحانيات • كەشە

قايىق كۇتكەن كۇن

رۋحانيات • كەشە

ۇقساس جاڭالىقتار