قازاقستان • 03 جەلتوقسان، 2019

«جانۇيا» ورتالىعىنىڭ تاجىريبەسىمەن وزگە وڭىرلەردىڭ باسشىلارى تانىستى

29 رەتكورسەتىلدى

بۇگىن وبلىس جانە قالا اكىمدەرىنىڭ الەۋمەتتىك ماسەلەلەر جونىندەگى ورىنباسارلارى «جانۇيا» وتباسىن قولداۋ ورتالىعىندا بولدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


وڭىرلەر اكىمدەرىنىڭ ورىنباسارلارى جۇمىسقا ورنالاستىرۋ، ااك تاعايىنداۋ، حالىقتىڭ الەۋمەتتىك وسال توپتارىنا زاڭگەرلىك، پسيحولوگيالىق كومەك كورسەتۋ ماسەلەلەرى بويىنشا كەڭەستىك كومەك كورسەتۋ جونىندەگى ورتالىقتىڭ جۇمىسىمەن تانىستى.

نۇر-سۇلتان قالاسى اكىمىنىڭ ورىنباسارى باقتيار ماكەن ارىپتەستەرىنە ەكسكۋرسيا جۇرگىزىپ، نەگىزگى مىندەت بارلىق وڭىرلەردە وتباسى ينستيتۋتىن دامىتۋدى بارىنشا قامتاماسىز ەتۋ بولىپ تابىلاتىنىن اتاپ ءوتتى.

«مەملەكەت باسشىسىنىڭ تاپسىرماسىنا سəيكەس ءبىز ايماقتارداعى ارىپتەستەرىمىز ءۇشىن «جانۇيا» ينستيتۋتىن قولداۋ ورتالىعى بويىنشا ەكسكۋرسيا وتكىزدىك. بۇل ەكسكۋرسيا ارىپتەستەرىمىزدى ءبىزدىڭ ورتالىقپەن تانىستىرۋ جانە تاجىريبە الماسۋ ءۇشىن وتكىزىلدى. بۇگىنگى تاڭدا بارلىق وڭىرلەردە وتباسى ينستيتۋتىن دامىتۋدى بارىنشا قامتاماسىز ەتۋ مىندەتى تۇر جانە «جانۇيا» تاجىريبەسىن بارلىق وڭىرلەردە تاراتۋ كەرەك. مەنىڭ ارىپتەستەرىم وسى تاجىريبەنى تاراتۋ ۋاقىتىن ەنگىزدى»، دەپ اتاپ ءوتتى ول.

باقتيار ماكەننىڭ ايتۋىنشا، ورتالىققا نەگىزىنەن تۇرعىن ءۇي، مەملەكەتتىك باعدارلامالارعا قاتىسۋ، ااك الۋ ماسەلەلەرى بويىنشا ءوتىنىش بىلدىرەدى.

ء«اربىر ماسەلە بويىنشا كەڭەستەر بەرىلىپ، تۇرعىندار جۇگىنەتىن ماسەلەلەردى شەشۋ جولدارى بار. بولاشاقتا ءبىز ورتالىقتىڭ فيليالدارىن قالانىڭ ءار اۋدانىندا اشۋدى جوسپارلاپ وتىرمىز»، دەدى ەلوردا اكىمىنىڭ ورىنباسارى.

الماتى وبلىسى اكىمىنىڭ ورىنباسارى باتىرجان بايجۇمانوۆ پىكىرىنشە، مۇنداي ورتالىقتاردى ەلىمىزدىڭ بارلىق وڭىرلەرىندە اشۋ قاجەت.

«نۇر-سۇلتان قالاسىنىڭ «جانۇيا» ينستيتۋتىن قولداۋ ورتالىعىن قۇرۋداعى تاجىريبەسىمەن تانىستىق. بۇل ورتالىق وتە فۋنكتسيونالدى، مۇندا حالىققا 70-كە جۋىق قىزمەت كورسەتىلەدى. مۇندا وزەكتى ماسەلەلەر كوتەرىلەدى، تۇرعىندارعا كەڭەس بەرىلەدى. مەنىڭ ويىمشا، مۇنداي ورتالىقتاردى باسقا ايماقتاردا دا قۇرۋ قاجەت. ويتكەنى قازىر ااك الۋشىلار كوپ، ولاردا كوپتەگەن سۇراقتار تۋىندايدى. مۇنداي ورتالىقتاردىڭ كومەگىمەن ءوتىنىش بىلدىرگەندەردىڭ سۇراقتارىنا قاجەتتى كەڭەستەر مەن ناقتى جاۋاپتار بەرە وتىرىپ، الەۋمەتتىك شيەلەنىستى الىپ تاستاي الامىز. بىزدە ءاربىر وبلىستىق، اۋداندىق جۇمىسپەن قامتۋ ورتالىعىندا كەڭەس بەرەدى، بىراق وندا سىزگە قاراعاندا از قىزمەت كورسەتىلەدى»، دەدى الماتى وبلىسى اكىمىنىڭ ورىنباسارى باتىرجان بايجۇمانوۆ.

قازىرگى تاڭدا «جانۇيا» وتباسى ينستيتۋتىن قولداۋ ورتالىعىندا 70-كە جۋىق قىزمەت كورسەتىلەدى، 60 قىزمەتكەر جۇمىس ىستەيدى. اشىلعان كۇننەن باستاپ، ءۇش اي ىشىندە ورتالىققا 6،3 مىڭ ادام ءوتىنىش ءبىلدىردى، 13 مىڭ ماسەلە قارالدى، ونىڭ 3 مىڭى شەشىلدى. سونىڭ ىشىندە جۇمىسقا ورنالاسۋ، ااك تاعايىنداۋ، زاڭگەرلىك، پسيحولوگيالىق كومەك كورسەتۋ ماسەلەلەرى دە بار.

سونداي-اق وبلىس جانە قالا اكىمدەرىنىڭ ورىنباسارلارى ەلوردانىڭ الەۋمەتتىك نىساندارىن، اتاپ ايتقاندا، №88 مەكتەپ-ليتسەي مەن №2 قالالىق كوپسالالى اۋرۋحانانى ارالادى.


سوڭعى جاڭالىقتار

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار