زاڭ جوباسىنىڭ ماقساتى – التىنشى شاقىرىلىمداعى قازاقستان رەسپۋبليكاسى پارلامەنتىنىڭ ءۇشىنشى سەسسياسىنىڭ اشىلۋىندا مەملەكەت باسشىسى بەلگىلەگەن وڭالتۋ جانە بانكروتتىق راسىمدەرىن جەتىلدىرۋدى قامتاماسىز ەتۋ, سونداي-اق دارمەنسىزدىك جۇيەسىنىڭ تيىمدىلىگىن ارتتىرۋ بولىپ تابىلادى.
جوبانىڭ تۇجىرىمدامالىق نەگىزگى باعىتتارىنا: وڭالتۋ جانە بانكروتتىق راسىمدەرىن باستاۋ ءتارتىبىن قايتا قاراۋ; وڭالتۋدى قولدانۋ جانە بانكروت دەپ تانۋ ءتارتىبىن قايتا قاراۋ; بانكروتتىق راسىمدەرىن قىسقارتۋ ماقساتىندا كرەديتورلار جينالىسىنىڭ وكىلەتتىگىن قايتا قاراۋ; كرەديتورلاردىڭ بورىشكەرگە قويىلاتىن تالاپتارىن مالىمدەۋ ءتارتىبىن ناقتىلاۋ; ۋاقىتشا باسقارۋشىنى نەمەسە ۋاقىتشا اكىمشىنى تاعايىنداۋ ءتارتىبىن قايتا قاراۋ; باسقارۋشىلارعا تولەنەتىن سىياقىنى تولەۋدى قايتا قاراۋ; كەپىلدى كرەديتورلار تالاپتارىن قاناعاتتاندىرۋ ءتارتىبىن قايتا قاراۋ; ادەيى بانكروتتىق جانە جالعان بانكروتتىق ءۇشىن قاعيدالاردى قايتا قاراۋ; جۇمىس ىستەمەيتىن بورىشكەردى بانكروتتىق ءراسىمىن قوزعاۋسىز تاراتۋ ءتارتىبىن قايتا قاراۋ; ماگيسترالدىق تەمىرجول جەلىسىن جانە تەمىرجول كولىگىنىڭ جىلجىمالى قۇرامىن دامىتۋ ماقساتىندا شىعارىلعان تاسىمالداۋشىنىڭ وبليگاتسيالارى بويىنشا كۋپوندىق سىياقى مولشەرلەمەسىن سۋبسيديالاۋ ءتارتىبىن بەلگىلەۋ; ميكرو جانە شاعىن بيزنەس كومپانيالارىن تابىس سالىعىنان ءۇش جىل مەرزىمگە بوساتۋ; بيۋدجەت قاراجاتىن ءتيىمسىز جوسپارلاعانى جانە ءتيىمسىز پايدالانعانى ءۇشىن جاۋاپكەرشىلىكتى كۇشەيتۋ جاتادى.
زاڭ جوباسى پالاتانىڭ قاراۋىنا جىبەرىلدى.
