نيدەرلاند كورولدىگىندە بىرىككەن ۇلتتار ۇيىمى تۇرعىن حالىق سالاسىنداعى قورىنىڭ (UNFPA) جانە بۇۇ ادام قۇقىقتارى جونىندەگى جوعارعى كوميسسارى باسقارماسىنىڭ ۇيىمداستىرۋىمەن ادام قۇقىقتارى بويىنشا حالىقارالىق كونفەرەنتسيا ءوتتى.
حالىقارالىق قاۋىمداستىق تاراپىنان ۇلكەن مانگە يە بۇل ءىس-شاراعا قازاقستان رەسپۋبليكاسى پارلامەنت ءماجىلىسىنىڭ دەپۋتاتى, قازاقستان پرەزيدەنتى جانىنداعى ادام قۇقىقتارى جونىندەگى كوميسسيا توراعاسى قۋانىش سۇلتانوۆ قاتىستى. القالى ءىس-شاراعا جەرگىلىكتى ۇكىمەت مۇشەلەرى, حالىقارالىق ۇيىمدار, ازاماتتىق قوعام جانە بۇۇ وكىلدەرى, ارنايى ساراپشىلار مەن ادام قۇقىقتارىن قورعاۋ سالاسىنداعى قايراتكەرلەر اتسالىسىپ, جالپى العاندا, 130 مەملەكەتتەن كەلگەن 300-دەن استام قاتىسۋشى جۇمىلدىرىلدى.
ءىس-شارا اياسىندا قازاقستان رەسپۋبليكاسى پرەزيدەنتى جانىنداعى ادام قۇقىقتارى جونىندەگى كوميسسيا توراعاسى ق.سۇلتانوۆتىڭ بۇۇ باس حاتشىسىنىڭ ورىنباسارى لاۋازىمىنداعى تۇرعىن حالىق سالاسىنداعى قورىنىڭ اتقارۋشى ديرەكتورى باباتۋندە وسوتيمەحينمەن, نيدەرلاند پارلامەنتى سەناتى توراعاسىنىڭ ورىنباسارى حانس فرانكەنمەن ەكىجاقتى كەزدەسۋى ءوتتى.
ق.سۇلتانوۆ ب.وسوتيمەحينمەن كەزدەسۋ بارىسىندا ادامنىڭ جانە ازاماتتىڭ قۇقىقتارى مەن بوستاندىقتارىنىڭ كەپiلدiگىن قامتاماسىز ەتۋ, جاپپاي تەڭدىكتى ساقتاۋ قازاقستان رەسپۋبليكاسى باستى قۇندىلىقتارىنىڭ ءبىرى بولىپ تابىلاتىنىن ايرىقشا اتاپ ءوتتى. بۇل باعىتتا جۇزەگە اسىرىلىپ جاتقان مەملەكەتتىك ساياساتتان تىس, بۇۇ تاراپىنا الەمدى الاڭداتىپ وتىرعان وزەكتى ماسەلەلەردى شەشۋگە بارىنشا جاردەم ەتۋشى قازاقستاننىڭ حالىقارالىق, ايماقتىق قاۋىپسىزدىك پەن تۇراقتىلىققا قوسقان اۋقىمدى ۇلەسى تۋرالى ايتىلدى.
ح.فرانكەنمەن كەزدەسۋ بارىسىندا ەكى ەلدىڭ پارلامەنتارالىق ىنتىماقتاستىعىن تەرەڭدەتۋ مۇمكىندىكتەرى تالقىلانىپ, ەكىجاقتى جانە كوپجاقتى ارەكەتتەسۋ كۇن تارتىبىندەگى ماڭىزدى دا وزەكتى ماسەلەلەر بويىنشا پىكىر الماسىلدى, دەپ حابارلادى قر ءسىم-ءىنىڭ ءباسپاسوز قىزمەتى.
