ەلباسى تاپسىرماسى – ماڭعىستاۋلىق پارتيا اكتيۆىنىڭ نازارىندا

-بايانداماشىلاردى تىڭداعان سوڭ ەلباسى «Nur Otan» پارتياسىنىڭ قالىپتاسۋى مەن دامۋىنا ۇلەس قوسقان بارلىق مۇشەلەرىنىڭ ەڭبەگىن اتاپ ءوتتى. بىرىنشىدەن, نۇرسۇلتان ءابىش ۇلى قازاقستاننىڭ تاۋەلسىزدىك جىلدارىنداعى تابىستارى تۋرالى ايتىپ, ەلدىڭ بارلىق جەتىستىكتەرى پارتيامەن تىعىز بايلانىستى ەكەنىن اتاپ ءوتتى.

ەكىنشىدەن, «Nur Otan» پارتياسىنىڭ توراعاسى ءار وبلىستا, قالادا جانە اۋداندا سايلاۋالدى باعدارلامالارىن دايىنداۋدى قامتاماسىز ەتۋدى تاپسىردى. كەلەسى جىلى وڭىرلەردى دامىتۋدىڭ بەس جىلدىق باعدارلامالارىن ىسكە اسىرۋ اياقتالدى. جاڭا باعدارلامالاردى قابىلداۋ قاجەتتىلىگى جاڭا ەلەكتورالدىق كەزەڭگە سايكەس كەلىپ وتىر. سوندىقتان بۇل باعدارلامالار ءار ءوڭىر بويىنشا ءماسليحات سايلاۋىندا پارتيانىڭ سايلاۋالدى باعدارلاماسىنىڭ نەگىزىنە اينالۋى ءتيىس. 

كەزدەسۋ بارىسىندا ەلباسى بەلسەندى مۇشەلەردى «Nur Otan» پارتياسىنىڭ دامۋىنا قوسقان ۇلەسى ءۇشىن «بەلسەندى قىزمەتى ءۇشىن» مەدالىمەن ماراپاتتادى. ءبىزدىڭ وڭىردەن پارتيانىڭ ماڭعىستاۋ اۋدانى توراعاسىنىڭ ءبىرىنشى ورىنباسارى ايبارشا اسامادينقىزى ماراپاتتالدى. ءسوز كەزەگىن العان «Nur Otan» پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى ەلۋباي ءابىلوۆ ەلباسى ن.نازارباەۆتىڭ ساياسي باعىت-باعدار ساباقتاستىعىن ساقتاۋ ءۇشىن, قول جەتكەن تابىستارىمىزدى ەسەلەۋ ءۇشىن مەملەكەت باسشىسى قاسىم-جومارت توقاەۆتىڭ اينالاسىنا توپتاسىپ, العا قويعان مىندەتتەرىن مۇلتىكسىز ورىنداۋدى تاپسىرعانىن جەتكىزدى. — ەلباسىمىزدىڭ تاۋەلسىز قازاقستاننىڭ ىرگەتاسىن قالاۋدا, جاس مەملەكەتىمىزدى جاھانعا تانىتۋدا جانە بولاشاققا باعىت-باعدار بەرۋدە ەڭبەگى ۇشان-تەڭىز, — دەدى ءوڭىر باسشىسى.

وبلىس اكىمى اتاپ وتكەندەي, ەلباسىنىڭ قولىنان توسبەلگى العان ايبارشا اسامادينقىزى دا جينالىستا العان اسەرىمەن ءبولىستى.

-قۇرمەتتى پارتيالاستار! بارشاڭىزدى الدا كەلە جاتقان  تاۋەلسىز قازاقستاننىڭ نەگىزىن قالاۋشى, تۇڭعىش پرەزيدەنت كۇنى مەرەكەسىمەن شىن جۇرەكتەن  قۇتتىقتايمىن! كەشە عانا ەلوردامىزدىڭ تورىندە, تاۋەلسىزدىك سارايىندا ەلباسى, پارتيا توراعاسى نۇرسۇلتان نازارباەۆ «Nur Otan» پارتياسىنىڭ وڭىرلىك فيليالدارى وكىلدەرىمەن كەزدەستى. سىزدەرمەن بىرلەسە جاساعان قىزمەتتىڭ جەمىسىن كورىپ, پارتيا توراعاسىنىڭ قولىنان توسبەلگى الدىم. تاريحتى تۇلعالار جاسايدى دەسەك, تاۋەلسىز قازاقستان تاريحىنداعى باستى تۇلعا, كەمەڭگەر كوشباسشى, ەلباسىنىڭ قولىنان ماراپات العاندا ۇلكەن تەبىرەنىس پەن تولقۋ ۇستىندە بولعانىمدى جاسىرا المايمىن. ويتكەنى, ءتاي-ءتاي باسقان جاس مەملەكەتتى الەم تانىعان الەۋەتتى ەلدەردىڭ قاتارىنا قوسقان تۇلعانىڭ الدىنا بارۋ ماعان زور جاۋاپكەرشىلىك جۇكتەدى. ەلباسىمىز قولىمدى الىپ تۇرىپ,  جايدارلى جۇزبەن «ماڭعىستاۋلىقتارعا سالەم ايتارسىڭ» دەگەن, پارتيا توراعاسىنىڭ اماناتىن ورىنداپ, بارشاڭىزعا ەلباسىنىڭ سالەمىن جەتكىزگىم كەلەدى,-دەدى.

جيىندا «Nur Otan» پارتياسى وبلىستىق ءماسليحات حاتشىسى نۇري تۋمىشەۆ, وبلىستىق ءماسليحات دەپۋتاتى, فراكتسيا جەتەكشىسى جاڭبىرباي دارمەنوۆ جانە «Jas Otan» جق توراعاسى باعدات قۋاندىق ءوز ويلارىمەن ءبولىستى.

باسقوسۋدا تۇڭعىش پرەزيدەنت كۇنىنە وراي ءوڭىرىمىزدىڭ قوعامدىق ساياسي ومىرىنە بەلسەنە قاتىسىپ كەلە جاتقان پارتيا ارداگەرلەرىنە العىس حاتتار تاپسىرىلىپ, رەسپۋبليكالىق «ۇزدىك باستاۋىش پارتيا ۇيىمى» كونكۋرسىنىڭ وبلىستىق كەزەڭىنىڭ جەڭىمپازداردى ماراپاتتالدى.

سونداي-اق تۇڭعىش پرەزيدەنت كۇنى اياسىندا «Nur Otan» پارتياسى قاتارىنا جاڭا مۇشەلەر قابىلداندى. جينالعانداردى مەرەكەمەن قۇتتىقتاعان س.ترۇموۆ ەلباسىنىڭ ءوزى بارلىق دەڭگەيدەگى اكىمدەردىڭ جانە ماسليحاتتارداعى فراكتسيا دەپۋتاتتارىنىڭ پارتيالىق جاۋاپكەرشىلىگىن تۇبەگەيلى كۇشەيتۋگە تاپسىرما بەرگەنىن اتاپ ءوتىپ, الدا تۇرعان باستى مىندەتتەردىڭ ناقتى ورىندالۋىن تاپسىردى.