وسى شىعارماشىلىق مەرەكەسى بارىسىندا شەڭبەرىندە سپورتتىق ءىس-شارالارعا, قولدانبالى شىعارماشىلىق كورمەلەردى, كونتسەرتتىك باعدارلامالاردى, فەستيۆالدار مەن كونكۋرستاردى ۇيىمداستىرۋعا بەلسەندى قاتىسقانى ءۇشىن الماتى قالاسىنىڭ دەمالىس ورتالىقتارىن ماراپاتتاۋ ءراسىمى ۇيىمداستىرىلدى. ۇزدىك TOP-10 سپورت كلۋبى جانە ۇزدىك TOP-10 شىعارماشىلىق كلۋبى انىقتالدى. سونداي-اق بايقاۋ-كونكۋرسىنىڭ قورىتىندىسى بويىنشا جەڭىمپازدار ىرىكتەلىپ, ۇزدىك دەمالىس ورتالىعىنىڭ باسشىسى, ۇزدىك پەداگوگ, ۇزدىك اۋلا كلۋبى اتالىمى بويىنشا ءۇش ءبىرىنشى جۇلدەلى ورىن انىقتالدى.
جەڭىمپازدار باعالى سىيلىقتارمەن جانە گراموتالارمەن ماراپاتتالدى. سونىمەن بىرگە, ءىس-شارادا الماتى قالاسى دەمالىس ورتالىقتارى تاربيەلەنۋشىلەرىنىڭ قولدانبالى بۇيىمدارىنان دايىندالعان شىعارماشىلىق كورمە ءوتتى. بارلىق نوميناتسيالاردىڭ قورىتىندىسى بويىنشا اۋلا كلۋبتارىنىڭ اراسىندا جەڭىمپازدار انىقتالدى. ولارعا اۋىسپالى كۋبوك تابىستالىپ, ء«ىى جارتى جىلدىڭ ۇزدىك اۋلا كلۋبى» اتاعى بەرىلدى. جەڭىمپاز بولىپ «ۇشقىندار» اۋلا كلۋبى تانىلدى.
جاستار ساياساتىن دامىتۋ مەملەكەتتىك قورىنىڭ جانىندا قالانىڭ 8 اۋدانىندا 50 اۋلا كلۋبى قىزمەت ەتەدى. جىل بويى اسكەري-پاتريوتتىق, مادەني-اعارتۋ, شىعارماشىلىق جانە سپورتتىق باعىتتاردا جۇمىس ىستەيتىن اۋلا كلۋبتارىندا قاتىساتىن بالالاردىڭ سانى – 38023. ەكى جۇزگە جۋىق ۇيىرمە مەن سەكتسيالاردى بالالار مەن جاسوسىپىرىمدەر كلۋبىشىلىك مىڭنان استام شارالار وتكىزگەن.
الماتى
