ايماقتار • 28 قاراشا، 2019

تۇركىستان: قوعامدىق قابىلداۋ بولمەلەرىنە 7047 ارىز تۇسكەن

68 رەت كورسەتىلدى

تۇركىستان وبلىسىندا جىل باسىنان بەرى بارلىق دەڭگەيدەگى ءماسليحات دەپۋتاتتارى – «Nur Otan» پارتياسىنىڭ فراكتسيا مۇشەلەرى ءتۇرلى ماسەلەلەر بويىنشا 637 جەكە قابىلداۋ جۇرگىزىپ، 1241 ازاماتتىڭ ماسەلەلەرى قارالعان. ال 10 ايدا پارتيا فيليالدارىنىڭ 17 قوعامدىق قابىلداۋ بولمەسىنە 7047 ارىز ءتۇسىپ، ونىڭ 3297-ءى (46،7%) وڭتايلى شەشىلگەن. باسشىلار تاراپىنان كوزبوياۋشىلىق پەن سىرعىتپا جاۋاپقا جول بەرىلمەۋى ءۇشىن قابىلداۋلار الەۋمەتتىك جەلىدە تىكەلەي ەفير ارقىلى كورسەتىلۋدە. بۇل تۋرالى تۇركىستاندا وتكەن «Nur Otan» پارتياسى تۇركىستان وبلىستىق فيليالىنىڭ اكتيۆىندە ايتىلدى.

وبلىس اكىمى، پارتيا فيليالىنىڭ توراعاسى ومىرزاق شوكەەۆ جۇرگىزىپ وتىرعان اكتيۆ وتىرىسىندا ەلباسى، پارتيا توراعاسى ن.نازارباەۆتىڭ  وڭىرلىك پارتيا فيليالدارى وكىلدەرىمەن كەزدەسۋ بارىسىندا جۇكتەگەن مىندەتتەردى ورىنداۋ جانە جاڭا باستامالاردى جۇزەگە اسىرۋ ماسەلەلەرى تالقىلاندى. وڭىردە اتقارىلعان جۇمىستار جونىندە بايانداعان پارتيا فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ ساياسي ۇيىمنىڭ كادرلىق رەزەرۆىنە ۇمىتكەرلەردى ىرىكتەۋ پيلوتتىق جوباسى بويىنشا تۇلكىباس اۋدانى رەسپۋبليكادا الدىڭعى قاتاردان كورىنگەنىن اتاپ ءوتتى. بۇل جوبانى بارلىق اۋدان، قالالاردا وتكىزۋ جوسپارلانىپ وتىر. وسىلايشا قاراپايىم ەلدىڭ اراسىنان مەملەكەتكە شىنايى جاناشىر، وتانشىل، بەلسەندى ازاماتتار پارتيا قاتارىنا قوسىلىپ، ماسليحاتتارعا ۇسىنىلماق.

اكتيۆ وتىرىسىن قورىتىندىلاعان ومىرزاق شوكەەۆ ەلباسى،  «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرمالارى بويىنشا جۇمىس كۇشەيەتىنىن مالىمدەدى. «پارتيالىق پرايمەريزدى ءتۇسىندىرۋ جانە دايىندىق جۇمىستارى بويىنشا سەمينارلار وتكىزىلسىن. ناقتى جەرگىلىكتى ماسەلەلەردى ەسەپكە الا وتىرىپ، سايلاۋالدى باعدارلامانىڭ جوباسى ازىرلەنۋى ءتيىس. پارتيا فيليالى پارتيالىق كادرلىق رەزەرۆ قۇرامىن جاڭا تالاپتارعا ساي جاساقتاپ، 2020 جىلدىڭ 10 قاڭتارىنا دەيىن ۇسىنسىن. جاڭا تىزىمدە ايەلدەردىڭ ۇلەسى 30 پايىزدان، 35 جاسقا دەيىنگى جاستاردىڭ ۇلەسى 20 پايىزدان كەم بولماۋى ءتيىس. سونىمەن قاتار قوعامنىڭ بەلسەندى وكىلدەرى دە رەزەرۆكە الىنسىن. پارتيانىڭ جەمقورلىققا قارسى قوعامدىق كەڭەستەرى، باقىلاۋ كوميسيالارى جۇمىستى شيراتسىن»، دەدى وبلىس اكىمى. سونداي-اق جيىندا تۇڭعىش پرەزيدەنت مەرەكەسىنە وراي، ءبىر توپ ازاماتقا ەل پرەزيدەنتى قاسىم-جومارت توقاەۆتىڭ العىس حاتى تابىس ەتىلدى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار