قازىر قاراعاندى ايماعى وندىرىسىندە كۇن سايىن ءبىر جاڭالىق ورىن الىپ جاتىر دەۋگە بولادى . ۇدەمەلى يندۋستريالىق - يننوۆاتسيالىق دامۋ باعدارلاماسى اياسىنداعى ىستەردىڭ قارقىن الۋى وسىنداي وزگەرىستەردى جيىلەتە تۇسۋدە . ماسەلەن , بالقاش قالاسىنداعى « نەدرا بالقاش » جشس - نىڭ گرانيتتى پليتالاردى وڭدەي باستاۋى ءوڭىر قۇرىلىسشىلارىنا جاعىمدى جاي بولىپ وتىر . تەكتۇرماس كەنىشىنىڭ تابيعي شيكىزاتىنان جاسالاتىن قىرلى جانە جيەكتاستار ءوتىمدى ءونىم تۇرىنە اينالدى . بۇعان دەيىن رەسەي مەن قىتايدان قىمبات باعاعا ساتىپ الىنىپ كەلگەن بۇيىم ەندى وبلىس قۇرىلىس يندۋسترياسىن قامتاماسىز ەتۋگە جەتەدى . كاسىپورىن تىنىسى كەڭەيۋى ارقاسىندا 40- تان استام جەرگىلىكتى تۇرعىن جۇمىسپەن قامتىلدى .
ال جاڭادان ىسكە قوسىلىپ جاتقان وندىرىستىك نىساندار جاعىنان تەمىرتاۋ الدا كەلەدى. «جاككو قاراعاندى» جشس سىرتقى كارىزدەرگە ارنالعان قۇبىرلار شىعارۋدى جولعا قويسا, «كمك پروفيل» كاسىپورنى جايما يلەك ءوندىرۋدى باستادى. يمپورت الماستىرۋشى بۇل زاتتار قۇرىلىسشىلار قاجەتىن تولىق وتەۋگە ءتيىس. بۇدان ەكى جىل بۇرىن جول تابانى 1520 مم تەمىربەتون شپالدارىن جاساۋدى قولعا العان «NORD پروم نس» كومپانياسى ەندى ەكىنشى جەلىنى جۇمىس ىستەتۋ ارقىلى جەزقازعان-بەينەۋ تەمىر جولى قۇرىلىسىن اتالعان ونىممەن تولىقتاي قامتاماسىز ەتۋ مۇمكىندىگىن كەڭەيتتى. سونداي-اق, «AST ETALON CROWN» اق سۋسىندارعا ارنالعان شىنى قۇتىلاردىڭ تىعىنىن شىعارۋدى باستاپ, ءبىر بولىگىن پورتۋگالياعا جونەلتىپ تە جاتىر. ايتا كەتۋ كەرەك, يندۋستريالاندىرۋ كارتاسى بويىنشا جولى جاندىرىلعان وسى جوبالاردىڭ ءبارى ەكسپورتقا شىعارىلاتىن ونىمدەردى ۇلعايتۋعا باعىتتالعان. وندىرىسپەن بىرگە اۋىل شارۋاشىلىعى سالاسىندا دا ونىمدەردى ءارتاراپتاندىرۋ ويداعىداي جۇرگىزىلۋ ۇستىندە. بيىل ارپا ەگۋ 25 مىڭ گەكتارعا ارتتىرىلىپ, 126 مىڭ گەكتارعا جەتكىزىلدى. بۇعان ونىڭ شەتەلدەرگە ءوتىمدى ەكەنى ىقپال ەتتى. مىسال ءۇشىن يراننان تۇسكەن سۇرانىس ۇلكەن. سوندىقتان وتكەن كوكتەمدە قارقارالى اۋدانى ديقاندارى وسى داقىل ەگىستىگى كولەمىن 7,8 مىڭ گەكتاردان 50 مىڭ گەكتارعا ۇلعايتتى. بۇرىنعىداي دولبارلاپ ەمەس, ەكونوميكالىق تيىمدىلىگىن ءدال انىقتاپ, ىشكى جانە سىرتقى رىنوكتا دا سۇرانىس مولشەرىن ەسەپتەپ , ساپالىق جاعىنان كەم سوقپاۋىن ەسكەرىپ شىعارۋ بۇگىنگى كۇننىڭ باستى تالابى سانالىپ وتىر. ءوتىمدى ءونىم تۇرلەرىن كوبەيتۋ ارقىلى ايماقتى, ەلىمىزدىڭ وزگە وڭىرلەرىن دە جەتكىلىكتى قامتاماسىز ەتۋ ماسەلەسىن شەشۋ نەگىزگى ماقسات بولىپ تابىلادى. ايقىن نەسىپباي, «ەگەمەن قازاقستان». قاراعاندى .
