«ەسىل-اگرونىڭ» ەكپىندى ءىسى

بۋراباي اۋدانىنداعى «ەسىل-اگرو» جشس-دە زامانالىق تاۋارلى-ءسۇت فەرماسى پايدالانۋعا بەرىلگەلى جوعارى ونىمدىلىكتەگى 600 ءىرى قارا مال الىپ كەلىنگەن بولاتىن. ەكى جىل ىشىندە شارۋاشىلىق تابىنى 1000 باس تولمەن تولىقتى.
بۇل فەرمانى ىسكە قوسۋعا «قازاگروقارجى» اكتسيونەرلىك قوعامى ارقىلى مەملەكەتتىڭ 2 ميلليارد تەڭگەگە جۋىق قارجىسى جۇمىلدىرىلعان. مۇندا ءسۇت ساۋ شۆەتسيالىق وزىق جابدىقتار كومەگىمەن اۆتوماتتى تۇردە اتقارىلادى. قازىرگى تاڭدا ءار سيىردان ورتاشا ەسەپپەن 6000 ليتردەن استام ءونىم الىنۋدا. سوڭعى ءبىر جىلدا ساۋىلعان ءسۇتتىڭ كولەمى 2 ميلليون 700 مىڭ ليترگە جەتتى. ساۋىن تابىنىندا 1200 باس سيىر زووتەحنيكالىق-مالدارىگەرلىك جوعارى تالاپتار دەڭگەيىندە كۇتىمگە الىنعان.
جاۋاپكەرشىلىگى شەكتەۋلى سەرىكتەستىكتىڭ ءسۇت زاۋىتىندا كۇن سايىن 32 ءتۇرلى ءونىم شىعارىلىپ, تۇتىنۋشىلارعا جوعارى ساپامەن ۇسىنىلۋدا. ۇجىم استانانىڭ ازىق-ت ۇلىك بەلدەۋىن قامتاماسىز ەتۋگە دە بەلسەندى تۇردە قاتىسادى.
باقبەرگەن امالبەك,
«ەگەمەن قازاقستان».
اقمولا وبلىسى.
–––––––––––––
سۋرەتتە: سەرىكتەستىكتىڭ ساۋىن فەرماسىنىڭ ىشكى كورىنىسى.