جىلى جۇرەكتى جان
سەنبى, 13 شىلدە 2013 2:33
ءبىزدىڭ بۇگىنگى اڭگىمەمىز ەسىمى سىر ەلىنە جاقسى تانىس, 22 جىلدان استام تەرەڭوزەك (قازىرگى سىرداريا) جانە جالاعاش اۋداندارىندا پارتيا كوميتەتىنىڭ ءبىرىنشى حاتشىسى بولعان قونىسبەك تورەش ۇلى قازانتاەۆ جايلى بولماق. مەن ول كىسىمەن 10 جىلدان استام ۋاقىت بىرگە قىزمەت ىستەدىم.
قونەكەڭ تۋرالى كوڭىلىمىزدە جۇرگەن ويلاردى ورتاعا سالۋ بىزگە پارىز. ويتكەنى, ونىڭ ومىرىندە كەيىنگى ۇرپاققا ۇلگى بولارلىق ساتتەر از ەمەس. ونىڭ بويىندا ادالدىق, ادامگەرشىلىك, جۇكتەلگەن ىسكە جاۋاپتىلىق قاسيەتتەر ۇيلەسىمدى ۇشتاسىپ جاتاتىن. ول كىسىنىڭ ءبىتىمى, بولمىسى بولەك, پاراسات-پايىمى ەرەكشە بولاتىن.
سەنبى, 13 شىلدە 2013 2:33
ءبىزدىڭ بۇگىنگى اڭگىمەمىز ەسىمى سىر ەلىنە جاقسى تانىس, 22 جىلدان استام تەرەڭوزەك (قازىرگى سىرداريا) جانە جالاعاش اۋداندارىندا پارتيا كوميتەتىنىڭ ءبىرىنشى حاتشىسى بولعان قونىسبەك تورەش ۇلى قازانتاەۆ جايلى بولماق. مەن ول كىسىمەن 10 جىلدان استام ۋاقىت بىرگە قىزمەت ىستەدىم.
قونەكەڭ تۋرالى كوڭىلىمىزدە جۇرگەن ويلاردى ورتاعا سالۋ بىزگە پارىز. ويتكەنى, ونىڭ ومىرىندە كەيىنگى ۇرپاققا ۇلگى بولارلىق ساتتەر از ەمەس. ونىڭ بويىندا ادالدىق, ادامگەرشىلىك, جۇكتەلگەن ىسكە جاۋاپتىلىق قاسيەتتەر ۇيلەسىمدى ۇشتاسىپ جاتاتىن. ول كىسىنىڭ ءبىتىمى, بولمىسى بولەك, پاراسات-پايىمى ەرەكشە بولاتىن.
ادامعا جاقسىلىق جاساۋ ەكىنىڭ ءبىرىنىڭ قولىنان كەلە قوياتىن شارۋا ەمەس. جاقسىلار عانا جان-جاعىنا كولەڭكەسىن تۇسىرەتىن الىپ بايتەرەك سياقتى. سونىڭ ءبىرى, ءتىپتى بىرەگەيى قونەكەڭ ەدى. ال مەن ءوز باسىم ارىپتەس, ۇزەڭگىلەس ءىنىسى رەتىندە ول كىسىمەن بىرگە قىزمەت ىستەپ, ونىمەن پىكىرلەس بولۋعا مۇمكىندىك بەرگەن تاعدىرىما ريزامىن. بايقاعانىم, ءبىر قاراعاندا جۇزىنەن كىمدە بولسا يمەنىپ, سوزىنەن كىمدە بولسا دا تايسالعانداي قونەكەڭ اينالاسىنا سونشالىقتى مەيىربان ەدى.
ءوز زامانىنىڭ بايتەرەگى بولعان قونەكەڭنىڭ بەينەسى كۇن وتكەن سايىن بيىكتەپ بارادى. ول ءوزىنىڭ ىسىمەن, اقىل-پاراساتىمەن ارتىنا ەلەۋلى ءىز قالدىردى. قونەكەڭ قازاقستان كومپارتياسى ورتالىق كوميتەتىنىڭ, وبلىستىق پارتيا كوميتەتىنىڭ پلەنۋمدارىندا رۋحاني قۇندىلىقتاردى قاستەرلەۋدىڭ ءمان-ءمانىسىن تەرەڭنەن قوزعاپ, وي-ساناعا سىلكىنىس تۋدىرا سويلەيتىن. قونىسبەك اعامىزدى كەزىندە ۇلتىمىزدىڭ ءبىرتۋار پەرزەنتى دىنمۇحامەد قوناەۆتىڭ ءوزى دە اسا قۇرمەتتەگەن. سول كەزدەرى ول ءبىزدىڭ وبلىستان ورتالىق كوميتەت مۇشەسى بولىپ سايلانعان جالعىز اۋداندىق پارتيا كوميتەتىنىڭ ءبىرىنشى حاتشىسى ەدى.
قونىسبەك اعامەن قىزمەتتەس بولۋىم 1975 جىلى باستالدى. وسى جىلى اۋداندىق پارتيا كوميتەتىنىڭ ءبىرىنشى حاتشىسى سۇلتان شاحان ۇلى امانوۆ وبلىستىق پارتيا كوميتەتىنە حاتشى بولىپ اۋىستى دا ونىڭ ورنىنا سول كەزدەگى تەرەڭوزەك اۋدانىنىڭ ءبىرىنشى حاتشىسى قونىسبەك تورەش ۇلى قازانتاەۆ سايلاندى. ۇيىمدىق ماسەلە قاراعان پلەنۋم وتكەننەن كەيىن ەرتەڭىنە جاڭا ءبىرىنشى حاتشى اپپارات قىزمەتكەرلەرىمەن جينالىس وتكىزدى. ول كەزدە اۋداندىق پارتيا كوميتەتىنىڭ ەكىنشى حاتشىسى ءساميت دالداباەۆ, يدەولوگيا جونىندەگى حاتشى ءنازتاي سەرماحانوۆا, پارتيالىق-ۇيىمداستىرۋ ءبولىمىنىڭ مەڭگەرۋشىسى مەن جالپى ءبولىم مەڭگەرۋشىسى ءماجيت ساعيداتوۆ, ۇگىت-ناسيحات ءبولىمىنىڭ مەڭگەرۋشىسى ءماجيت ابدازيەۆ بولاتىن. اپپارات قىزمەتكەرلەرىمەن تانىسىپ بولعاننان كەيىن قونەكەڭ:
– جىگىتتەر, مەن ومىردە جۇمىسقا كەشىگىپ كەلگەن ادام ەمەسپىن. اۋداندىق پارتيا كوميتەتىندە وتەتىن جينالىستاردىڭ, سەمينارلار
