كەشە پارلامەنت پالاتالارىنىڭ بىرلەسكەن وتىرىسى بولىپ, وندا بەسىنشى سايلانعان قازاقستان رەسپۋبليكاسى پارلامەنتىنىڭ ەكىنشى سەسسياسى رەسمي تۇردە جابىلدى. جانە دە كۇن تارتىبىندەگى ەكىنشى ماسەلە – ەكى ايعا سوزىلاتىن پارلامەنتتىك كانيكۋل وڭ شەشىمىن تاپتى.
كەشە پارلامەنت پالاتالارىنىڭ بىرلەسكەن وتىرىسى بولىپ, وندا بەسىنشى سايلانعان قازاقستان رەسپۋبليكاسى پارلامەنتىنىڭ ەكىنشى سەسسياسى رەسمي تۇردە جابىلدى. جانە دە كۇن تارتىبىندەگى ەكىنشى ماسەلە – ەكى ايعا سوزىلاتىن پارلامەنتتىك كانيكۋل وڭ شەشىمىن تاپتى.
وتىرىسقا پرەمەر-مينيستر, كونستيتۋتسيالىق كەڭەستىڭ, جوعارعى سوتتىڭ جانە ورتالىق سايلاۋ كوميسسياسىنىڭ توراعالارى, ۇكىمەت مۇشەلەرى, پرەزيدەنتكە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ جانە ۇكىمەت قۇرامىنا كىرمەيتىن اگەنتتىكتەر باسشىلارى, پرەزيدەنت اكىمشىلىگىنىڭ, پرەمەر-مينيستر كەڭسەسىنىڭ, پارلامەنت پالاتالارى اپپاراتتارىنىڭ جاۋاپتى قىزمەتكەرلەرى جانە بۇقارالىق اقپارات قۇرالدارىنىڭ وكىلدەرى قاتىستى.
بىرلەسكەن وتىرىستا ءسوز العان ءماجىلىس توراعاسى نۇرلان نىعماتۋلين پارلامەنت جۇمىسىنىڭ باسىم باعىتتارىن ايتا كەلىپ, الداعى مىندەتتەرگە دە كەڭىنەن توقتالدى. توراعا, اسىرەسە, پارلامەنتتىڭ ەكىنشى سەسسياسىنا جۇكتەلگەن جاۋاپكەرشىلىككە باسا نازار اۋداردى. بۇل, ەڭ الدىمەن, ەلباسىمىز نۇرسۇلتان ءابىش ۇلى نازارباەۆتىڭ «قازاقستان – 2050» ستراتەگياسىندا ايتىلعان, قازاقستان دامۋىنىڭ الداعى ونجىلدىقتارعا ارنالعان ناقتى ماقساتتارى مەن ايقىن جولدارى كورسەتىلگەن, ەلىمىز دامۋىنىڭ جاڭا بەلەسىمەن بايلانىستى, دەدى نۇرلان زايروللا ۇلى ءسوزىن ساباقتاي كەلىپ. جولداۋدا ايتىلعان مىندەتتەر جانە ەلباسىنىڭ پارلامەنت سەسسياسىنىڭ اشىلۋىندا جۇكتەگەن الەۋمەتتىك جاڭعىرتۋ باعدارلاماسىن زاڭنامالىق قامتاماسىز ەتۋ جۇمىستارى نەگىزىنەن ويداعىداي جۇزەگە اسىپ وتىر.
سونداي-اق, سپيكەر فراكتسيالاردىڭ ءوزارا قاتىناسىنىڭ, ۇكىمەتپەن بىرلەسكەن جۇمىستىڭ جاڭا, بۇرىنعىدان جوعارى دەڭگەيگە كوتەرىلگەنىن دە نازاردان تىس قالدىرمادى. ەگەر ءماجىلىستىڭ ءبىرىنشى سەسسياسى سايلاۋدان كەيىنگى, كوپپارتيالى دەپۋتاتتىق كورپۋستىڭ جاڭا قۇرامى بەكىتىلگەن العاشقى «بەيىمدەلۋ, جاتتىعۋ» كەزەڭى دەپ ەسەپتەلسە, ال قازىرگى سەسسيانى حالىق قالاۋلىلارىنىڭ زاڭ شىعارۋ جۇمىسىنداعى كاسىبي دەڭگەيلىگى مەن ەڭبەك قارقىنى بايقالعان جاڭا بەلەسى دەپ باعالاۋعا بولادى. جالپى العاندا, اعىمداعى سەسسيادا پارلامەنت پالاتالارىنىڭ 3 بىرلەسكەن وتىرىسى, ءماجىلىستىڭ – 38, ال سەناتتىڭ 27 جالپى وتىرىستارى ءوتىپ, 96 زاڭ قابىلدانىپ, پرەزيدەنتتىڭ قول قويۋىنا جىبەرىلگەن.
وسى رەتتە «2013-2015 جىلدارعا ارنالعان رەسپۋبليكالىق بيۋدجەت تۋرالى» زاڭعا ەرەكشە نازار اۋدارىلعانىن ايتا كەتۋ كەرەك. توراعا اتالعان قۇجاتقا سايكەس, الداعى ءۇش جىلدىق بيۋدجەتتە بارلىق الەۋمەتتىك جوسپارلاردى ورىنداۋعا, حالىقتى ەڭبەكپەن جانە ازاماتتاردى تۇرعىن ۇيمەن قامتۋعا ەرەكشە كوڭىل بولىنگەنىن تىلگە تيەك ەتتى. سونداي-اق, قازاقستاندىقتاردىڭ ءومىر ساپاسىن جاقسارتۋ, ايماقتاردى دامىتۋ, قاۋىپسىزدىكتى نىعايتۋ, توتەنشە جاعدايلاردى بولدىرماۋ, الدىن الۋ, قۇقىقتىق ءتارتىپ ماسەلەلەرى دە بيۋدجەتتە قارالعان باسىم باعىتتاردىڭ ءبىرى ەكەندىگىنە ەرەكشە توقتالدى.
پارلامەنتتە ۇكىمەت پەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ بيۋدجەتتىڭ ورىندالۋىنا بايلانىستى ەسەبى تىڭدالىپ, دەپۋتاتتاردىڭ مەملەكەتتىك ورگانداردىڭ ستراتەگيالىق جانە بيۋدجەتتىك جوسپارلاۋدى جەتىلدىرۋ, مەملەكەتتىك اكتيۆتەردى باسقارۋ تيىمدىلىگىن ارتتىرۋ بويىنشا بىرقاتار ەسكەرتۋلەر مەن ۇسىنىستار جاساعانى دا نازاردان تىس قالعان جوق. وسى ورايدا ءماجىلىس توراعاسى ۇكىمەت دەپۋتاتتىق كورپۋس تاراپىنان ايتىلعانداردىڭ بارلىعىن تولىقتاي ەسەپكە الادى دەگەن سەنىمىن العا تارتا وتىرىپ, ول رەسپۋبليكالىق بيۋدجەتتى ورىنداۋ مەن جوسپارلاۋ تيىمدىلىگىن ودان ءارى ارتتىرۋعا ىقپال ەتەدى دەگەنگە ەرەكشە ەكپىن بەردى.
پرەزيدەنتتىڭ پارلامەنت الدىنا قويعان ماڭىزدى تاپسىرمالارىنىڭ ءبىرى – ەكونوميكالىق دامۋدىڭ قۇقىقتىق بازاسىن جاقسارتۋ ەكەندىگىن سوزىنە ارقاۋ ەتكەن ن.نىعماتۋلين دەپۋتاتتار قابىلداعان جانە قاراۋدا جاتقان ءتيىستى زاڭدار جايىن دا قاپەرگە الدى. ولاردىڭ قاتارىندا «ميكروقارجىلىق ۇيىمدار تۋرالى» زاڭ دا بار. اتالعان زاڭ ميكروقارجىلىق ۇيىمدار قىزمەتىن تۇتىنۋشىلاردىڭ مۇددەلەرى مەن قۇقىن قورعاۋعا, حالىقتى قولجەتىمدى شاعىن نەسيەلەرمەن قامتاماسىز ەتۋگە باعىتتالعان. ال «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كەدەن وداعىنىڭ كەدەندىك زاڭنامالار قاعيدالارىنا سايكەستەندىرۋ ءۇشىن سالىقتىق اكىمشىلىكتەندىرۋ تەتىكتەرىن قايتا قاراۋ ماقساتىن كوزدەيدى. ءاسى
