قازاق ولەڭىندە وزىندىك ورنەگىن قالىپتاستىرىپ, قالىڭ وقىرمان ەرتكەن مۇرات شايماران ۇلىنىڭ بۇل كەشتە «جاسىل ءتۇن» اتتى جىر جيناعىنىڭ تۇساۋى كەسىلەدى. شىعارماشىلىق كەشكە الىس-جاقىن شەت ەلدەن جانە قازاقستاننىڭ تۇكپىر-تۇكپىرىنەن قازاققا تانىمال حالىق جازۋشىلارى, مەملەكەتتىك سىيلىقتىڭ يەگەرلەرى, بەلگىلى اقىن-جازۋشىلار, قوعام قايراتكەرلەرى قاتىسادى.
اقىننىڭ ءومىرى, شىعارماشىلىعى تۋرالى قازاقستاننىڭ حالىق جازۋشىسى ق. ءجۇمادىلوۆ, مەملەكەتتىك سىيلىقتىڭ يەگەرلەرى ۇ.ەسداۋلەت, ت.ابدىكاكىموۆتار ارنايى ءسوز سويلەيدى.
كەشتىڭ فورماتى ءداستۇرلى قالىپتان وزگەشەرەك. بۇل كۇنى اقىن ولەڭىنەن تەاترلاندىرىلعان كومپوزيتسيالار قويىلىپ, م. شايماران ولەڭدەرىن تانىمال اقىندار جاتقا وقيدى. ءارى ەلىمىزگە بەلگىلى انشىلەر اقىن سوزىنە جازىلعان اننەن شاشۋ شاشادى.
