رۋحانيات • 22 قاراشا، 2019

تۇلكىباستا «انا مەن بالا» مونۋمەنتى اشىلدى

225 رەتكورسەتىلدى

تۇلكىباس اۋدانى ورتالىعىنداعى «تۇڭعىش پرەزيدەنت» ساياباعىنىڭ الدىنان دەمەۋشىلەر ەسەبىنەن بوي كوتەرگەن «انا مەن بالا» مونۋمەنتى اشىلدى.

ەلباسى «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا «باسقا ايماقتارعا كوشىپ كەتسە دە، تۋعان جەرلەرىن ۇمىتپاي، وعان قامقورلىق جاساعىسى كەلگەن كاسىپكەرلەردى، شەنەۋنىكتەردى، زيالى قاۋىم وكىلدەرى مەن جاستاردى ۇيىمداستىرىپ، قولداۋ كەرەك»، – دەگەن بولاتىن. وسى ماقساتتا بۇگىن اۋدانىمىزدىڭ تۋماسى، ۇلى وتان سوعىسىنىڭ ارداگەرى پىراليەۆ جايلاۋ اتامىزدىڭ بالالارى مەن نەمەرەلەرى كىندىك قانى تامعان جەرىنە تاتۋلىق پەن بەيبىتشىلىكتىڭ سيمۆولى سانالاتىن «انا مەن بالا» مونۋمەنتىن تۇرعىزىپ، جەرلەستەرىنە ۇلكەن سىي جاساپ وتىر، – دەدى اشىلۋ سالتاناتىندا اۋدان اكىمىنىڭ ورىنباسارى ە.كۇزەمباەۆ.

ال مونۋمەنتتىڭ اۆتورى قازاقستان كوركەمسۋرەت اكادەمياسىنىڭ اكادەميگى، تىلەۋبەردى بيناشەۆ وسى ۋاقىتقا دەيىن قازاق دالاسىنىڭ باتىرلارى، قوعام قايراتكەرلەرى، اۋليەلەرى مەن بابالارىنا ەسكەرتكىش جاساپ كەلگەنىن، ولاردىڭ ءبارى التىن قۇرساقتى انادان تۋىلعانىن اتاپ ءوتتى.

«انا مەن بالا» مونۋمەنتىنىڭ اۆتورى بولعانىما قۋانامىن. بۇل انا ءبىر اۋلەتتىڭ عانا ەمەس، بۇكىل قازاق دالاسىنىڭ اناسى»، - دەيدى ت.بيناشەۆ. مونۋمەنتتىڭ ورناتىلۋىنا دەمەۋشىلىك جاساعان پىراليەۆتەر اۋلەتى توعىز اعايىندى. بۇگىندە ءبارى الماتى قالاسىندا تۇرادى. «اعايىندار كەلىسە وتىرىپ، انانىڭ مونۋمەنتىن سالىپ، قۇرمەتىمىزدى بىلدىرەيىك دەپ شەشتىك. مۇنىڭ قوعامدىق – تاربيەلىك ءمانى زور. سەبەبى، ءاربىر ادام ەسكەرتكىشكە قاراپ، ونداعى «انا – ۇلى. انا – قىمبات. انا – قۇدىرەتتى جان!» - دەگەن جازۋدى وقىپ ويلانادى. ەڭ ءبىرىنشى بىزگە كەرەگى – تاربيە، ودان كەيىن – ءبىلىم. ءبىز بىلىمگە كەتىپ تاربيەنى ۇمىت قالدىردىق. تاربيە – بار جەردە ءبىلىم ءوزى كەلەدى»، - دەيدى پەداگوگيكا عىلىمدارىنىڭ دوكتورى، پروفەسسور سەرىك پىراليەۆ. اتالمىش شارا بارىسىندا ءسوز العان اۋدان ارداگەرلەرى «انا مەن بالا» ەسكەرتكىشى تاربيەنىڭ، تاتۋلىق پەن بەيبىتشىلىكتىڭ جانە تۋعان جەرگە دەگەن قۇرمەتتىڭ كورىنىسى ەكەنىن ايتىپ، پىراليەۆتەر اۋلەتىنە العىسىن ءبىلدىردى.

ايتا كەتەلىك، اۋداندا دەمەۋشىلەر ەسەبىنەن بوي كوتەرگەن نىساندار قاتارى سوڭعى جىلدارى ارتا تۇسكەن. مىسالى، وتكەن جىلى العاباس، رىسقۇل اۋىلدارىندا ۇلى وتان سوعىسىنا اتتانعان جاۋىنگەرلەر مەن تىل ەڭبەككەرلەرى، باتىر انالاردىڭ ەسىمدەرى جازىلعان ەسكەرتكىشتەر اشىلدى. اۋداننىڭ 90 جىلدىق مەرەيتويىنا وراي، قوعام قايراتكەرى تۇرار رىسقۇلوۆتىڭ ەسكەرتكىشى بوي كوتەردى. تۇلكىباس ستانتسياسىندا تۇڭعىش قازاق ينجەنەرى مۇحامەدجان تىنىشباەۆ پەن تۇرار رىسقۇلوۆ بەينەلەنگەن ەسكەرتكىش ورناتىلدى.

 

 

تۇركىستان وبلىسى

سوڭعى جاڭالىقتار

الماتىدا «Urban Conference» ءوتىپ جاتىر

ايماقتار • بۇگىن، 15:43

التىن وردانىڭ اق تاڭى

رۋحانيات • بۇگىن، 15:06

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار