• 25 ماۋسىم, 2013

قازاقستان رەسپۋبليكاسى سىرتقى ىستەر مينيسترلىگىنىڭ بۇيرىعى №08-1-1-1/201

401 رەت

كورسەتىلدى

25 مين

وقۋ ءۇشىن

Egemen Qazaqstan

قازاقستان رەسپۋبليكاسى سىرتقى ىستەر مينيسترلىگىنىڭ بۇيرىعى №08-1-1-1/201

سەيسەنبى, 25 ماۋسىم 2013 1:09

2013 جىلعى 23 مامىر, استانا قالاسى

قازاقستان رەسپۋبليكاسىنىڭ قۇرمەتتى (شتاتتان تىس) كونسۋلدارىنىڭ فۋنكتسيالارى مەن وكىلەتتىكتەرىن ايقىنداۋ جونىندەگى نۇسقاۋلىقتى بەكىتۋ تۋرالى

قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1118 قاۋلىسىمەن بەكىتىلگەن قازاقستان رەسپۋبليكاسىنىڭ سىرتقى ىستەر مينيسترلىگى تۋرالى ەرەجەنىڭ 16-تارماعىنىڭ 30) تارماقشاسىنا سايكەس بۇيىرامىن:
1. قازاقستان رەسپۋبليكاسىنىڭ قۇرمەتتى (شتاتتان تىس) كونسۋلدارىنىڭ فۋنكتسيالارى مەن وكىلەتتىكتەرىن ايقىنداۋ جونىندەگى نۇسقاۋلىق بەكىتىلسىن.
2. قازاقستان رەسپۋبليكاسى سىرتقى ىستەر مينيسترلىگىنىڭ 1996 جىلعى 9 جەلتوقسانداعى «قازاقستان رەسپۋبليكاسىنىڭ قۇرمەتتى (شتاتتان تىس) كونسۋلى تۋرالى» ەرەجەسىنىڭ (نورماتيۆتىك-قۇقىق اكتىلەردى مەملەكەتتىك تىركەۋ تىزىلىمىندە 1997 جىلعى 29 قاڭتارداعى № 254 تىركەلگەن) كۇشى جويىلدى دەپ تانىلسىن.
3. كونسۋلدىق قىزمەت دەپارتامەنتى وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن جانە بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.

سەيسەنبى, 25 ماۋسىم 2013 1:09

2013 جىلعى 23 مامىر, استانا قالاسى

4. وسى بۇيرىق العاشقى رەت رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

مينيستر ە.ىدىرىسوۆ.

قازاقستان رەسپۋبليكاسى سىرتقى ىستەر ءمينيسترىنىڭ
2013 جىلعى 23 مامىر № 08-1-1-1/201 بۇيرىعىمەن بەكىتىلگەن.

قازاقستان رەسپۋبليكاسىنىڭ قۇرمەتتى (شتاتتان تىس) كونسۋلدارىنىڭ فۋنكتسيالارى مەن وكىلەتتىكتەرىن ايقىنداۋ جونىندەگى نۇسقاۋلىق

1. جالپى ەرەجەلەر
1. قازاقستان رەسپۋبليكاسىنىڭ قۇرمەتتى (شتاتتان تىس) كونسۋلدارىنىڭ فۋنكتسيالارى مەن وكىلەتتىكتەرىن ايقىنداۋ بويىنشا نۇسقاۋلىق (بۇدان ءارى – نۇسقاۋلىق) قازاقستان رەسپۋبليكاسى ۇكىمەتىنىڭ 2004 جىلعى 28 قازانداعى № 1118 قاۋلىسىمەن بەكىتىلگەن قازاقستان رەسپۋبليكاسىنىڭ سىرتقى ىستەر مينيسترلىگى تۋرالى ەرەجەگە سايكەس جاسالعان جانە قازاقستان رەسپۋبليكاسىنىڭ قۇرمەتتى (شتاتتان تىس) كونسۋلدارىنىڭ قىزمەتتەرىن رەتتەۋدىڭ نەگىزگى ەرەجەلەرىن ايقىندايدى.
2. قازاقستان رەسپۋبليكاسىنىڭ قۇرمەتتى (شتاتتان تىس) كونسۋل (بۇدان ءارى – قۇرمەتتى كونسۋل) ءوزىنىڭ قىزمەتتىك فۋنكتسيالارىن ورىنداۋ كەزىندە وسى نۇسقاۋلىقتى, قازاقستان رەسپۋبليكاسىنىڭ حالىقارالىق قاتىناستار سالاسىنداعى زاڭدارىن, قازاقستان رەسپۋبليكاسى مەن بولۋ مەملەكەتى قاتىسۋشى بولىپ تابىلاتىن حالىقارالىق شارتتاردى باسشىلىققا الادى.
3. قۇرمەتتى كونسۋل ءوز قىزمەتى بويىنشا قازاقستان رەسپۋبليكاسىنىڭ سىرتقى ىستەر مينيسترلىگىنە ەسەپ بەرەدى جانە بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنىڭ باسشىلىعىمەن نەمەسە قازاقستان رەسپۋبليكاسى سىرتقى ىستەر مينيسترلىگىنىڭ تاپسىرماسى بويىنشا, قازاقستان رەسپۋبليكاسىنىڭ باسقا مەملەكەتتەگى شەت ەلدەردەگى مەكەمەسىنىڭ باسشىلىعىمەن ءوز قىزمەتتەرىن ورىندايدى.
4. وسى نۇسقاۋلىقتا مىناداي تەرميندەر جانە ۇيعارىمدار قولدانىلادى:
1) قازاقستان رەسپۋبليكاسىنىڭ قۇرمەتتى (شتاتتان تىس) كونسۋلى (بۇدان ءارى – قۇرمەتتى كونسۋل) – قازاقستان رەسپۋبليكاسى اتىنان بولۋ مەملەكەتى اۋماعىندا جەكەلەگەن كونسۋلدىق فۋنكتسيالاردى ورىنداۋ تاپسىرىلعان, شتاتتاعى كونسۋلدىق لاۋازىمدى ادام بولىپ تابىلمايتىن جانە قازاقستان رەسپۋبليكاسىنىڭ مەملەكەتتىك قىزمەتىندە جوق ادام;
2) قازاقستان رەسپۋبليكاسىنىڭ قۇرمەتتى كونسۋلدىعى (بۇدان ءارى – كونسۋلدىق مەكەمە) – قۇرمەتتى كونسۋل باسقاراتىن كونسۋلدىق مەكەمە;
3) كونسۋلدىق وكرۋگ – كونسۋلدىق فۋنكتسيالاردى ورىنداۋ ءۇشىن كونسۋلدىق مەكەمەگە بولىنگەن اۋدان;
4) كونسۋلدىق ءۇي-جايلار – مەنشىك قۇقىعى كىمدە بولماسىن, تەك كونسۋلدىق مەكەمەنىڭ ماقساتى ءۇشىن عانا پايدالانىلاتىن عيماراتتار نەمەسە عيماراتتاردىڭ ءبىر بولىگى جانە سول عيماراتقا نەمەسە عيمارات بولىگىنە قىزمەت ەتەتىن جەر ۋچاسكەسى;
5) كونسۋلدىق مۇراعاتتار – كونسۋلدىق مەكەمەنىڭ قىزمەتتىك ارەكەتىنە تيەسىلى شيفرلار مەن كودتار, كارتوتەكالار مەن كونسۋلدىق مەكەمەنىڭ ءتىزىلىمى جانە بارلىق قاعازدار, قۇجاتتار, حات-حابارلار, كىتاپتار, فيلمدەر مەن دىبىستىق جازۋ لەنتالارى جانە ولاردىڭ ساقتالۋىن نەمەسە ساقتاۋدى قامتاماسىز ەتەتىن كەز كەلگەن جابدىق بۇيىمدار;
6) كونسۋلدىق دەرەكتەمە – قازاقستان رەسپۋبليكاسىنىڭ مەملەكەتتىك تۋى, قازاقستان رەسپۋبليكاسىنىڭ ەلتاڭباسى ورنالاستىرىلعان تاقتا, قۇرمەتتى كونسۋل قولداناتىن قازاقستان رەسپۋبليكاسىنىڭ مەملەكەتتىك ەلتاڭباسى بەينەلەنگەن جانە مەملەكەتتىك تىلدە كونسۋلدىق مەكەمە اتاۋى جازىلعان ءمور, ءمورتاباندار مەن بلانكىلەر.

2. قۇرمەتتى كونسۋلدىڭ فۋنكتسيالارى مەن وكىلەتتىكتەرى
5. قۇرمەتتى كونسۋل وزىنە جۇكتەلگەن فۋنكتسيالاردى دەربەس ورىندايدى.
قازاقستان رەسپۋبليكاسىنىڭ سىرتقى ىستەر مينيسترلىگى قۇرمەتتى كونسۋلدىڭ كەلىسىمىمەن, قاجەت بولعان جاعدايدا, ول باسقاراتىن كونسۋلدىق مەكەمەگە كونسۋلدىق فۋنكتسيالاردى تولىق كولەمدە ورىنداۋ ءۇشىن قازاقستان رەسپۋبليكاسىنىڭ ديپلوماتيالىق قىزمەتكەرىن جىبەرەدى.
6. قۇرمەتتى كونسۋل ءوز فۋنكتسيالارىن ورىنداۋ كەزىندە:
ءوزى باسقاراتىن كونسۋلدىق مەكەمە عيماراتىنا قازاقستان رەسپۋبليكاسىنىڭ ەلتاڭباسى بەينەلەگەن تاقتا مەن مەملەكەتتىك تىلدە جانە بولۋ مەملەكەتىنىڭ تىلىندە كونسۋلدىق مەكەمە اتاۋى جازىلعان تاقتا ءىلىپ قويادى;
ءوزى باسقاراتىن كونسۋلدىق مەكەمەنىڭ عيماراتتارىنا, ونىڭ رەزيدەنتسياسىن قوسا العاندا, سونداي-اق ءوزى جۇرەتىن كولىككە قازاقستان رەسپۋبليكاسىنىڭ مەملەكەتتىك تۋىن ءىلىپ جۇرە الادى.
وسى تارماقتى ورىنداۋ بارىسىندا قازاقستان رەسپۋبليكاسى مەن بولۋ مەملەكەتى قاتىسۋشىلارى بولىپ تابىلاتىن حالىقارالىق شارتتار, حالىقارالىق قاتىناستار سالاسىنداعى زاڭنامالارى نازارعا الىنادى.
7. قۇرمەتتى كونسۋل ءوزىنىڭ كونسۋلدىق وكرۋگىنەن تىس جەرگە شىققانى جونىندە بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە الدىن الا حابارلايدى. ەگەر ول بولماعان جاعدايدا, قازاقستان رەسپۋبليكاسىنىڭ سىرتقى ىستەر مينيسترلىگىنە حابارلايدى.
8. قۇرمەتتى كونسۋل ءوزىنىڭ كونسۋلدىق فۋنكتسيالارىن ورىنداۋ بارىسىندا وعان باسشىلىق ەتەتىن تەك قازاقستان رەسپۋبليكاسىنىڭ شەت ەلدەردەگى مەكەمەسى ارقىلى عانا كونسۋلدىق وكرۋگتەن تىس جەكە جانە زاڭدى تۇلعالارمەن ءىس-كيمىلدى جۇزەگە اسىرادى.
9. قۇرمەتتى كونسۋل قىزمەتىنە قاتىسى جوق كونسۋلدىق فۋنكتسيالاردى اتقارۋىنا بايلانىستى ءىس قاعازدارىن جۇرگىزۋ كونسۋلدىق مەكەمە كەڭسەسىنەن بولەك جۇرگىزىلەدى, ال ولاردى بىرىكتىرۋگە نەمەسە ارالاستىرۋعا بولمايدى.
10. قۇرمەتتى كونسۋل تىركەۋ جۋرنالدارىمەن, مورتاباندارمەن جانە باسقا دا قاجەتتى كونسۋلدىق دەرەكتەمەمەن قازاقستان رەسپۋبليكاسىنىڭ سىرتقى ىستەر مينيسترلىگىمەن نەمەسە بولۋ مەملەكەتىندەگى وزىنە تىكەلەي باسشىلىق ەتەتىن قازاقتان رەسپۋبليكاسىنىڭ شەت ەلدەردەگى مەكەمەسىمەن قامتاماسىز ەتىلەدى.
قۇرمەتتى كونسۋلدىڭ قولدانىسىنداعى كونسۋلدىق دەرەكتەمە مەن كونسۋلدىق مۇراعات قازاقستان رەسپۋبليكاسىنىڭ مەملەكەتتىك مەنشىگى بولىپ تابىلادى. قۇرمەتتى كونسۋل ولاردىڭ ساقتالۋى مەن قول سۇعىلماۋشىلىعىنا ءتيىستى شارالار قابىلدايدى.
قۇرمەتتى كونسۋلعا جەتەكشىلىك ەتەتىن قازاقستان رەسپۋبليكاسىنىڭ شەت ەلدەردەگى مەكەمەسى جىلىنا ءبىر رەت قۇرمەتتى كونسۋلدىڭ قۇزىرەتىندەگى قازاقستان رەسپۋبليكاسىنىڭ مەملەكەتتىك رامىزدەرىنە, رەسمي مورلەرى مەن ءمورتاباندارىنا, سونداي-اق كونسۋلدىق مۇراعاتقا تەكسەرىس جۇرگىزەدى.
كونسۋلدىق دەرەكتەمە قۇرمەتتى كونسۋلدىڭ وكىلەتتىگى توقتاتىلعاندا, بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە, ەگەر ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنە دەرەۋ قايتارىلادى.
11. قۇرمەتتى كونسۋلدىڭ جۇمىس بابىنداعى قىزمەتىنە قاتىستى كونسۋلدىق حات-حابارلار, سونداي-اق رەسمي كىتاپتار مەن باسىلىمدار قازاقستان رەسپۋبليكاسىنىڭ شەت ەلدەردەگى مەكەمەسىمەن بەرىلگەن قازاقستان رەسپۋبليكاسىنىڭ مەنشىگى بولىپ تابىلادى.
قۇرمەتتى كونسۋلدىڭ كونسۋلدىق حات-حابارلارى قازاقستان رەسپۋبليكاسى سىرتقى ىستەر مينيسترلىگىنىڭ رۇقساتىنسىز جاريالانۋىنا نەمەسە باسقا ءۇشىنشى ادامعا بەرۋگە بولمايدى.
12. قۇرمەتتى كونسۋل ءار جىلدىڭ 31 جەلتوقسانىنا دەيىن ءوزىنىڭ كونسۋلدىق قىزمەتى جايلى جىلدىق ەسەبىن قازاقستان رەسپۋبليكاسىنىڭ شەت ەلدەردەگى مەكەمەسىنە, نەمەسە ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنە ۇسىنادى.
جىلدىق ەسەپتە كونسۋلدىق وكرۋگتە ۋاقىتشا نەمەسە تۇراقتى تۇرىپ جاتقان قازاقستان رەسپۋبليكاسى ازاماتتارىنا قاتىستى قۇرمەتتى كونسۋلدىڭ قىزمەتى جايلى مالىمەتتەر, قازاقستاننىڭ قاتىسۋىمەن قۇرىلعان ۇيىمدار مەن فيرمالار, كونسۋلدىق وكرۋگكە كەلىپ كەتكەن قازاقستان رەسپۋبليكاسىنىڭ اۋە جانە تەڭىز كەمەلەرىنىڭ ەكيپاجدارى تۋرالى, جۇزەگە اسىرىلعان كونسۋلدىق ءىس-قيمىلدار تۋرالى اقپارات, بولۋ مەملەكەتىنىڭ كونسۋلدىق قىزمەتكە قاتىستى جاڭا زاڭنامالىق اكتىلەرى تۋرالى, يميدجدىك جوبالاردىڭ جۇزەگە اسىرىلۋى, سونداي-اق كونسۋلدىق وكرۋگتىڭ ساۋدا, ەكونوميكا جانە مادەني ومىرىندەگى نەگىزگى وقيعالارى تۋرالى باياندالادى.
13. قۇرمەتتى كونسۋل ءوز وكىلەتتىك شەگىندە قازاقستان رەسپۋبليكاسىنىڭ ازاماتتارى مەن زاڭدى تۇلعالارىنا قاتىستى:
1) وزىنە باسشىلىق ەتەتىن قازاقستان رەسپۋبليكاسىنىڭ شەت ەلدەردەگى مەكەمەسىمەن ءوزارا ءىس-قيمىل جاساي وتىرىپ, ءوزىنىڭ كونسۋلدىق ايماعىنداعى قازاقستان رەسپۋبليكاسىنىڭ ازاماتتارى مەن زاڭدى تۇلعالارى بولۋ مەملەكەتى مەن قازاقستان رەسپۋبليكاسىنىڭ زاڭناماسىمەن, قازاقستان رەسپۋبليكاسى جانە بولۋ مەملەكەتى قاتىسۋشىسى بولىپ تابىلاتىن حالىقارالىق شارتتارمەن بەرىلەتىن بارلىق قۇقىقتاردى تولىق پايدالانۋى ءۇشىن شارالار قابىلدايدى جانە وعان قاجەتتى كومەك كورسەتەدى;
2) ءوزىنىڭ كونسۋلدىق وكرۋگىندە تۇراقتى تۇراتىن جانە ۋاقىتشا كەلگەن قازاقستان رەسپۋبليكاسىنىڭ ازاماتتارىنا بولۋ مەملەكەتىنىڭ زاڭناماسى جونىندە جانە جەرگىلىكتى سالت-داستۇرلەرى تۋرالى حاباردار ەتەدى;
3) توتەنشە جاعدايلار تۋىنداعاندا قازاقستان رەسپۋبليكاسىنىڭ شەت ەلدەردەگى مەكەمەسىمەن بىرلەسە وتىرىپ, فورس-ماجور جاعدايىنا تۇسكەن قازاقستان رەسپۋبليكاسىنىڭ ازاماتتارىنا بارىنشا كومەك كورسەتەدى جانە ولارعا ماتەريالدىق, قارجىلىق جانە باسقا دا شىعىندارىنا بولۋ مەملەكەتىنىڭ مەملەكەتتىك ورگاندارىنىڭ وتەماقى تولەۋىنە كومەكتەسەدى, ولاردىڭ قازاقستان رەسپۋبليكاسىنا ورالۋىنا جاردەمدەسەدى;
4) ءوزىنىڭ كونسۋلدىق وكرۋگىندە تۇراقتى نەمەسە ۋاقىتشا تۇراتىن, حابار-وشارسىز جوعالىپ كەتكەن قازاقستان رەسپۋبليكاسىنىڭ ازاماتتارىن ىزدەستىرۋگە جاردەمدەسۋ ءۇشىن بولۋ مەملەكەتىنىڭ قۇزىرەتتى ورگاندارىنا ءوتىنىش جاسايدى;
5) قازاقستان رەسپۋبليكاسى ازاماتتارىنىڭ تۇتقىنعا الىنۋ, ۇستالۋ نەمەسە باسقا دا نىساندا باس بوستاندىعىنان ايىرىلۋى جاعدايىندا قۇرمەتتى كونسۋل دەرەۋ بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە حابارلايدى, ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنە حاباردار ەتىپ, ولاردان تۇسكەن نۇسقاۋلار بويىنشا ارەكەت ەتەدى;
6) قازاقستان رەسپۋبليكاسىنىڭ شەت ەلدەردەگى مەكەمەسىمەن, ەگەر ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىمەن كەلىسە وتىرىپ, قاماۋعا الىنعان نەمەسە قىلمىس جاسادى دەگەن كۇدىكپەن ۇستالعان نەمەسە قازاقستان رەسپۋبليكاسى ازاماتىنىڭ بوستاندىعىن شەكتەيتىن قانداي دا ءبىر شارالارعا تارتىلعان, باس بوستاندىعىنان ايىرۋ تۇرىندە جازاسىن وتەپ جاتقان, سول سەكىلدى باسقا دا سوتتىق نەمەسە اكىمشىلىك ىقپال ەتۋ شارالارى قولدانىلعان قازاقستان رەسپۋبليكاسىنىڭ ازاماتىنا قاتىستى بولۋ مەملەكەتى زاڭناماسىن جانە قازاقستان رەسپۋبليكاسى مەن بولۋ مەملەكەتى قاتىسۋشى بولىپ تابىلاتىن حالىقارالىق شارتتار ەرەجەلەرىنىڭ ساقتالۋىن قاداعالاپ وتىرادى;
7) قازاقستان رەسپۋبليكاسىنىڭ جانە بولۋ مەملەكەتىنىڭ زاڭناماسىنىڭ, سونداي-اق قازاقستان رەسپۋبليكاسى مەن بولۋ مەملەكەتى قاتىسۋشى بولىپ تابىلاتىن حالىقارالىق شارتتاردىڭ تالاپتارىن ساقتاي وتىرىپ, قازاقستان رەسپۋبليكاسىنىڭ سوتتالعان ازاماتتارىنىڭ جازاسىن جەڭىلدەتۋگە, جازاسىن ودان ءارى قازاقستان رەسپۋبليكاسىندا وتەۋگە اۋىستىرۋ ءۇشىن شارالار قولدانادى.
14. قۇرمەتتى كونسۋل ءوز وكىلەتتىك شەگىندە اقپاراتتىق-يميدجدىك قىزمەتىندە:
1) بولۋ مەملەكەتىنىڭ ساياسي تۇراقتى جاعدايى تۇرعىسىنان قازاقستانداعى ساياسي جانە ەكونوميكالىق جاڭعىرتۋ ۇدەرىستەرىن دۇرىس باعالاۋدى قامتاماسىز ەتۋگە جاردەمدەسەدى, قازاقستاننىڭ وڭ ءيميدجىن قالىپتاستىرۋعا, ىلگەرىلەتۋگە, ونىڭ ءرولى مەن بەدەلىن كوتەرۋگە كومەكتەسەدى, ونىڭ جەتىستىكتەرىن بولۋ مەملەكەتىندەگى ءتۇرلى سالالاردا ناسيحاتتايدى;
2) بولۋ مەملەكەتىندەگى جەتەكشى ورتالىق جانە وڭىرلىك بۇقارالىق اقپارات قۇرالدارىندا قازاقستان تۋرالى وڭ جاريالانىمداردىڭ شىعۋىن قامتاماسىز ەتەدى;
3) قازاقستان رەسپۋبليكاسىنىڭ شەت ەلدەردەگى مەكەمەسىنىڭ نەمەسە قازاقستان رەسپۋبليكاسىنىڭ سىرتقى ىستەر مينيسترلىگىنىڭ تاپسىرماسى بويىنشا قازاقستان رەسپۋبليكاسى تۋرالى اقپاراتتىق يميدجدىك سايتتار جاسايدى جانە ولاردى مازمۇندىق جاعىنان تولىقتىرۋعا جانە تەحنيكالىق قولداۋ كورسەتۋگە قاتىستى شارالار قابىلدايدى;
4) ءوزىنىڭ كونسۋلدىق وكرۋگىندەگى وتانداستار مەن قازاقستان رەسپۋبليكاسىنىڭ ازاماتتارىنا ارنالعان مادەني-اعارتۋ ءىس-شارالارىن وتكىزۋگە جاردەمدەسەدى.
15. قۇرمەتتى كونسۋل ءوز وكىلەتتىك شەگىندە ساۋدا-ەكونوميكالىق ىنتىماقتاستىققا قاتىستى:
1) شەتەل كاپيتالىن, وزىق تەحنولوگيالاردى جانە نوۋ-حاۋلاردى قازاقستانعا بەلسەندى تۇردە تارتۋعا جاردەمدەسەدى. بولۋ مەملەكەتىندەگى الەۋەتتى ارىپتەستەردى قازاقستاننىڭ سىرتقى ەكونوميكالىق قىزمەتىنىڭ نەگىزگى ۇستانىمدارىمەن, ينۆەستيتسيالىق احۋالىمەن, سالىق جانە كەدەندىك ساياساتىمەن, ينۆەستيتسيالىق جوبالار مەن ونەركاسىپتىك جانە ينۆەستيتسيالىق ىنتىماقتاستىقتىڭ تەحنيكالىق-ەكونوميكالىق پارامەترلەرىمەن كەڭىنەن تانىستىرۋعا كومەكتەسەدى;
2) قازاقستان ەكسپورتىن ىلگەرىلەتۋگە كومەكتەسەدى, ۇكىمەتارالىق كوميسسيالاردى, iسكەر كەڭەستەردى, فورۋمداردى, كونفەرەنتسيالاردى, بيزنەس-قوعامداستىق وكiلدەرiنىڭ كەزدەسۋلەرىن ۇيىمداستىرۋعا جانە وتكىزۋگە قاتىسادى;
3) قازاقستاننىڭ تۋريستىك مۇمكىندىكتەرىن بولۋ ەلىندە كەڭىنەن ناسيحاتتاۋعا جانە شەتەل تۋريستەرىنىڭ ۇلكەن لەگىن تارتۋعا, سونداي-اق قازاقستاننىڭ تۋريستىك وڭ ءيميدجىن قالىپتاستىرۋعا جاردەمدەسەدى. قازاقستاننىڭ حالىقارالىق تۋريستىك كورمەلەرگە تابىستى قاتىسۋىنا كومەكتەسىپ, بولۋ مەملەكەتىندەگى بەلگىلى بۇقارالىق اقپارات قۇرالدارى وكىلدەرىنە قازاقستاننىڭ تۋريستىك مۇمكىندىگى تۋرالى جارنامالىق-اقپاراتتىق ماتەريالداردى تاراتۋ ءۇشىن اقپاراتتىق تۋرلار ۇيىمداستىرادى.
16. قۇرمەتتى كونسۋل ءوز وكىلەتتىك شەگىندە مادەني-گۋمانيتارلىق جانە عىلىمي-تەحنيكالىق ىنتىماقتاستىققا قاتىستى:
1) ءوزارا مادەنيەت كۇندەرىن وتكىزۋگە, ستۋدەنتتەر مەن عىلىمي كادرلاردىڭ الماسۋىنا, قازاقستانعا بەلگىلى ءبىلىم بەرۋ ورتالىقتارى مەن وقۋ ورىندارىنا وقىتۋشىلاردى تارتۋعا, قازاقستاندا ولاردىڭ فيليالدارىن اشۋعا جاردەمدەسەدى;
2) ءوزىنىڭ كونسۋلدىق وكرۋگىندە ورنالاسقان وقۋ ورىندارىندا وقيتىن قازاقستاندىق ستۋدەنتتەرمەن تۇراقتى قاتىناس جاسايدى, ولارمەن بايلانىستا بولىپ, قاجەت جاعدايدا ولارعا قولداۋ جانە ءتيىستى كومەك كورسەتەدى.
17. قۇرمەتتى كونسۋل ءوز وكىلەتتىك شەگىندە ۆيزالىق رەجيمنىڭ جەڭىلدەتىلۋىنە قاتىستى:
1) قازاقستان رەسپۋبليكاسىنىڭ ازاماتتارى ءۇشىن قاجەت بولعان جاعدايدا ۆيزالىق ءتارتىپتى جەڭىلدەتۋگە, ۆيزا الۋعا كەتەتىن ۋاقىت پەن تالاپ ەتىلەتىن قۇجاتتاردى ازايتۋعا كومەكتەسەدى;
2) كونسۋلدىق وكرۋگتە ورنالاسقان مۇددەلى مەكەمەلەردى قازاقستاندا جۇرگىزىلىپ وتىرعان ۆيزالىق ساياسات پەن شەت ەل ازاماتتارىنىڭ ۆيزا الۋىنا قاتىستى جەڭىلدىكتەر جاساۋدىڭ قادامدارى تۋرالى اقپاراتتاندىرادى.
18. قۇرمەتتى كونسۋل ءوز وكىلەتتىك شەگىندە قازاقستان رەسپۋبليكاسىنىڭ اۋە جانە تەڭىز كەمەلەرىنە قاتىستى:
1) قازاقستان رەسپۋبليكاسىنىڭ سىرتقى ىستەر مينيسترلىگىمەن, قازاقستان رەسپۋبليكاسىنىڭ شەت ەلدەردەگى مەكەمەسىمەن ءوزارا ءىس-قيمىل جاساي وتىرىپ, كونسۋلدىق وكرۋگ شەگىندە قازاقستان رەسپۋبليكاسىنىڭ بولۋ مەملەكەتىندەگى ءتيىستى كەمەجايلارىنداعى, اۋماقتىق جانە ىشكى سۋلارىنداعى, اۋەجايلارىمەن باسقا دا پۋنكتتەرىندەگى قازاقستان رەسپۋبليكاسىنىڭ تەڭىز جانە اۋە كەمەلەرىنە كونسۋلدىق قورعاۋ مەن كومەك كورسەتەدى. قازاقستاندىق كەمەلەرگە بولۋ مەملەكەتىندەگى زاڭنامالارعا جانە بولۋ مەملەكەتى مەن قازاقستان رەسپۋبليكاسى قاتىسۋشىلارى بولىپ تابىلاتىن حالىقارالىق شارتتارعا سايكەس, قۇقىقتار مەن يممۋنيتەتتەردىڭ تولىق كولەمدە بەرىلۋىن باقىلايدى;
2) قازاقستان رەسپۋبليكاسى كەمەلەرىنىڭ كاپيتاندارى مەن كومانديرلەرىنە جانە ەكيپاجدىڭ بارلىق مۇشەلەرىنە جەرگىلىكتى جەردىڭ تازالىق جاعدايى, اۋەجاي جانە ايلاق ەرەجەلەرى, بولۋ مەملەكەتىنىڭ ۇلتتىق زاڭناماسى مەن جەرگىلىكتى داستۇرلەرىن ورىنداۋعا مىندەتتى نەمەسە ونى باسشىلىققا الۋ كەرەكتىگىن, سونداي-اق جەرگىلىكتى بيلىكپەن بايلانىسقا تۇسكەن كەزىندە قاجەتتى باسقا دا ءبىلۋ قاجەت بولاتىن مالىمەتتەرمەن حاباردار ەتەدى;
3) قاجەت بولعان جاعدايدا قازاقستان رەسپۋبليكاسى كەمەلەرىنىڭ كاپيتاندارى مەن كومانديرلەرىن بولۋ مەملەكەتىنىڭ لاۋازىمدى ادامدارىمەن كەزدەسۋلەرى كەزىندە بىرگە الىپ جۇرەدى;
4) قازاقستان رەسپۋبليكاسى كەمەلەرىنىڭ كاپيتاندارى مەن كومانديرلەرىنە بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىمەن بايلانىس ورناتۋىنا كومەك كورسەتەدى;
5) قازاقستان رەسپۋبليكاسىنىڭ شەت ەلدەردەگى مەكەمەسىمەن, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنىڭ كەلىسىمىمەن قۇرمەتتى كونسۋل قازاقستان رەسپۋبليكاسى كەمەلەرىنىڭ كاپيتاندارىنان ءجۇزۋ جاعدايلارى تۋرالى اقپارات الادى;
6) قازاقستان رەسپۋبليكاسىنىڭ شەت ەلدەردەگى مەكەمەسىمەن, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنىڭ تاپسىرماسى بويىنشا كەمە رولدەرىندە كەمە ەكيپاجى قۇرامىنداعى وزگەرىستەر تۋرالى بەلگى سوعا الادى;
7) بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنىڭ, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنىڭ كەلىسىمىمەن قازاقستان رەسپۋبليكاسىنىڭ تەڭىز جانە اۋە كەمەلەرىنىڭ مۇشەلەرى مەن جولاۋشىلارىن ەمدەۋ جانە قازاقستان رەسپۋبليكاسىنا قايتارۋ جۇمىستارىن ۇيىمداستىرادى;
8) قازاقستان رەسپۋبليكاسىنىڭ ازاماتى, ياعني ەكيپاج مۇشەسى, نە جولاۋشىسى قايتىس بولعان جاعدايدا, قازاقستان رەسپۋبليكاسىنىڭ شەت ەلدەردەگى مەكەمەسىمەن, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنىڭ كەلىسىمى بويىنشا مۇردەنى, ونىڭ قۇجاتتارى مەن جەكە مەنشىك زاتتارىن قازاقستان رەسپۋبليكاسىنا قايتارۋ شارالارىن قولعا الادى;
9) قازاقستان رەسپۋبليكاسىنىڭ كەمەلەرى اپاتقا ۇشىراعان جاعدايدا بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنە دەرەۋ حابارلاپ, جولاۋشىلار مەن ەكيپاجدى, كەمە مەن جۇكتەردى قۇتقارۋعا بايلانىستى وزىنە تيەسىلى بارلىق شارالاردى قولدانادى;
10) قازاقستان رەسپۋبليكاسى كەمەلەرىنىڭ كاپيتاندارى مەن كومانديرلەرىنە زارداپ شەككەندەرگە قاجەتتى دارىگەرلىك كومەك كورسەتۋ جانە ەلگە قايتارۋ جۇمىستارىن ۇيىمداستىرۋعا جاردەم بەرىپ, تەڭىز قىزمەتتەرىنا قاتىستى نارازىلىق اكتىسى مەن باسقا دا قۇجاتتاردى راسىمدەۋگە كومەكتەسەدى;
11) ەگەر قۇرمەتتى كونسۋلدىڭ قولىنداعى مالىمەت بويىنشا قانداي دا ءبىر كەمەجايعا توقتاۋ قاۋىپتى, نە مۇمكىن بولماسا, بۇل تۋرالى قازاقستان رەسپۋبليكاسى كەمەلەرىنىڭ كاپيتاندارى مەن كومانديرلەرىن ەسكەرتەدى;
12) قازاقستان رەسپۋبليكاسى كەمەلەرى كاپيتاندارى نەمەسە كومانديرلەرى, ەكيپاج مۇشەلەرى مەن بولۋ مەملەكەتىنىڭ كەمەجايى جانە ۇيىمدارى مەن فيرمالارى, پوليتسيا, كەدەن, وزگە دە جەرگىلىكتى ورگاندارى اراسىندا تۋىنداۋى مۇمكىن داۋلاردى شەشۋگە كومەكتەسەدى;
13) قازاقستان رەسپۋبليكاسىنىڭ كەمەلەرىنە قاتىستى ءارتۇرلى قۇجاتتار قابىلداپ, ول جونىندە بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنە حابارلايدى;
14) قازاقستان رەسپۋبليكاسى كەمەلەرىنىڭ ەكيپاج مۇشەلەرى ءۇشىن دەمالىس, مادەني-سپورتتىق ءىس-شارالار ۇيىمداستىرۋعا جانە وتكىزۋگە كومەك كورسەتەدى.
19. اۆتوموبيل, تەمىر جول جانە وزەن فلوتى كەمەلەرىنە قاتىستى قىزمەتىن ورىنداۋ بارىسىندا قۇرمەتتى كونسۋل وسى نۇسقاۋلىقتىڭ 18-تارماعىندا كورسەتىلگەن نۇسقاۋلاردى باسشىلىققا الادى.
20. قۇرمەتتى كونسۋل ءوز وكىلەتتىك شەگىندە سانيتارلىق قورعاۋ بويىنشا:
1) اۋماعىندا كارانتيندىك جانە باسقا دا جۇقپالى اۋرۋ تاراعان جاعدايدا دەرەۋ قازاقستان رەسپۋبليكاسىنىڭ سىرتقى ىستەر مينيسترلىگىنە, بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە اۋرۋ تاراعان اۋدان اتاۋىن, جەرگىلىكتى بيلىك تاراپىنان قولعا الىنعان ىندەتكە قارسى شارالار مەن اۋرۋ جۇقتىرۋ جاعدايلارىنىڭ سانىن مالىمدەيدى;
2) قازاقستان رەسپۋبليكاسىنا بارۋعا رۇقسات العان ادامداردى قازاقستان رەسپۋبليكاسىنا كىرۋ كەزىندە ەگۋ تۋرالى حالىقارالىق سەرتيفيكاتتارى مەن باسقا دا ءتيىستى قۇجاتتاردىڭ كورسەتىلۋ مىندەتتىلىگىمەن حاباردار ەتەدى;
3) بولۋ مەملەكەتىنىڭ بيلىگى ەپيدەميا تۋرالى مەملەكەت كولەمىندە رەسمي حابارلاعان جاعدايدا, ءوزىنىڭ كونسۋلدىق وكرۋگى بويىنشا اۋرۋ جۇقتىرعان جانە كارانتيندىك تەكسەرۋدەن ءوتىپ جاتقان قازاقستان رەسپۋبليكاسى ازاماتتارىنىڭ ءتىزىمىن جاساۋ شارالارىنا كىرىسىپ, بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىندەگى قىزمەتكەرلەرگە قازاقستان رەسپۋبليكاسى ازاماتتارىن باكتەريولوگيالىق جەكە قورعانىس قۇرالدارىمەن جانە ءتيىستى دارىگەرلىك كومەكپەن قامتاماسىز ەتۋلەرىنە ىقپالىن تيگىزەدى.
21. قۇرمەتتى كونسۋل ءوز وكىلەتتىك شەگىندە فيتوسانيتارلىق جانە ۆەتەرينارلىق قورعاۋ بويىنشا:
1) كونسۋلدىق وكرۋگ شەگىندە ادامدار مەن جانۋارلارعا بىردەي قاۋىپتى اۋىلشارۋاشىلىق وسىمدىكتەرىنىڭ زيانكەستەرى كوبەيىپ, سونداي-اق ءۇي جانۋارلارى مەن قۇستاردىڭ جاپپاي اۋىرۋى ورىن العان جاعدايدا, قازاقستان رەسپۋبليكاسىنىڭ سىرتقى ىستەر مينيسترلىگىنە, بولۋ مەملەكەتىندەگى قازاقستان رەسپۋبليكاسىنىڭ شەت ەلدەردەگى مەكەمەسىنە دەرەۋ حابارلايدى;
2) قازاقستان رەسپۋبليكاسىنا بارۋعا رۇقسات العان ادامداردى قازاقستان رەسپۋبليكاسىنا كىرۋ كەزىندە جانۋارلاردىڭ, شيكىزاتتاردىڭ جانە مال ونىمدەرىنىڭ ۆەتەرينارلىق سەرتيفيكاتتارى مەن تۇقىمدىق ونىمدەردى, وسىمدىكتەردى, كوشەتتەردى جانە جاڭا پىسكەن ونىمدەر مەن كوكونىستەردى الىپ كىرۋ ەرەجەلەرىن كورسەتۋ مىندەتتىلىگىمەن حاباردار ەتەدى.

3. قۇرمەتتى كونسۋلدى تاعايىنداۋ جانە ونىڭ قىزمەتىن توقتاتۋ
22. قۇرمەتتى كونسۋلدىققا قاجەتتى ىسكەرلىك جانە ادامگەرشىلىك قاسيەتتەرگە يە, قوعامدا وزىندىك جوعارى ورنى بار بولۋ مەملەكەتىنىڭ ازاماتى, قازاقستان رەسپۋبليكاسىنىڭ ازاماتى نەمەسە باسقا مەملەكەتتىڭ ازاماتى تاعايىندالادى.
قۇرمەتتى كونسۋل ءبىر ۋاقىتتا باسقا مەملەكەتتىڭ قۇرمەتتى كونسۋلى بولا المايدى.
23. قازاقستان رەسپۋبليكاسىنىڭ شەت ەلدەگى مەكەمەسىنىڭ ۇسىنىس نەگىزىندە قۇرمەتتى كونسۋل بولۋ مەملەكەتىنىڭ كەلىسىمى بويىنشا قازاقستان رەسپۋبليكاسىنىڭ سىرتقى ىستەر مينيسترىمەن نەمەسە ونىڭ مىندەتىن اتقاراتىن اداممەن تاعايىندالادى جانە مىندەتتەرىنەن بوساتىلادى.
قۇرمەتتى كونسۋل ءوز فۋنكتسيالارىن ودان ءارى ۇزارتۋ مۇمكىندىگىمەن ەكى جىلعا تاعايىندالادى.
بولۋ مەملەكەتىمەن قۇرمەتتى كونسۋلدى تاعايىنداۋعا بايلانىستى ماسەلەلەردى كەلىسۋ ديپلوماتيالىق ارنالار ارقىلى جۇرگىزىلەدى.
24. قازاقستان رەسپۋبليكاسىنىڭ سىرتقى ىستەر مينيسترلىگى قۇرمەتتى كونسۋلعا ونىڭ وكىلەتتىكتەرىن كۋالاندىراتىن, اتى-ءجونى, ازاماتتىعى, وعان تيەسىلى ساناتى نەمەسە سىنىبى, كونسۋلدىق وكرۋگى مەن كونسۋلدىق مەكەمەنىڭ ورنالاسقان جەرى كورسەتىلگەن پاتەنت بەرەدى.
قۇرمەتتى كونسۋلدىڭ كونسۋلدىق پاتەنتىنە قازاقستان رەسپۋبليكاسىنىڭ سىرتقى ىستەر ءمينيسترى نەمەسە ونىڭ مىندەتىن اتقارۋشى قول قويادى.
25. قۇرمەتتى كونسۋل بولۋ مەملەكەتىنىڭ كەلىسىمىن (ەكزەكۆاتۋرانى) العاننان كەيىن ءوزىنىڭ فۋنكتسيالارىن ورىنداۋعا كىرىسەدى.
ەكزەكۆاتۋرانىڭ نەمەسە ونىڭ ورنىنا جۇرەتىن قۇجاتتىڭ قۇرمەتتى كونسۋلعا بەرىلگەن ۋاقىتتى قازاقستان رەسپۋبليكاسىنىڭ سىرتقى ىستەر مينيسترلىگىنە قازاقستان رەسپۋبليكاسىنىڭ شەت ەلدەردەگى مەكەمەسى حابارلايدى.
26. قۇرمەتتى كونسۋلدىڭ فۋنكتسيالارى مەن وكىلەتتىكتەرى:
1) قۇرمەتتى كونسۋلدىڭ وكىلەتتىگى توقتاتىلاتىندىعى جانە پاتەنتى جويىلعاندىعى تۋرالى قازاقستان رەسپۋبليكاسىنىڭ سىرتقى ىستەر مينيسترلىگىنەن بولۋ مەملەكەتىنە حابارلاما بەرىلگەن كەزدە;
2) بولۋ مەملەكەتى قازاقستان رەسپۋبليكاسىنىڭ سىرتقى ىستەر مينيسترلىگىنە ونى قۇرمەتتى كونسۋل رەتىندە سانامايتىندىعى جانە ونىڭ ەكزەكۆاتۋراسى جويىلعانى تۋرالى حاباردار ەتكەن كەزدە;
3) قازاقستان رەسپۋبليكاسىنىڭ سىرتقى ىستەر مينيسترلىگىنە ديپلوماتيالىق ارنالار ارقىلى جىبەرگەن, سەبەپتەرى نەگىزدەلگەن, قۇرمەتتى كونسۋلدىڭ جەكە ءوتىنىشى بويىنشا;
4) كونسۋلدىق پاتەنتتىڭ مەرزىمىنىڭ اياقتالعان كۇنىنەن باستاپ توقتاتىلادى.
قازاقستان رەسپۋبليكاسىنىڭ سىرتقى ىستەر مينيسترلىگى نەمەسە ونىڭ تاپسىرماسى بويىنشا قازاقستان رەسپۋبليكاسىنىڭ شەت ەلدەردەگى مەكەمەسى بولۋ مەملەكەتىن قۇرمەتتى كونسۋلدىڭ اتقاراتىن قىزمەتىنىڭ توقتاتىلعاندىعى تۋرالى حاباردار ەتەدى.
27. قىزمەتكە تاعايىندالعاندا جانە ودان بوساتىلعاندا قۇرمەتتى كونسۋل كونسۋلدىق دەرەكتەمەنى, كونسۋلدىق مۇراعاتتى اكت بويىنشا بولۋ مەملەكەتىندەگى وعان تىكەلەي باسشىلىق جاسايتىن قازاقستان رەسپۋبليكاسىنىڭ شەت ەلدەردەگى مەكەمەسىنەن, ال ول بولماعان جاعدايدا قازاقستان رەسپۋبليكاسىنىڭ سىرتقى ىستەر مينيسترلىگىنەن قابىلدايدى جانە وعان تاپسىرادى.

بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 11 ماۋسىمدا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8508 بولىپ ەنگىزىلدى.