رۋحانيات • 20 قاراشا، 2019

تۇركىستان: جىر جاتتاعان وقۋشى ميلليون تەڭگە ۇتتى

68 رەتكورسەتىلدى

تۇركىستاندا جاس جىرشىلاردىڭ العىرلىعى مەن بىلىمدىلىگىن انىقتايتىن «جاقسىلار، داستان ايتايىن...» بايقاۋى ءوتتى. ەلباسى ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا وتكەن بايقاۋدىڭ ماقساتى – بالالار اراسىندا كىتاپ وقۋدى جانە قازاق حالقىنىڭ باتىرلىق ەپوستارىن ناسيحاتتاۋ، قازاق حالقىنىڭ رۋحاني اسىل مۇراسىنا دەگەن سۇيىسپەنشىلىككە جانە پاتريوتيزمگە تاربيەلەۋ، ەلدىك پەن ەرلىك رۋحىن، نامىسقوي، قايسارلىق قاسيەتتەرگە باۋلۋ.  

بايقاۋ تۇركىستان وبلىستىق قوعامدىق دامۋ باسقارماسىنىڭ قولداۋىمەن، "وڭتۇستىك قازاقستان" گازەتىنىڭ ۇيىمداستىرۋىمەن ءۇشىنشى رەت ءوتىپ وتىر. اشىلۋ سالتاناتىندا ءسوز العان وبلىس اكىمىنىڭ ورىنباسارى ساكەن قالقامانوۆ بۇل ءىس-شارانىڭ رۋحانيات ءۇشىن اسا ماڭىزدى جوبا ەكەندىگىن ايتىپ، قاتىسۋشىلارعا ساتتىلىك تىلەدى.

الدىڭعى جىلدارى وقۋشىلار «قامبار باتىر»، «الپامىس باتىر» جىرلارىن جاتقا ايتۋدان سىنعا تۇسسە، بيىلعى بايقاۋ «قوبىلاندى باتىر» جىرىنا ارنالدى. بايقاۋدىڭ العاشقى كەزەڭىندە باتىرلار جىرىن جاتقا ايتۋدان سۇرىنبەي وتكەن ۇمىتكەرلەر ەكىنشى كەزەڭدە ادەبيەت، رۋحانيات تاقىرىبى بويىنشا سۇراقتارعا جاۋاپ بەرىپ، باق سىنادى. ەكى كەزەڭدە دە ەڭ جوعارى ۇپاي جيناعان تالانتتار شەشۋشى سىندا «قوبىلاندى باتىر» جىرىنداعى كونەرگەن سوزدەردىڭ ماعىناسىن اشۋ بويىنشا قازىلاردىڭ سۇراقتارىنا جاۋاپ بەردى. ءسويتىپ، بارماقتاي باق پەن تاۋداي تالاپ باسەكەگە تۇسكەن بايقاۋدا شىن جۇيرىكتەر تورگە شىقتى.

تۇركىستان وبلىسىنىڭ 16 اۋدان، قالاسىنان ىرىكتەلگەن 47 جىرسۇيەر بالا «قوبىلاندى باتىر» جىرىن باستان-اياق، تولىق جاتقا ايتۋدان سايىسقا تۇسكەن بايقاۋدا سوزاق اۋدانىنىڭ تۋماسى وسەر تۇران ءبىرىنشى ورىنعا يە بولدى. جەڭىمپازعا 1 ملن تەڭگە جانە ونى دايىنداعان ۇستازى اسىلزات امەتوۆاعا  2 ملن تەڭگە قارجىلاي سىيلىق سەرتيفيكاتىن وبلىس اكىمىنىڭ ورىنباسارى س.قالقامانوۆ پەن «وڭتۇستىك قازاقستان» گازەتىنىڭ باس رەداكتورى اباي بالاجان تابىس ەتتى. ەكىنشى ورىندى يەلەنگەن سوزاق اۋدانىنىڭ ۇمىتكەرى ءرابيا شالتايعا 600 مىڭ تەڭگە، ۇستازى جازيرا سانكىباەۆاعا 1 ملن 200 مىڭ تەڭگە بەرىلدى. جۇلدەلى ءۇشىنشى ورىن يەگەرى تولەبي اۋدانىنان قاتىسقان نۇرسۇلتان تۇرماحانعا 300 مىڭ تەڭگە، ۇستازى ءلاززات ساندىباەۆاعا 600 مىڭ تەڭگە اقشالاي سىياقى تابىستالدى.

ايتا كەتەلىك، بۇل بايقاۋ ەڭ العاش رەت 2017 جىلى ۇيىمداستىرىلىپ، سودان بەرى رەسپۋبليكا كولەمىندە كەڭىنەن قولداۋ تاۋىپ، وڭىرلەردە وتكىزىلىپ كەلەدى.

 

تۇركىستان وبلىسى

 

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار