قىسقى سپورت • 20 قاراشا، 2019

شىمبۇلاق شاڭعى ماۋسىمىن اشتى

21 رەتكورسەتىلدى

قىستىڭ كوركى – سىرعاناق. قىسى قاتتى قىسپاققا المايتىن الماتىلىقتار ءۇشىن بۇل يگىلىكتىڭ ورنى تىپتەن ەرەكشە. بىرەر جىل بۇرىن قالا كۇنى قارساڭىندا جۇرگىزىلگەن ساۋالداما ناتيجەسىندە شىمبۇلاق اسەم الماتىنىڭ جەتى كەرەمەتىنىڭ بىرىنە بالانعانىن بىلەمىز. شاھاردىڭ تۋريستىك الەۋەتىن تانىتىپ، قوناقتارىن قۇشاق جايا قارسى الاتىن كەشەن بيىل العاشقىلاردىڭ ءبىرى بولىپ شاڭعى ماۋسىمىن اشتى.

كۇرەڭ كۇزدى ۇزاتىپ سالىپ، قىس ماۋسىمى باستالار تۇستا الاتاۋدان ەسكەن سالقىن سامالمەن تىنىستاپ، شاڭعى تەبۋ ءۇشىن الماتىعا اسىعاتىن شەتەلدىكتەردىڭ ىشىندە رەسەي مەن قىتايدان كەلەتىن تۋريس­تەر كوش باسىندا تۇر. ال كونە شاھاردىڭ كوركىنە كوزايىم بولىپ، قىسقى دەمالىسىن ال­­ماتىعا تاڭاتىنداردىڭ ارا­­سىندا كورشىلەس قوس مەملەكەتتەن كەيىن وڭتۇستىككورەيا­لىقتاردىڭ ۇلەس سالماعى باسىم كورىنەدى. قىسى-جازى شىڭىنان قار كەتپەيتىن تاريحي دەمالىس ورنى بۇل ماۋ­سىمدا جاڭا تىنىس العان دەرسىز. نەگە دەسەڭىز، مۇن­دا­عى بارلىق جابدىق تۇتاستاي جاڭارتىلىپ، تاۋ شاڭ­عىسىنىڭ سانى ءۇش مىڭ­عا دەيىن كو­بەي­گەن. بۇل تۋرالى قالا اكى­مى با­قىتجان ساعىن­تاەۆ ءوزى­نىڭ الەۋمەتتىك جەلى­دەگى پاراقشاسىنا جازدى.

«شىمبۇلاقتا تاعى ءبىر شاڭعى ماۋسىمىن اشتىق. بيىل مۇنداعى جالعا بەرىلەتىن ايماق ەكى ەسەگە ارتتى. كۇر­دەلىلىگى ءتۇرلى دەڭگەيدەگى 25 شاقىرىم تراسسا دايىندالدى. وتكەن جىلى مۇندا شامامەن 682 مىڭ ادام كەلگەن. ونىڭ 220 مىڭى شاڭ­عىشىلار. كەلۋشىلەردىڭ جىل سايىن 15 پايىزعا ءوسۋى تۋريستەرگە كور­سەتىلەتىن قىز­مەت ساپا­سىنىڭ ارتقانىن اڭ­عارتادى. 65 جىلدىعىن اتاپ وتكەلى وتىرعان تاۋ كۋرورتى شەت­ەلدىك تۋريس­تەر ءۇشىن، اسى­­رەسە رەسەي، قىتاي جانە وڭتۇستىك كورەيا ەلدەرىنە تانىمال دەمالىس ورنىنا اينالدى»، دەلىنگەن قالا اكىمىنىڭ جازباسىندا.

شىمبۇلاق شاتقالىنا ايدىنداي تايعاناق مۇز جولدارىن جانى سۇيەتىن شاڭ­عىشىلار، شەبەرلىكتەرىمەن تاڭ­عالدىراتىن سنوۋبوردشى­لار كوپتەپ كە­لەدى. سە­بەبى بۇل جەردە ارنايى وتىر­عى­شى بار كوتەرمە جول­دارمەن تەڭىز دەڭ­گەيىنەن 3163 م بيىك­تىكتەگى تال­عار اسۋى­­نا شىعۋ مۇمكىندىگى بار. مۇن­­­­داعى اسۋدان تۇسەتىن جەر وتە تىك بول­عان­دىقتان، كاسى­بي شاڭعى­شى­لار ءۇشىن ار­مانعا قانات بىتى­رەتىن تاپتىرماس ورىن. ال ەش جەردە قاي­تالانبايتىن اتموس­فە­رادان قالا تۇرعىندارى ەرەك­شە رۋحاني كۇش الاتىنىن ايتادى.

سوڭعى جاڭالىقتار

ماڭعىستاۋدا «جىل ادامى - 2019» انىقتالدى

ايماقتار • 14 جەلتوقسان، 2019

اقتاۋدا تۇرعىن ءۇي پايدالانۋعا بەرىلدى

ايماقتار • 14 جەلتوقسان، 2019

اتىراۋلىقتار تاعى دا ۇزدىكتەر قاتارىندا

ايماقتار • 13 جەلتوقسان، 2019

ۇقساس جاڭالىقتار