ايماقتار • 19 قاراشا، 2019

ورالدا جۇرگىنشىنى كولىكپەن قاعىپ كەتكەن پوليتسيا قىزمەتكەرى جۇمىستان قۋىلدى

20 رەتكورسەتىلدى

18 قاراشا كۇنى كەشكى ساعات 22.30.-دا ورال قالاسىنداعى جاڭگىر حان مەن برۋسيلوۆسكي كوشەلەرىنىڭ قيىلىسىندا پوليتسيا قىزمەتكەرى قىزمەتتىك كولىكپەن كەلە جاتىپ 21 جاستاعى قىز بالانى قاعىپ كەتكەن.

جول وقيعاسىنان زارداپ شەككەن بويجەتكەن اۋىر حالدە قالالىق اۋرۋحانانىڭ جاراقات بولىمىنە جەتكىزىلگەن. دارىگەرلەردىڭ دياگنوزى – باس سۇيەك مەن وڭ بۇعانا سىنىعى، باس-مي اشىق جاراقاتى. جاعدايى اۋىر.

«جول كولىك وقيعاسىن جاساعان پوليتسيا اعا لەيتەنانتى ر.بايمۇقاشەۆقا قاتىستى قىلمىستىق كودەكستىڭ 345-بابى 2 ءبولىمى بويىنشا ءىس قوزعالىپ، سوتقا دەيىنگى تەرگەۋ جۇمىستارى باستالدى. ازاماتتاردىڭ قاۋىپسىزدىگىن قامتاماسىز ەتۋى ءتيىس پوليتسيا وكىلىنىڭ قىزمەت كەزىندە مۇنداي وقيعاعا جول بەرۋى – وتە ورەسكەل جاعداي. سوندىقتان قىزمەت ءتارتىبىن ورەسكەل بۇزعان قىزمەتكەر تارتىپتىك كەڭەستىڭ شەشىمىمەن ىشكى ىستەر ورگاندارىنان شىعارىلدى. سونداي-اق ونىڭ تىكەلەي كومانديرلەرى مەن باسشىلارى تارتىپتىك جاۋاپكەرشىلىككە تارتىلدى» دەلىنگەن باتىس قازاقستان وبلىستىق پوليتسيا دەپارتامەنتى تاراتقان ءباسپاسوز پاراعىندا.

بقو پوليتسيا دەپارتامەنتىنىڭ باستىعى گەنەرال-مايور ماحسۋدحان ءابلازيموۆ جول-كولىك وقيعاسىنان زارداپ شەككەن لاريسا بەيىسوۆانىڭ تۋعان-تۋىستارىنان ءوز قىزمەتكەرى ءۇشىن كەشىرىم سۇراپ، لاريسانىڭ تەزىرەك جازىلىپ كەتۋى ءۇشىن بارىنشا كومەك كورسەتىلەتىنىن حابارلادى.

وسى وقيعانى بەينەجازباعا ءتۇسىرىپ، دەپارتامەنت باستىعىنان ينتەرۆيۋ الماق بولعان بلوگەر ايبولات بوكەنوۆكە قاتىستى دا اكىمشىلىك ءىس قوزعالعانى بەلگىلى بولدى. ا.بوكەنوۆ بۇعان دەيىن دە پوليتسيا قىزمەتكەرلەرى تاراپىنان جاسالعان زاڭ بۇزۋشىلىقتاردى اشكەرەلەپ، بەينەجازبا جاريالاپ جۇرگەن تانىمال تۇلعا بولاتىن. ءوزىنىڭ ايتۋىنشا، ءبىر جىل ىشىندە 87 پوليتسيا قىزمەتكەرىنىڭ جول ەرەجەسىن بۇزعانىن ۆيدەوعا ءتۇسىرىپ، زاڭ الدىندا جاۋاپ بەرۋگە ماجبۇرلەگەن. بىراق پوليتسيا ا.بوكەنوۆتىڭ دە بىرنەشە مارتە اكىمشىلىك جاۋاپكەرشىلىككە تارتىلعانىن، سوڭعى وقيعا بولاتىن كەزدە دە جەڭىل دارەجەدە ماس بولىپ، پوليتسيا قىزمەتكەرلەرىنىڭ تالابىنا باعىنباعانىن حابارلادى.   

2019 جىلدىڭ باسىنان بەرى بقو پوليتسيا دەپارتامەنتىنىڭ جەكە قۇرام بويىنشا ينسپەكتسياسى قىزمەت ءتارتىبى بۇزىلعان 113 وقيعانى انىقتاپ، كىنالىلەردى اكىمشىلىك جاۋاپكەرشىلىككە تارتقان ەكەن. سونىڭ 60-ى – جول ەرەجەسىن بۇزۋ وقيعاسى. 5 قىزمەتكەر ىشكى ىستەر ورگاندارىنان شىعارىلعان.

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار