پارلامەنت • 19 قاراشا، 2019

سەناتتا دەنە شىنىقتىرۋ جانە سپورتتى دامىتۋ ماسەلەلەرى قارالدى

17 رەتكورسەتىلدى

پارلامەنت سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

زاڭ جوباسىنىڭ ماقساتى جوعارى جەتىستىكتەر سپورتىندا دوپينگتى قولدانعانى ءۇشىن جاۋاپكەرشىلىكتى كۇشەيتۋ ماسەلەلەرى بويىنشا دەنە شىنىقتىرۋ جانە سپورت سالاسىندا قولدانىستاعى زاڭنامالارىن جەتىلدىرۋ، سونداي-اق سپورتتا دەمەۋشىلىكتى قۇقىقتىق رەتتەۋ بولىپ تابىلادى.

  زاڭ جوباسىمەن بىرقاتار زاڭنامالىق اكتىلەرگە وزگەرتۋلەر مەن تولىقتىرۋلار ەنگىزىلەدى.

بيۋدجەت كودەكسىنە ەنگىزىلەتىن تۇزەتۋ قازاقستان رەسپۋبليكاسىنىڭ ۇلتتىق پاراليمپيادا كوميتەتىنە دەنە شىنىقتىرۋ جانە سپورت سالاسىندا مەملەكەتتىك تاپسىرمانى الۋعا جانە وعان قاتىسۋعا قۇقىق بەرۋدى كوزدەيدى.

اكىمشىلىك قۇقىق بۇزۋشىلىق تۋرالى كودەكسىنە دوپينگكە قارسى قاعيدالاردى بۇزعانى ءۇشىن ادامداردىڭ جاۋاپكەرشىلىگىن كۇشەيتۋ بولىگىنە تولىقتىرۋلار ەنگىزىلەدى. وسىلايشا، سپورتشىعا قاتىستى سپورتتا تىيىم سالىنعان سۋبستانتسيالاردى جانە (نەمەسە) تىيىم سالىنعان ادىستەردى پايدالانعان جاتتىقتىرۋشىنىڭ، جاتتىقتىرۋشى-وقىتۋشىنىڭ، سپورتتىق مەديتسينا جونىندەگى ماماننىڭ جانە (نەمەسە) دەنە شىنىقتىرۋ جانە سپورت سالاسىنداعى وزگە دە ماماننىڭ دوپينگكە قارسى قاعيدالاردى بۇزعانى ءۇشىن جاۋاپكەرشىلىگى بەلگىلەنەدى.

زاڭ جوباسىنىڭ ماڭىزدى جاڭالىعى:

- پاراليمپيادالىق ويىنداردىڭ چەمپيوندارى مەن جۇلدەگەرلەرىنە ولاردىڭ قالاۋى ەسكەرىلە وتىرىپ، تومەنگى قاباتتاردان نەمەسە ليفتىلەرى بار تۇرعىن ۇيلەردەن، ال پاراليمپيادالىق ويىنداردىڭ تىرەك-قوزعالىس اپپاراتى بۇزىلعان چەمپيوندارى مەن جۇلدەگەرلەرىنە ەكىنشى قاباتتان جوعارى ەمەس تۇرعىن ءۇي-جاي تاڭداۋ قۇقىعىن بەرۋ;

- دەنە شىنىقتىرۋ مەن سپورت سالاسىندا دەمەۋشىلىك كومەك كورسەتۋ ساياساتىن ىسكە اسىراتىن بىرىڭعاي وپەراتور قۇرۋ بولىپ تابىلادى. بىرىڭعاي وپەراتور قىزمەتىنىڭ نەگىزگى ماقساتى دەنە شىنىقتىرۋ جانە سپورتتى تۇراقتى دامىتۋدى قامتاماسىز ەتۋ بولىپ تابىلادى.

سونداي-اق، زاڭ جوباسىنىڭ نەگىزگى ماقساتى سۋردليمپيادالىق سپورت تۇرلەرى بويىنشا مۇگەدەك سپورتشىلار اراسىندا دەنە شىنىقتىرۋ مەن سپورتتى دامىتۋعا جاردەمدەسۋ بولىپ تابىلاتىن ۇلتتىق سۋردليمپيادالىق كوميتەتتىڭ مارتەبەسى مەن وكىلەتتىگىن كۇشەيتۋدى كوزدەيتىن جاڭا «ۇلتتىق سۋردليمپيادالىق قوزعالىس» بابىمەن تولىقتىرىلدى.

زاڭ جوباسىن تالقىلاۋ بارىسىندا سەناتور دينار نوكەتاەۆا زامانۋي تالاپتارعا سايكەس دەنە شىنىقتىرۋ جونىندەگى ستاندارتتار مەن ادىستەمەلەردى وزگەرتۋ قاجەتتىگى تۋرالى ماسەلە كوتەرىلدى.

سەناتور ناريمان تورەعاليەۆ اۋىلدار مەن اۋداندارداعى سپورتتىڭ جاعدايى ناشار ەكەنىن اتاپ ءوتتى. «اۋىلداردا سپورتتى دامىتۋ ءۇشىن جىل سايىن رەسپۋبليكالىق بيۋدجەتتەن قاراجات ءبولۋ قاجەت. وسى ماسەلەنى شەشۋ ءۇشىن قانداي شارالار قولدانىلادى؟» - دەپ سۇرادى دەپۋتات.

قۇجات پالاتا قاراۋىنا بەرىلدى.

 

سوڭعى جاڭالىقتار

كۇلكى كەرۋەنى № 21

رۋحانيات • بۇگىن، 10:41

شاعامان باتىر

تاريح • بۇگىن، 07:28

361 ليفت اۋىستىرىلادى

ايماقتار • بۇگىن، 07:18

وڭىردەگى ونەگەلى ءىس

قوعام • بۇگىن، 07:17

ءىرى ەسەپپەن باسىم ءتۇستى

سپورت • بۇگىن، 07:00

«ءتسۋناميدى» سۇلاتىپ سالدى

كاسىپقوي بوكس • بۇگىن، 06:56

استىڭ ءدامىن كەلتىرگەن

ايماقتار • بۇگىن، 06:53

سايرايدى بۇلبۇل...

رۋحانيات • بۇگىن، 06:51

ءىزى ايقىن، ءىسى مىعىم

قوعام • بۇگىن، 06:49

ۇقساس جاڭالىقتار