قازاقستان • 19 قاراشا، 2019

«قازبات» ءفيلمى كورەرمەنگە جول تارتتى

154 رەتكورسەتىلدى

الماتىدا «كازبات» كوركەم ءفيلمىنىڭ تۇساۋكەسەر كورسەتىلىمى ءوتتى. فيلم قازاقستان رەسپۋبليكاسى اسكەري قىزمەتشىلەرىنىڭ تاجىك-اۋعان شەكاراسىندا بىتىمگەرلىك قىزمەت بارىسىندا  باستارىنان وتكەرگەن شىنايى وقيعانى بايانداعان.  تۋىندىنى «ايۋ سينەما» كينوكومپانياسى قازاقستان رەسپۋبليكاسى ۇلتتىق ۇلانىنىڭ قولداۋىمەن جارىققا شىعارىپ وتىر. 

1995 جىلى 7 ءساۋىر كۇنى پشيحارۆ شاتقالىندا قازاقستان ىشكى اسكەرىنىڭ جەتىنشى قۇراما روتاسى سودىرلاردىڭ تۇتقيىلدان جاساعان شابۋىلىنان وت پەن وقتىڭ قۇرساۋىندا قالادى. جاۋدىڭ كۇشى باسىم بولعان ۇرىستا 17 اسكەري قىزمەتشى وققا ۇشىپ، 33-ءى جارالانعان ەدى. اۋعان جاعىنان شابۋىل جاساعان سودىرلار ءبىر ساعاتتىڭ ىشىندە تاجىكستان اۋماعىنا ءوتىپ كەتۋدى جوسپارلاعان بولاتىن. بىراق ولارعا قارسى جاسالعان شابۋىلدىڭ وتە كۇشتى بولعاندىعىنان، بەس ساعاتقا سوزىلعان قارۋلى قاقتىعىستان كەيىن كەرى شەگىنۋگە ءماجبۇر بولدى. 

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ جارلىعىمەن قاپيادا قازا بولعان 17 ساربازدىڭ بەسەۋىنە ءىى دارەجەلى «ايبىن» وردەنى، ون ەكى جاۋىنگەرگە  «جاۋىنگەرلىك ەرلىگى ءۇشىن»  مەدالى بەرىلدى.  تاجىك حالقىنا كورسەتكەن كومەگى ءۇشىن قازاقستاندىق جاۋىنگەرلەرگە قۇرمەت رەتىندە دۋشانبەدە  مونۋمەنت تۇرعىزىلىپ، رەسەيدىڭ «زا وتليچيە ۆ سلۋجبە» مەدالى دە بەرىلگەن ەدى.    ەل استاناسى نۇر-سۇلتان قالاسىندا «وتان-انا» مونۋمەنتى قاسىنان ىشكى اسكەردىڭ 17 ساربازىنا ارنالعان اللەيا اشىلىپ، ەسكەرتكىش باعانا ورناتىلعان، سونىمەن قاتار شىمكەنت، پەتروپاۆل جانە باسقا دا بىرقاتار قالالاردا باتىرلاردىڭ ارۋاعىنا ەسكەرتكىش قويىلدى.   

– ىشكى اسكەردىڭ قازىرگى مۇراگەرى – قازاقستان رەسپۋبليكاسىنىڭ ۇلتتىق ۇلانى ءوزىنىڭ باتىرلارىن ەشقاشان ۇمىتپايدى. ولاردىڭ ەرلىگىن ەكرانعا شىعارۋ ارقىلى قازا بولعان جاۋىنگەرلەرگە قۇرمەت ءبىلدىرىپ، ەل ەسىندە قالدىرۋدى كوزدەپ وتىرمىز، – دەيدى  قازاقستان رەسپۋبليكاسى ۇلتتىق ۇلانى باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ.       

تۋىندىنىڭ  باس پروديۋسەرى  –   دانيار يبراگيموۆ،  قويۋشى رەجيسسەر – اسقار ۇزاباەۆ، ءفيلمنىڭ قويۋشى باس وپەراتورى –  ماكسيم زادارنوۆسكي.
كينودا داۋرەن سەرعازين، رينات دوشيبەكوۆ،  حالىق راحات، دياس مىرزاحمەت، شاريفبەك زاكيروۆ، ينديرا شىنبولاتقىزى سەكىلدى تالانتتى اكتەرلەر ەل ەسىنەن وشپەيتىن تاريحي قاندى وقيعانىڭ كەيىپكەرلەرىن سومداعان.
كوركەم فيلم 21 قاراشادان باستاپ ەلىمىزدىڭ بارلىق كينوتەاترلارىندا كورسەتىلە باستايدى. ءفيلمنىڭ تەلەديدارعا ارنالعان نۇسقاسى كەلەسى جىلى   7 ساۋىردەن باستاپ، اتالعان قارۋلى قاقتىعىستىڭ 25 جىلدىعىنا وراي  «Qazaqstan» تەلەارناسى ارقىلى كورەرمەنگە جول تارتادى. 

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار