ايماقتار • 15 قاراشا، 2019

«ءبىر سىناعان جاماندى...»

18 رەتكورسەتىلدى

ەلىمىزدە مەملەكەتتىك قىزمەت ساياساتىن جۇزەگە اسىرۋ كەزىندە ادالدىق ماسەلەسى ەڭ ماڭىزدى ءرول اتقارادى. «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا سايكەس سىبايلاس جەمقورلىق قىلمىسىن جاساعان ادام مەملەكەتتىك قىزمەتكە قابىلدانبايدى.

ەگەر مەملەكەتتىك قىزمەتشى قىزمەت اتقارۋ كەزىندە سىبايلاس جەم­قورلىق قۇقىق بۇزۋشىلىق جا­ساسا، وندا ونىڭ مەملەكەتتىك قىز­مەتى توقتاتىلادى. بۇل – integrity check ءپرين­تسيپىنىڭ ىسكە اسى­­رىلۋىنىڭ دا­لەلى.

الايدا، مەملەكەتتىك قىزمەت­شى­لەردەن بولەك، ازاماتتىق قىز­مەت­شىلەر بار. ولار قازاقستان رەس­پۋبليكاسىنىڭ ەڭبەك كودەك­سىنە سايكەس تاعايىنداۋ تارتى­بى­مەن نە كونكۋرس بويىنشا ازا­مات­­تىق قىزمەتكە كىرەدى.

– بۇرىن سىبايلاس جەم­قور­­­لىق قىلمىسىن جاساعان ادام ازا­ماتتىق قىزمەتتە باس­قا­رۋ فۋنك­تسيالارىن ورىن­داۋ­مەن بايلانىستى لاۋا­زىم­­عا قا­بىل­­دانبايدى. ياعني، شارۋاشى­­لىق جۇر­گىزۋ قۇقى­عىنداعى مەم­­لە­كەت­تىك كاسىپو­رىن­دار­عا، ۇلت­تىق باسقارۋشى حولدينگتەرگە، ۇلت­تىق دامۋ ينستيتۋتتارىنا، ۇلتتىق حولدينگتەرگە جانە ۇلت­تىق كومپانيالارعا، سونداي-اق، ولاردىڭ ەنشىلەس ۇيىمدارىنا باسقارۋ فۋنكتسيالارىن ورىنداۋمەن بايلانىستى لاۋازىمعا بۇرىن سىبايلاس جەمقورلىق قىلمىس جاساعان ادامدى جۇ­مىس­قا ورنالاستىرۋعا جول بە­رىل­­­مەيدى، – دەيدى سىبايلاس جەم­­قورلىققا قارسى ءىس-قيمىل اگەنت­تىگىنىڭ باتىس قازاقستان وبلىسى بويىنشا دەپارتامەنتىنىڭ باسشىسى رۋستام اقمىرزاەۆ.

وسىلايشا، 2018 جىلى بۇ­ر­ىن سىبايلاس جەمقورلىق قىل­مىس جاساعان ادام باسشىلىق لا­­ۋا­زىمعا تاعايىنداعانى ءۇشىن اقجايىق، بوكەي ورداسى، جانىبەك اۋداندارىنىڭ ءبىلىم بەرۋ بولىمدەرى باسشىلارى مەن وبلىستىق ءبىلىم بەرۋ باسقارماسى باسشىسىنىڭ بۇرىنعى ورىنباسارىنا (كەيىن وبلىستىق ءبىلىم سالاسىنداعى باقىلاۋ دەپارتامەنتى باسشىسى بولعان) اكىمشىلىك ايىپپۇل سالىنىپ، قىزمەتتەرىنەن شەت­تە­تىلدى.

جاقىندا دەپارتامەنت قىز­مەت­كەرلەرى جۇرگىزگەن سىبايلاس جەمقورلىققا قارسى مونيتورينگ بۇرىن قىلمىس جاساعان 11 ادامنىڭ باسشىلىق لاۋازىمدا قىزمەت اتقارىپ جاتقانىن انىقتاعان. بۇل باسشىلاردىڭ ۇشەۋى سىبايلاس جەمقورلىق بو­يىنشا جاۋاپقا تارتىلعان ەكەن. ەسكىرۋ مەرزiمى وتۋiنە بايلانىس­تى ولاردى تاعايىنداعان لاۋا­زىمدى تۇلعالاردى اكiمشiلiك جاۋاپتىلىققا تارتۋ مۇمكىن ەمەس. دەگەنمەن، مۇنداي فاكتى­لەر­گە وتە مۇقيات قاراۋ كەرەك دەپ سانايدى سىبايلاس جەمقور­لىق­قا قارسى ءىس-قيمىل اگەنتتىگى دەپار­تا­مەنتى.

ءدال قازىر وبلىستا ءبىر ورتا مەكتەپ ديرەكتورىنىڭ ۇستىنەن پارا الۋ فاكتىسى بويىنشا سوتقا دەيىنگى تەرگەۋ باستالعان. سويتسە، ول ديرەكتور بۇرىن جىم­قىرۋ فاكتىسى بويىنشا جا­ۋاپ­­قا تارتىلعان ەكەن.

– قازتالوۆ اۋدانى بوگاتىرەۆ جالپى ورتا ءبىلىم بەرەتىن مەكتە­بىندە بولعان جاعداي دا الاڭ­دا­ۋ­شىلىق تۋعىزىپ وتىر، – دەيدى رۋستام اقمىرزاەۆ.

وقيعا بىلاي بولعان: مەكتەپ ديرەكتورى وسى ءبىلىم ورداسىن تامامداعالى جاتقان 11 سىنىپ وقۋشىسىنىڭ ۇبت سىناعىنان جاقسى ناتيجە كورسەتۋىنە ىقپال ەتۋ ءۇشىن بۇرىنعى مەكتەپ تۇلەگى س.فايزۋليننەن كومەك سۇراعان. ول س.ءفايزۋليننىڭ قىلمىستىق ويىنان حابارسىز بولىپ، 1 ملن تەڭگە كولەمىندە اقشا بەرۋگە ىقپال ەتكەن. سونىمەن قاتار مەكتەپتىڭ ەكى تۇلەگى «التىن بەلگى» ماراپاتىنا يە بول­ۋى ءۇشىن ۇبت-دا 100 باللدان جوعا­رى ۇپاي جيناۋعا كومەك كور­سە­تۋىن سۇراپ، ەسەپشوتىنا 200 000 تەڭگە اقشا اۋدارعان.

وسىلايشا، س.فايزۋللين بىرنە­شە رەت جاساعان الاياق­تى­عى ءۇشىن ايىپتى دەپ تانىلىپ، وعان 3 جىل 6 اي مەرزىمگە باس بوستاندىعىن شەكتەۋ جازاسى تاعايىندالدى.

ال مەكتەپ ديرەكتورى وسى قىلمىستىق ىستەر بويىنشا كۋا جانە س.د.ءفايزۋليننىڭ الداپ-ارباۋىندا بولعان تۇلعا رەتىندە تانىلعان. بۇل شەشىمدى پروكۋراتۋرا جانە سوت ورىندارى تەكسەرىپ، زاڭدى دەپ تاپتى.

– دەگەنمەن مەكتەپ ديرەكتورى ا.الدەكەشەۆا ۇلتتىق بىرىڭعاي تەستىلەۋ قاتاڭ تەكسەرۋ ارقىلى جۇرگىزىلەتىنىن قالايشا بىلمەدى؟ نەگە ول الاياققا سەنىپ، اقشا بەرۋگە ىقپال جاسادى؟ زاڭسىز اقشا بەرۋگە ىقپال ەتكەن مەكتەپ ديرەكتورىنا قوعام سەنە مە؟ وسى ارەكەتتەردەن كەيىن وڭىرىمىزدە ءبىلىم ساپاسى جوعارى­لايدى دەپ ايتۋعا بولا ما؟ بۇل سۇراقتارعا قازتالوۆ اۋدان­دىق ءبىلىم بەرۋ ءبولىمى جانە باتىس قازاقستان وبلىستىق ءبىلىم باسقارماسى باسشىلارى جاۋاپ بەرىپ، دۇرىس شەشىم قابىلدايدى دەگەن سەنىمدەمىز، – دەيدى سىبايلاس جەمقور­لىققا قارسى ءىس-قيمىل اگەنت­تى­گى­نىڭ باتىس قازاقستان وبلىسى بويىنشا دەپارتامەنتىنىڭ باسشىسى رۋستام اقمىرزاەۆ.

 

باتىس قازاقستان وبلىسى

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار