ايتۋلى جۇلدە وسى سپورت ءتۇرىنىڭ دامۋىنا ايرىقشى ۇلەس قوسقان جاسى 29-دان اسقان فۋتبولشىعا تابىس ەتىلەدى. بيىلعى جىلى بۇل سىيلىق حورۆاتيانىڭ شوق جۇلدىزى لۋكا مودريچكە تابىس ەتىلدى. 34 جاستاعى جارتىلاي قورعاۋشى 2018 جىلى ءوز ەلىنىڭ ۇلتتىق قۇراما كومانداسىمەن بىرگە الەم چەمپيوناتىنىڭ كۇمىس جۇلدەگەرى اتانسا, ءمادريدتىڭ «رەالى» ساپىندا چەمپيوندار ليگاسىن ءتورت رەت ۇتتى. بىلتىر مودريچ دۇنيەجۇزىلىك دوپ دوداسىنىڭ ەڭ ۇزدىك ويىنشىسى جانە «التىن دوپتىڭ» يەگەرى اتاندى. حورۆات فۋتبولشىسىنىڭ ودان دا باسقا تولىپ جاتقان اتاقتارى تاعى بار.
كۇنى كەشە عانا وتكەن كونكۋرستا لۋكا مودريچ نەبىر ساڭلاقتارعا شاپ قاپتىرىپ كەتتى. ولاردىڭ قاتارىندا ليونەل مەسسي («بارسەلونا»), كريشتيانۋ رونالدۋ («يۋۆەنتۋس»), تياگو سيلۆا (پسج), روبەرت لەۆاندوۆسكي («باۆاريا»), جەرار پيكە («بارسەلونا»), سەرحيو راموس («رەال» مادريد), ۋەين رۋني («دي سي يۋنايتەد»), سەرحيو اگۋەرو («مانچەستەر سيتي») جانە دجوردجو كەلليني («يۋۆەنتۋس») سىندى مىقتىلار بار.
