پوليتسياداعىلار تۇرعىنداردان اۆتوكولىكتەرىن جول جيەگىنە قويماۋدى سۇرايدى. جول جيەگىنە قويىلعان كولىك قار تازالايتىن تەحنيكانىڭ جۇمىسىنا كەدەرگى كەلتىرەتىنىن ايتادى. بەلگىلەنبەگەن ورىندارعا قويىلعان كولىك قۇرالدارى ەۆاكۋاتورلاردىڭ كومەگىمەن ايىپپۇل تۇراعىنا جەتكىزىلەدى ەكەن.
«جۇرگىزۋشىلەر جىلدامدىق رەجيمىن, قاشىقتىقتى ساقتاۋىنا, جول بەلگىلەرىنىڭ نۇسقامالارىن ورىنداۋىنا جانە شۇعىل ارەكەتتەر جاساماۋىنا, قىس مەزگىلىندە توزعان جانە «جازعى» دوڭگەلەكپەن جۇرمەۋىنە ەرەكشە نازار اۋدارۋلارى قاجەت» دەيدى ۆەدومستۆو ءباسپاسوز قىزمەتى.
ءبىر تاۋلىك ىشىندە ەلوردا جولدارىندا 70-تەن استام جول كولىك وقيعاسى تىركەلىپ, 1 ادام دەنە جاراقاتىن العان.
