ۇكىمەت • 08 قاراشا، 2019

س.وماروۆ ۆەتەرينارلىق باقىلاۋ قىزمەتىن جاڭعىرتادى

273 رەتكورسەتىلدى

اۋىل شارۋاشىلىعى مينيسترلىگى رەسپۋبليكا بويىنشا ۆەتەرينارلىق قىزمەتتى قايتا فورماتتاۋعا جانە وڭتايلاندىرۋعا كوشتى. مينيستر ساپارحان وماروۆتىڭ توراعالىعىمەن وتكەن ۆەتەرينارلىق قاۋىپسىزدىك ماسەلەلەرى بويىنشا كەڭەيتىلگەن كەڭەستە ۆەتەرينارلىق باقىلاۋدى جاڭعىرتۋ بويىنشا بىرنەشە ماسەلەلەر قارالدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

جاقىندا پرەزيدەنت ق.توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. جاڭا قۇجاتتا ۆەتەرينارلىق باقىلاۋدىڭ تيىمدىلىگىن كۇشەيتۋ جاعى قاراستىرىلعان. اتاپ ايتقاندا، جۇمىستى تسيفرلاندىرۋ جانە قىزمەتتىك مىندەتتەردى بولۋدەگى ەسكىلىكتى جويۋ، ۆەتەريناريالىق ءىس-ارەكەتتەردى قابىلداۋ الگوريتمىن قايتا قاراۋ جانە ت. ب.

سالالىق زاڭناماعا وزگەرىستەردى دايىنداۋ ءۇشىن اۋىل شارۋاشىلىعى مينيسترلىك وكىلدەرى ەلىمىزدىڭ بارلىق وڭىرلەرىنە بارىپ، ۆەتەريناريالىق باقىلاۋدىڭ تيىمدىلىگىنە اۋقىمدى تالداۋ جۇرگىزگەن. سارالانعان اقپاراتتى كەڭەيتىلگەن كەڭەستە ۆەتەرينارلىق باقىلاۋ جانە قاداعالاۋ كوميتەتىنىڭ توراعاسى ارمان وتەعۇلوۆ باياندادى.

ارمان وتەعۇلوۆتىڭ ايتۋىنشا، ۆەتەريناريالىق باقىلاۋ قىزمەتىنىڭ ءتيىمسىز جۇمىس ىستەۋىنە 2015 جىلى ولاردىڭ باقىلايتىن مىندەتتەرىنىڭ ءبىر بولىگىن، سونداي-اق 1،1 مىڭعا جۋىق ماماندى جەرگىلىكتى اتقارۋشى ورگانداردىڭ قاراماعىنا بەرۋى سەبەپ بولدى. سەبەبى، اكىمدىكتەر بولىنگەن شتاتتىق بىرلىكتەردى مۇلدە وزگەشە قولدانعان. كوپ جاعدايدا شتاتتىق بىرلىكتەردى جەرگىلىكتى اتقارۋشى ورگانداردىڭ وزگە قۇرىلىمدىق بولىمدەرىنە ءبولىپ بەرگەن. ونىڭ ىشىندە - ىشكى ساياسات، ءبىلىم بەرۋ، ءتىپتى وتباسىلىق قاتىناستار باسقارمالارىنا بەرىلگەنى انىقتالدى. سونداي-اق بوس لاۋازىمدارعا ارنايى كاسىبي ءبىلىمى جوق ماماندار قابىلدانعان. جەكەلەگەن وڭىرلەردە ۆەتەريناريا باسقارمالارى - اۋىل شارۋاشىلىعى، قالالىق ورتا ساپاسى جانە باقىلاۋ، كاسىپكەرلىك جانە ينۆەستيتسيا باسقارمالارىنىڭ قۇرامدارى بولىپ قايتا قۇرىلعان.

«اكىمدىكتەر ەپيزووتيالىق سالاۋاتتىلىقتى قامتاماسىز ەتۋگە قاتىستى ەمەس باسقا مىندەتتەردى باسىمدىققا قويىپ، وسىلايشا ۆەتەرينارياعا قاتىستى ماسەلەلەر ەكىنشى ورىنعا اۋىسىپ كەتكەن»، دەدى ا. وتەعۇلوۆ. 

ۆەتقىزمەتتەردى ماتەريالدىق-تەحنيكالىق جاراقتاندىرۋدىڭ جۇزەگە اسپاۋى، مامانداردىڭ تولىق ەمەس شتات سانى، ولاردىڭ تومەن جالاقىسى جانە تاعى دا باسقا جۇيەلىك كەدەرگىلەر مال دارىگەرلىك باقىلاۋدى تومەندەتىپ جىبەرگەن. 

سونداي-اق كوميتەت توراعاسى جانۋارلار مەن قۇستاردىڭ اسا قاۋىپتى اۋرۋلارى بويىنشا اعىمداعى ەپيزووتيالىق جاعداي تۋرالى اقپارات بەرىپ، ۆەتەريناريالىق-پروفيلاكتيكالىق ءىس-شارالار جانە ۆەتەريناريالىق-باقىلاۋ بەكەتتەرىنىڭ جۇمىسى تۋرالى ايتىپ بەردى.

«ۆەتەريناريالىق-پروفيلاكتيكالىق ءىس-شارالار جوسپارى بويىنشا 2019 جىلى 17 اسا قاۋىپتى اۋرۋعا قارسى 140،7 ملن ۆاكتسيناتسيا جاساۋ جوسپارلانعان. قازىرگى ۋاقىتتا 122،3 ملن. ەكپە جاسالىپ، جۇمىس جوسپاردان بۇرىن جۇزەگە اسىپ جاتىر»، دەدى ول.

دەسەكتە، كوميتەت باسشىسى ارمان وتەعۇلوۆتىڭ ايتۋىنشا، ەلىمىزدەگى ۆەتەريناريا سالاسىندا جەتىستىكتەر دە جوق ەمەس. اعىمداعى جىلى قازاقستان جانۋارلار مەن قۇستاردىڭ بىرقاتار اۋرۋلارى بويىنشا ازات مەملەكەت مارتەبەسىن الدى. قحر-عا سيىر ەتىن ەكسپورتتاۋعا قۇقىعى بار تىزىمگە 4 قازاقستاندىق كاسىپورىن ەنگىزىلدى. شوشقا ەتى، ءسۇت ونىمدەرى، ءجۇن شيكىزاتى ەكسپورتى بويىنشا حاتتاماعا قول قويىلدى. 12 ءاشتو-دەن اعىمداعى جىلى رەسەي فەدەراتسياسى سالعان شەكتەۋلەر الىنىپ تاستالدى، 2،5 مىڭنان استام قازاقستاندىق كاسىپورىندار ەاەو-عا جانە ءۇشىنشى ەلدەرگە ءونىمدى ەكسپورتتاۋعا ارنالعان شەتەلدىك تىزىمگە ەنگىزىلدى.

سونداي-اق مەملەكەتتىك ۆەتەريناريالىق-سانيتاريالىق ينسپەكتورلار 4،6 مىڭنان استام زاڭ بۇزۋشىلىق انىقتاپ، 2،8 مىڭنان استام جەكە جانە زاڭدى تۇلعالار اكىمشىلىك جاۋاپكەرشىلىككە تارتىلىپ، 86،7 ملن تەڭگە ايىپپۇل تولەدى.

جەتىستىكتەر قاتارىنا 2014 جىلدان باستاپ ادامداردىڭ برۋتسەللەزگە شالدىعۋ جاعدايلارىنىڭ سانى 1 443-تەن 313 جاعدايعا دەيىن تومەندەگەن.

كەڭەيتىلگەن كەڭەس قورىتىندىسى بويىنشا ۆەتەرينارلىق مامانداردىڭ ساپالى جۇمىسى ءۇشىن جاعداي جاساۋ، اكىمدىكتەر مەن اشم اۋماقتىق ينسپەكتسيالارىنىڭ ۆەتەرينارلىق قىزمەتتىڭ ءوزارا ءىس-قيمىلىن كۇشەيتۋ، مامانداردىڭ جالاقىسىن كوتەرۋ جانە ت. ب. ماسەلەلەر بويىنشا بىرقاتار ۇسىنىستار قابىلداندى.

اۋىل شارۋاشىلىعى ءمينيسترى ساپارحان وماروۆ كوميتەت جۇرگىزگەن تالداۋ قورىتىندىلارىن تالقىلاۋ بارىسىنداعى اتالعان ماسەلەلەر مەملەكەت باسشىسى قول قويعان زاڭنىڭ كۇشىنە ەنۋىمەن شەشىلۋى ءتيىس ەكەنىن اتاپ ءوتتى. ۆەتەرينارلىق قىزمەتتەردى جاڭعىرتۋ بارىسىندا اتالمىش سالاداعى باقىلاۋ-قاداعالاۋ مىندەتتەرى اشم قاراماعىنا قايتارىلادى.

سونداي-اق مەملەكەتتىك كىرىس ورگاندارىنان ەاەو كەدەندىك شەكاراسى ارقىلى اۆتوموبيل وتكىزۋ پۋنكتتەرىندە كارانتيندىك-فيتوسانيتارلىق جانە ۆەتەرينارلىق باقىلاۋ مىندەتتەرى اشم قۇزىرەتىنە ەنەتىن بولادى.

«ۆەتەريناريا، كارانتين جانە وسىمدىكتەردى قورعاۋ سالاسىنداعى لاۋازىمدى تۇلعالارعا - تەكسەرۋ مەن قاداعالاۋدى جۇزەگە اسىرۋ ءۇشىن باقىلاۋ بەكەتتەرىندە كولىك قۇرالدارىن توقتاتۋ قۇقىعى بەرىلگەن»، دەپ اتاپ ءوتتى مينيستر.

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار