ايماقتار • 08 قاراشا، 2019

الماتىدا وقۋشىلارمەن اسكەري-دالالىق جيىن ءوتتى

31 رەتكورسەتىلدى

الماتى قالاسىندا «جاس سارباز» قوزعالىسىنىڭ تاربيەلەنۋشىلەرى مەن اسكەري-پاتريوتتىق كلۋبتاردىڭ قۇرامىنداعى بالالار ءۇشىن العاش رەت اسكەري-دالالىق جيىن وتكىزىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


جاس پاتريوتتار ءۇشىن كەدەرگىلەر جولاعىنان ءوتۋ، اك-74 اۆتوماتىنان اتۋ، پاراشيۋتتىك دايىندىق سىندى تاپسىرمالار بەرىلدى. سونىمەن قاتار كۋرسانتتار كاۆالەرلىق جاساعىن ۇيرەتەتىن بازاعا باردى.

«№95 جانە 19 مەكتەپتەردەن، مانشۇك مامەتوۆا اتىنداعى مەكتەپ-گيمنازيادان، №1 وبلىستىق بالالار ۇيىندەگى «جاس سارباز» قوزعالىسىنىڭ تاربيەلەنۋشىلەرى ءۇشىن جيىن وتە قارقىندى ءوتتى»،- دەدى "كيروۆ" اسكەري-پاتريوتتىق كلۋبىنىڭ جەتەكشىسى باقىتجان پەرىمبەت.

جيىندا ەڭ جاس قاتىسۋشىلار 5-سىنىپ وقۋشىلارى بولدى. ءوز جاسىنا قاراماستان، ولار بارلىق تاپسىرمالاردى نۇسقاۋشى-وقىتۋشىلار قۇرامىنىڭ باقىلاۋىمەن سەنىمدى ورىندادى.

اسكەري-دالالىق جيىن قرقم الماتى قورعانىس جۇمىستارى جونىندەگى دەپارتامەنتى مەن اسكەري-تەحنيكالىق مەكتەپتىڭ قولداۋىمەن ۇيمداستىرىلدى.

ء«بىزدىڭ اسكەري-پاتريوتتىق كلۋبىمىز 5 جىلدان استام ۋاقىت بويى جۇمىس ىستەپ كەلەدى. الماتى قالاسى قورعانىس ىستەرى دەپارتامەنتىنىڭ تىكەلەي قاتىسۋىمەن قىزىقتى ءىس-شارالار تەك اسكەري-پاتريوتتىق كلۋبتاردا عانا ەمەس، بالالار ۇيىندە دە وتكىزىلەدى. ءبىزدىڭ كلۋبتا بالالار ءۇيىنىڭ تاربيەلەنۋشىلەرى تاۋ-الپينيستىك دايىندىقپەن اينالىسادى"، دەدى باقىتجان پەريمبەتوۆ.

الماتى قالاسىنىڭ №95 جالپى ءبىلىم بەرۋ مەكتەبىنىڭ ديرەكتورى اينۇر سابيروۆانىڭ ايتۋىنشا، «جاس سارباز» سىنىبىنىڭ اشىلۋى جانە بالالاردىڭ وسىنداي ءىس-شارالارعا قاتىسۋى مەكتەپتىڭ كوڭىل-كۇيىنە تىكەلەي اسەر ەتەدى. «وقۋشىلاردىڭ الدىندا ۇلگى كادەتتەر مەن جاس ساربازدار ارقاشان ۇلگى بولماق "، دەپ اتاپ ءوتتى ول.


سوڭعى جاڭالىقتار

ۇقساس جاڭالىقتار